నీకెన్ని బ్రెయిన్‌లు..? ‘బుర్రకథ’ టీజర్ రిలీజ్..

హీరో ఆది సాయికుమార్ ప్రధాన పాత్రలో వస్తోన్న చిత్రం ‘బుర్రకథ’. తాజాగా.. ఈ సినిమా టీజర్ లాంచ్ చేసింది చిత్ర యూనిట్. ఈ సినిమాకి డైమండ్ రత్నబాబు దర్శకత్వం వహిస్తున్నారు. మిస్తి చక్రవర్తి హీరోయిన్‌గా నటిస్తోంది. ఈ సినిమాలో ఆది సాయికుమార్ రెండు బ్రెయిన్‌లున్న యువకుడిగా కనిపించనున్నాడని ఈ టీజర్‌ను బట్టి అర్థమవుతోంది.

నాన్నగారూ.. నేనొక బ్రహృత్తరమైన నిర్ణయం తీసుకున్నాను.. అంటూ ఆది చెప్పే డైలాగుతో టీజర్‌ మొదలైంది. ఇందులో ఆయన అభి, రామ్‌ అనే రెండు పాత్రల్లో కనిపిస్తారు. అభి తుంటరి కుర్రాడిగా కనిపిస్తాడు. రామ్‌ పద్ధతిగా, భారతీయ సంప్రదాయాలకు విలువిచ్చే వ్యక్తిగా కనిపిస్తాడు. ఈ సినిమా మొత్తం ఫన్నీగా రూపొందిస్తున్నట్లు తెలుస్తోంది. త్వరలో ఈ సినిమాను ప్రేక్షకుల ముందుకు తీసుకురానున్నారు.