Crime News: హైదరాబాద్‌లో దారుణం.. హాస్టల్‌ పై నుంచి దూకి సాఫ్ట్‌వేర్‌ ఉద్యోగి బలవన్మరణం.. 

Software employee suicide: హైదరాబాద్ నగరంలోని ఓ హాస్టల్‌ భవనంపై నుంచి దూకి సాఫ్ట్‌వేర్‌ ఉద్యోగి బలవన్మరణానికి పాల్పడ్డాడు. అమీర్‌పేటలో శనివారం ఈ ఘటన చోటుచేసుకుంది. దీంతో మృతుడి కుటుంబంలో విషాదం అలుముకుంది. ఎస్సార్‌ నగర్‌ పోలీస్ ఇన్‌స్పెక్టర్‌ సైదులు తెలిపిన వివరాల ప్రకారం.. తూర్పు గోదావరి జిల్లా సామర్లకోటకు చెందిన కె. నవీన్‌ కుమార్‌ (24) మధురానగర్‌లోని ఈఫిల్‌ టెక్‌ సొల్యూషన్స్‌ కంపెనీలో పని చేస్తున్నాడు. ఈ క్రమంలో అమీర్‌పేటలోని ఓ బాయ్స్‌ హాస్టల్‌లో ఉంటూ విధులకు హాజరవుతున్నాడు.

అయితే.. ఏమైందో ఏమో కానీ.. శనివారం సాయంత్రం హాస్టల్‌ భవనంపైకి వెళ్లిన నవీన్ కుమార్.. ఆరో అంతస్తు పైనుంచి దూకాడు. గమనించిన హాస్టల్ సిబ్బంది తీవ్ర గాయాలపాలైన నవీన్‌ను గాంధీ ఆసుపత్రికి తరలించారు. ఈ క్రమంలో చికిత్స పొందుతూ మృతిచెందాడు. ఆత్మహత్యకు గల కారణాలు తెలియరాలేదని పోలీసులు పేర్కొన్నారు. ఈ ఘటనపై కేసు నమోదు చేసి దర్యాప్తు చేస్తున్నట్లు ఎస్ఆర్ నగర్ పోలీసులు తెలిపారు.

Also Read:

Kidnap: గుంటూరు జిల్లాలో షాకింగ్ ఘటన.. ఇంటి ముందు చలికాచుకుంటున్న బాలిక.. ఇంతలోనే..

Viral Video: కూతురుతో కలిసి లయ అదిరిపోయే స్టెప్పులు.. నెట్టింట్లో వైరల్‌గా మారిన వీడియో..