సీఆర్పీఎఫ్ బెటాలియన్ విద్యుత్ బిల్లు, గుండె ఝల్లు

కాశ్మీర్ లోయలోని చరారీ షరీఫ్ లో మోహరించి ఉన్నసీ ఆర్ పీ ఎఫ్ బెటాలియన్ జవాన్లు తమకు వఛ్చిన కరెంట్ బిల్లు చూసి షాక్ తిన్నారు. జులై నెలకు గాను వీరికి ఏకంగా రూ. 1.5 కోట్ల విద్యుత్ బిల్లు వఛ్చి పడింది. ఈ మొత్తాన్ని జమ్మూ కాశ్మీర్ పోలీసు శాఖ చెల్లించవలసి ఉన్నప్పటికీ తమకు ఇదెంతో ఆందోళన కలిగిస్తోందని ఈ బెటాలియన్ అధికారి జుల్ఫీకర్ హసన్ అన్నారు. బహుశా ఏదో పొరబాటు జరిగి ఉంటుందని, తాము విద్యుత్ శాఖను కాంటాక్ట్ చేయబోయినా ప్రయోజనం లేకపోయిందని ఆయన చెప్పారు. బడ్గామ్ జిల్లాలోని బెటాలియన్ కి మంజూరు చేసిన విద్యుత్ లోడ్ కేవలం 50 కిలోవాట్లు మాత్రమే.. ఇందుకు రూ. 1500 బిల్లు మాత్రమే అవుతుంది.