Nani: నానికి జోడిగా జాన్వీ నటించనుందా.? వార్తలపై స్పందించిన నేచురల్‌ స్టార్‌
అందుకు అనుగుణంగానే తొలి సినిమాతోనే తెలుగు జాన్వీ ప్రేక్షకులను ఫిదా చేయడం ఖాయంగా కనిపిస్తోంది. దేవర మూవీ నుంచి విడుదలైన పాటలే దీనికి నిదర్శనంగా చెప్పొచ్చు. తనదైన అందంతో కుర్రకారు హృదయాలను కొల్లగొట్టిందీ చన్నది. ఈ పాటలు నెట్టింట ట్రెండింగ్‌లో ఉన్నాయి. ఇదిలా ఉంటే ఈ సినిమా ఇంకా విడుదల కూడా కాకముందే తెలుగులో జాన్వీకి అవకాశాలు క్యూ కడుతున్నాయి...
అలనాటి అందాల తార దివంగత శ్రీదేవీ కూతురు జాన్వీ కపూర్ టాలీవుడ్ ఎంట్రీ ఇస్తున్న విషయం తెలిసిందే. జాన్వీ ఇండస్ట్రీకి వచ్చిన 6 ఏళ్ల తర్వాత తెలుగు ప్రేక్షకులను పలకరిచేందుకు సిద్ధమవుతోంది. నిజానికి చాలా రోజుల నుంచి జాన్వీ కపూర్ టాలీవుడ్ తెరకు పరిచయంకానుందని వార్తలు వచ్చాయి. అయితే ఎట్టకేలకు ఎన్టీఆర్‌ హీరోగా తెరకెక్కుతోన్న దేవర చిత్రంతో ఈ బ్యూటీ తెలుగు ప్రేక్షకులను పలకరించేందుకు సిద్ధమవుతోంది.
అందుకు అనుగుణంగానే తొలి సినిమాతోనే తెలుగు జాన్వీ ప్రేక్షకులను ఫిదా చేయడం ఖాయంగా కనిపిస్తోంది. దేవర మూవీ నుంచి విడుదలైన పాటలే దీనికి నిదర్శనంగా చెప్పొచ్చు. తనదైన అందంతో కుర్రకారు హృదయాలను కొల్లగొట్టిందీ చన్నది. ఈ పాటలు నెట్టింట ట్రెండింగ్‌లో ఉన్నాయి. ఇదిలా ఉంటే ఈ సినిమా ఇంకా విడుదల కూడా కాకముందే తెలుగులో జాన్వీకి అవకాశాలు క్యూ కడుతున్నాయి.
ఇప్పటికే బుచ్చిబాబు, రామ్‌చరణ్‌ కాంబినేషన్‌లో తెరకెక్కుతోన్న సినిమాలో జాన్వీని తీసుకోవాలని మేకర్స్‌ డిసైడ్‌ అయ్యారు. ఇందుకు సంబంధించి జాన్వీ కూడా గ్రీన్‌ సిగ్నల్‌ ఇచ్చింది. అయితే ఈ సినిమాతో పాటు మరికొందరు నిర్మాతలు సైతం జాన్వీ డేట్స్‌ కోసం ఎదురుచూస్తున్నారని తెలుస్తోంది. తాజాగా హీరో నాని సరసన జాన్వీ నటించనుందని కొన్ని వార్తలు వైరల్ అయ్యాయి. తాజాగా నాని ఈ వార్తలపై క్లారిటీ ఇచ్చే ప్రయత్నం చేశారు.
ప్రస్తుతం నాని నటించిన ‘సరిపోదా శనివారం’ సినిమా విడుదలకు సిద్ధంగా ఉన్న విషయం తెలిసిందే. ఈనెల 29న ప్రేక్షకుల ముందుకు వస్తున్న నేపథ్యంలో ప్రమోషన్స్‌లో పాల్గొన్న నాని రూమర్స్‌కి చెక్‌ పెట్టారు. తన తర్వాతి సినిమాలో జాన్వీ కపూర్ నటించనుందన్న ప్రచారంపై నాని మాట్లాడుతూ… ‘నా తర్వాత చిత్రంలో జాన్వీ నటించనుంది అనేది కేవలం ఒక రూమర్‌ మాత్రమే. బహుశా ఆమెను తీసుకోవడం కోసం చర్చలు జరుగుతూ ఉండొచ్చు. ఆ సినిమాకు సంబంధించిన స్క్రిప్ట్‌ వర్క్‌ అవుతోంది. నేను కొన్ని రోజులుగా వరుస షూటింగ్‌లతో బిజీగా గడుపుతున్నాను. అందుకే ఆ ప్రాజెక్ట్‌ గురించి వివరాలు తెలుసుకోలేకపోతున్నా’ అని చెప్పుకొచ్చారు.
మరిన్ని సినిమా వార్తల కోసం క్లిక్ చేయండి..