Wedding Invitation: ఎకో ఫ్రెండ్లీ వివాహ వేడుక.. ఇక వెడ్డింగ్‌ కార్డు తెరిచి చూస్తే నోరెళ్లబెట్టాల్సిందే..
2015 నుంచి అలీ, రీచా డేటింగ్ లో ఉన్నారు. ఓ సినిమా షూటింగ్ నిమిత్తం కలుసుకున్న వీరిద్దరూ.. తర్వాత ప్రేమికులుగా మారిపోయారు.
Wedding Invitation: ప్రముఖ జంట అలీ ఫజల్, రిచా చద్దా ఈ సంవత్సరం అక్టోబర్ 4 న వివాహం చేసుకోబోతున్నారు. వీరి పెళ్లికి సంబంధించిన ఆహ్వాన పత్రిక ఇప్పుడు సోషల్ మీడియాలో వైరల్ అవుతోంది. అగ్గిపెట్టె ఆకారంలో ఉన్న ఈ పెళ్లి పత్రిక పై బ్రాండ్ పేరు ఉండే చోట కపుల్ మ్యాచెస్ అని రాసి ఉంది. అలీ ఫజల్, రీచా చద్దా లు సైకిల్ తొక్కుతున్న ఫోటోలు ముద్రించారు. ఒకప్పుడు అగ్గిపెట్టెలకు అచ్చు గుద్దినట్లు ఉన్న ఈ వివాహ ఆహ్వాన పత్రిక అందరినీ ఆకట్టుకుంటున్నది. ఇక వీరి వివాహం ఢిల్లీలోని జింఖానా క్లబ్ లో జరగనున్నట్టు సమాచారం. పెళ్లి అనంతరం ఢిల్లీతో పాటు ముంబైలో విందులు ఏర్పాటు చేశారు. ముంబైలో జరిగే వివాహ విందుకు పలువురు బాలీవుడ్ సెలబ్రిటీలు హాజరుకానున్నారు.
2015 నుంచి అలీ, రీచా డేటింగ్ లో ఉన్నారు. ఓ సినిమా షూటింగ్ నిమిత్తం కలుసుకున్న వీరిద్దరూ.. తర్వాత ప్రేమికులుగా మారిపోయారు. 2017లో తమ బంధం గురించి ప్రపంచానికి చెప్పారు. వాస్తవానికి 2020 లోనే ఈ జంట పెళ్లి చేసుకోవాలని అనుకున్నా.. కోవిడ్, ఇతర కారణాల వల్ల వాయిదా పడుతూ వస్తోంది. అయితే వీరు తమ పెళ్లిని కని విని ఎరుగని స్థాయిలో చేసుకుంటామని చెప్పారు. అన్నట్టుగానే తమ ప్రత్యేకతను వివాహ ఆహ్వాన పత్రిక ద్వారా చాటిచెప్పారు.
మరిన్ని ట్రెండింగ్ న్యూస్ కోసం ఇక్కడ క్లిక్ చేయండి