సినీ రంగంలో అత్యంత ప్రతిష్ఠాత్మకంగా పరిగణించే 96వ ఆస్కార్ అవార్డుల వేడుక ఘనంగా ప్రారంభమైంది. అమెరికాలోని లాస్ ఏంజిల్స్ డాల్బీ థియేటర్ వేదికగా 96వ అకాడమీ అవార్డుల కార్యక్రమం జరుగుతోంది. గత ఏడాది ట్రిపులార్ సాంగ్కు ఆస్కార్ బరిలో అవార్డు రావటంతో తెలుగు ప్రేక్షకులు కూడా ఈ వేడుకకు బాగా కనెక్ట్ అయ్యారు. అందుకే ఈ ఏడాది ఇండియన్ మూవీస్ ఏవీ, కాంపిటీషన్లో లేకపోయినా… ఇక్కడ కూడా బజ్ మాత్రం బాగానే ఉంది..అయిలే ఇప్పటి వరకు పలు విభాగాల్లో అవార్డులను ప్రకటించారు. ముందు నుంచి ఊహించినట్టుగానే హాలీవుడ్ మూవీ ఓపెన్ హైమర్ ఆస్కార్ బరిలో సత్తా చాటింది. మేజర్ కేటగిరీల్లో అవార్డులు సాధించింది ఈ మూవీ. 13 కేటగిరీల్లో పోటికి నిలిచిన ఈ సినిమా చాలా కేటగిరీల్లో అవార్డులు దక్కాయి. బెస్ట్ సపోర్టింగ్ రోల్, బెస్ట్ ఎడిటింగ్, బెస్ట్ సినిమాటోగ్రఫి లాంటి కేటగిరీల్లో ఈ సినిమా అవార్డులు సాధించింది. ఇండియా నుంచి డాక్యుమెంటరీ ఫీచర్ ఫిలిం కేటగిరీలో అవార్డు బరిలో నిలిచిన ‘టు కిల్ ఏ టైగర్’కు నిరాశే మిగిలింది. ఈ కేటగిరిలో 20 డేస్ ఇన్ మారిపోల్ డాక్యుమెంటరీకి అవార్డు దక్కింది. రష్యా-ఉక్రేయిన్ వార్ నేపథ్యంలో ఈ డాక్యుమెంటరీ ఫీచర్ ఫిలింను రూపొందించారు.డాక్యుమెంటరీ షార్ట్ ఫిలిం కేటగిరీలో ది లాస్ట్ రిపేర్ షాప్, విజువల్ ఎఫెక్ట్స్ కేటగిరీలో గాడ్జిల్లా మైనస్ వన్, ఇంటర్నేషనల్ ఫీచల్ ఫిలిం కేటగిరీలో ది జోన్ ఆఫ్ ఇంట్రస్ట్ సినిమా అవార్డులు సాధించాయి..మెయిన్ కేటగిరీస్కు సంబంధించిన అవార్డులు ఇంకా ప్రకటించాల్సి ఉంది.
మరిన్ని సినిమా వార్తల కోసం ఇక్కడ క్లిక్ చేయండి