బెల్లంకొండకు గ్రేట్ రిలీఫ్.. యూట్యూబ్‌లో ‘కవచం’ తడాఖా

వరుస వైఫల్యాలతో సతమతమవుతున్న యంగ్ హీరో బెల్లంకొండ సాయి శ్రీనివాస్ కు యూట్యూబ్ ఆసరాగా నిలిచింది. ఆయన హీరోగా తెరకెక్కిన కవచం సినిమా గతేడాది చివర్లో విడుదలై బాక్స్ ఆఫీస్ వద్ద డిజాస్టర్ గా నిలిచిన సంగతి తెలిసిందే. అయితే తాజాగా ఈ చిత్రం యొక్క హిందీ వెర్షన్ ను యూట్యూబ్ లో విడుదలై మంచి వ్యూస్ ను రాబడుతోంది. ఇన్స్పెక్టర్ విజయ్ అనే టైటిల్ తో విడుదలైన ఈ డబ్బింగ్ వెర్షన్ 24గంటల్లో 16మిలియన్ల వ్యూస్ ను రాబట్టుకుంది.

శ్రీనివాస్ మామిళ్ల డైరెక్షన్ లో రూపుదిద్దుకున్న ఈ చిత్రంలో కాజల్ అగర్వాల్, మెహ్రీన్ హీరోయిన్లుగా నటించారు. బాలీవుడ్ నటుడు నీల్ నితిన్ ముఖేష్ విలన్ పాత్రలో నటించాడు. వంశధార క్రియేషన్స్ నిర్మించిన ఈ చిత్రానికి తమన్ సంగీతం అందించాడు.