Yevam OTT: ఊహించని ట్విస్టులతో మర్డర్ మిస్టరీ.. ఓటీటీలోకి చాందిని చౌదరీ మూవీ.. స్ట్రీమింగ్ ఎప్పుడంటే..

Yevam Movie

కలర్ ఫోటో సినిమాతో తెలుగు ప్రేక్షకులకు మరింత దగ్గరయ్యింది హీరోయిన్‏ చాందిని చౌదరి. షార్ట్ ఫిల్మ్ ద్వారా సినీరంగంలోకి అడుగుపెట్టిన ఈ బ్యూటీ.. తనదైన నటనతో ప్రశంసలు అందుకుంది. ఎన్నో సవాళ్లను ఎదుర్కొని కథానాయికగా ఓ గుర్తింపు తెచ్చుకుంది. అలాగే ఫీమేల్ ఓరియెంటెడ్ సినిమాల్లో నటిస్తూ మెప్పిస్తుంది. ప్రస్తుతం బ్యాక్ టూ బ్యాక్ సినిమాలతో ఫుల్ బిజీగా ఉంటుంది ఈ అమ్మడు. ఇటీవలే చాందిని చౌదరి ప్రధాన పాత్రలో నటించిన చిత్రం యేవమ్. మహిళా ప్రాధాన్యతగా వచ్చిన ఈ మూవీలో పవర్ ఫుల్ పోలీస్ ఆఫీసర్ పాత్రలో నటించింది. గతనెల 14న థియేటర్లలో రిలీజ్ అయిన ఈ సినిమాకు పాజిటివ్ రివ్యూస్ వచ్చాయి.. కానీ ఆశించిన స్థాయిలో కలెక్షన్స్ రాబట్టలేకపోయింది. బాక్సాఫీస్ వద్ద అంతగా మెప్పించని ఈ సినిమా ఇప్పుడు ఓటీటీలోకి వస్తుంది.

చాందినీ చౌదరి నటించిన ఈ మర్డర్ మిస్టరీ మూవీ ఈరోజు (జూలై 25) నుంచి మధ్యాహ్నం 12 గంటల నుంచి స్ట్రీమింగ్ కానున్నట్లు ప్రముఖ ఓటీటీ ప్లాట్ కు సూపర్ హిట్ అందుకుంది. ఈ విషయాన్ని తమ అధికారిక అకౌంట్ ద్వారా వెల్లడించింది. “నేరస్తుడు ఎవరైనా తప్పించుకోలేరు.. ఇన్‏స్పెక్టర్ సౌమ్య జూలై 25న ఛార్జ్ తీసుకుంటుంది” అనే క్యాప్షన్ తో ఆహా ఓటీటీ యేవమ్ మూవీ స్ట్రీమింగ్ డేట్ అనౌన్స్ చేసింది. ఈ సినిమాలో వశిష్ట సింహా, జై భారత్, బిగ్ బాస్ ఆషు రెడ్డి ముఖ్యపాత్రలు పోషించారు. ఈ చిత్రానికి ప్రకాష్ దంతులూరి దర్శకత్వం వహించగా.. నవదీప్, పవన్ గోపరాజు నిర్మతలుగా వ్యవహరించారు.

ఇదిలా ఉంటే.. ప్రస్తుతం చాందిని చౌదరీ చేతినిండా సినిమాలతో బిజీగా ఉంది. ఈ బ్యూటీ నటించిన రెండు సినిమాలు గత నెలలో ఒకేరోజు విడుదల కావడం విశేషం. యేవమ్ మూవీతోపాటు మ్యూజిక్ షాప్ మూర్తి అనే మరో సినిమా కూడా జూన్ 14న రిలీజ్ కాగా.. ఇప్పటికే మ్యూజిక్ షాప్ మూర్తి సినిమా ఓటీటీలోకి వచ్చేసింది. ఈ చిత్రాన్ని ఈటీవీ విన్, అమెజాన్ ప్రైమ్ వీడియో స్ట్రీమింగ్ చేస్తున్నాయి.

మరిన్ని సినిమా వార్తల కోసం ఇక్కడ క్లిక్ చేయండి.