OTT Movie: థియేటర్లలో ఫ్లాప్..ఇప్పుడేమో ఓటీటీలో టాప్లో ట్రెండింగ్.. ధురంధర్ లాంటి స్పై యాక్షన్ థ్రిల్లర్
కొన్ని సినిమాలు థియేటర్లలో ఆడకపోయినా ఓటీటీలో దుమ్మురేపుతుంటాయి. బిగ్ స్క్రీన్ పై ఆడియెన్స్ ను మెప్పించకపోయినా డిజిటల్ స్ట్రీమింగ్ లో రికార్డు వ్యూస్ తెచ్చుకుంటుంటాయి. ఇప్పుడు మనం మాట్లాడుకోబోయే ఈ స్పై యాక్షన్ థ్రిల్లర్ సినిమా కూడా సరిగ్గా ఇదే కోవకు చెందుతుంది.
ఒక సినిమా థియేటర్లలో ఆశించిన విజయం సాధించకపోయినా, ఓటీటీలో దాని తలరాత మారిపోవచ్చు. దీనికి తాజా ఉదాహరణ ఈ సినిమానే. థియేటర్లలో ప్రేక్షకుల నుంచి మంచి స్పందన పొందని ఈ స్పై-యాక్షన్ చిత్రం, ఇప్పుడు ఓటీటీలో దుమ్మురేపుతోంది. నెట్ఫ్లిక్స్లో స్ట్రీమ్ అయిన వెంటనే ఈ చిత్రం ట్రెండింగ్లో నంబర్ 1 స్థానానికి చేరుకుంది. శివ్ రావైల్ దర్శకత్వం వహించిన ‘ఆల్ఫా’, YRF స్పై యూనివర్స్లో ఒక ముఖ్యమైన భాగం. ఈ చిత్రం 2026 జూలై 3న థియేటర్లలో విడుదలైంది. ఆలియా భట్, శర్వరి వాఘ్ వంటి స్టార్ హీరోయిన్లు ఈ స్పై యూనివర్స్లో కీలక పాత్రలు పోషించారు. వీరితో పాటు భారీ స్టార్ క్యాస్టింగ్ ఉన్నప్పటికీ ఈ చిత్రం బాక్సాఫీస్ వద్ద ఆశించిన విజయాన్ని అందుకోలేకపోయింది. ఈ చిత్రంలో ఆలియా, షర్వరిలతో పాటు బాబీ డియోల్, అనిల్ కపూర్, హృతిక్ రోషన్ కూడా ముఖ్య పాత్రల్లో నటించారు. దీంతో రిలీజ్ కు ముందే ‘ఆల్ఫా’ పై భారీ అంచనాలు నెలకొన్నాయి. అయితే, థియేటర్లలో రిలీజైన తర్వాత ఈ సినిమా పరిస్థితి పూర్తిగా మారిపోయింది. బాక్సాఫీస్ వద్ద ఓ మోస్తరు కలెక్షన్లతో మాత్రమే సరిపెట్టుకుంది. అయితే ఇప్పుడు, ‘ఆల్ఫా’ డిజిటల్ ప్లాట్ఫామ్లలో తన సత్తా చాటడం ప్రారంభించింది. ఈ చిత్రం నెట్ఫ్లిక్స్లో స్ట్రీమ్ అయిన తర్వాత, ప్రేక్షకుల నుండి మంచి స్పందనను పొందుతూ ట్రెండింగ్ జాబితాలో అగ్రస్థానానికి చేరుకుంది.
ఆల్ఫా సినిమాకు ఉదయ్ చోప్రా స్టోరీ అందించగా… యష్ రాజ్ ఫిల్మ్స్ బ్యానర్పై ఆదిత్య చోప్రా ఈ సినిమాను నిర్మించారు. ఈ సినిమా కథ విషయానికి వస్తే.. ఓ మాజీ ఏజెంట్ కూతురు సీత (ఆలియా భట్). ఆమెను చిన్నప్పటి నుంచి సమాజానికి దూరంగా ఓ ప్రొఫెషనల్ సోల్జర్గా పెంచుతాడు. ఇదే సమయంలో ఓ అంతర్జాతీయ తీవ్ర వాద ముఠా దేశ భద్రతకే పెను ముప్పుగా మారుతుంది. ఆ ముఠా లీడర్ (బాబీ డియోల్)ను అణచి వేయడం కోసం సీత, ఆమె సోదరి దుర్గ (శర్వరి)తో కలిసి ఓ ప్రమాదకరమైన మిషన్ చేపడతారు. ఇదే ప్రయాణంలో సీత తన తండ్రి గురించి కొన్ని సంచలన నిజాలను తెలుసుకుంటుంది. మరి అక్కాచెల్లెళ్ల మిషన్ సక్సెస్ అయ్యిందా? లేదా? అన్నది తెలియాలంటే ఈ సినిమా చూడాల్సిందే. ప్రస్తుతం ఆల్ఫా సినిమా నెట్ ఫ్లిక్స్ లో స్ట్రీమింగ్ అవుతోంది.
అలియాభట్ ఆల్ఫా సినిమా ట్రైలర్..
మరిన్ని సినిమా వార్తల కోసం ఇక్కడ క్లిక్ చేయండి.