Road Accidents In India: దేశంలో పెరుగుతున్న రోడ్డు ప్రమాదాలు.. మొదటి స్థానంలో తమిళనాడు.. మిగతా రాష్ట్రాలు ఏ స్థానంలో అంటే..!
Road Accidents In India: దేశంలో రోడ్డు ప్రమాదాలు రోజురోజుకు పెరిగిపోతున్నాయి. ప్రమాదాలను అరికట్టేందుకు ప్రభుత్వాలు, పోలీసులు ఎన్ని చర్యలు చేపట్టినా ఇంకా జరుగుతూనే ఉన్నాయి..
Road Accidents In India: దేశంలో రోడ్డు ప్రమాదాలు రోజురోజుకు పెరిగిపోతున్నాయి. ప్రమాదాలను అరికట్టేందుకు ప్రభుత్వాలు, పోలీసులు ఎన్ని చర్యలు చేపట్టినా ఇంకా జరుగుతూనే ఉన్నాయి. ఓవర్‌టెక్‌, అతివేగం, మద్యం తాగి వాహనాలు నడిపించడం, ఇతర కారణాల వల్ల ప్రమాదాలు జరుగుతున్నాయి. ఇక పట్టణ ప్రాంతాల్లో ముఖ్యంగా యూటర్న్‌ల వద్ద ఎక్కువగా ప్రమాదాలు చోటు చేసుకుంటున్నాయి. ఇక రోడ్డు ప్రమాదాల విషయంలో దేశంలో తమిళనాడు మొదటి స్థానంలో ఉంది. రవాణా మంత్రిత్వ శాఖ విడుదల చేసిన రోడ్డు ప్రమాదాల మధ్యప్రదేశ్ రెండో స్థానంలో, యూపీ మూడో స్థానంలో నిలిచాయి. ఉత్తరాఖండ్‌లో అత్యధికంగా సాయంత్రం 6 గంటల నుంచి 9 గంటల మధ్య రోడ్డు ప్రమాదాలు జరిగాయి. ఇక ఉత్తరాఖండ్ 23వ స్థానంలో ఉంది.
2016 నుంచి 2020 వరకు జరిగిన రోడ్డు ప్రమాదాల విశ్లేషణ నివేదికను మంత్రిత్వ శాఖ విడుదల చేసింది. దీని ప్రకారం.. ఉత్తరాఖండ్‌లో 2016లో 1591, 2017లో 1603, 2018లో 1468, 2019లో 1352, 2020లో 1041 రోడ్డు ప్రమాదాలు జరిగాయి. దేశంలో ఉత్తరాఖండ్ 2016లో 24వ ర్యాంకు, 2017లో 16వ ర్యాంక్, 2018లో 24వ ర్యాంక్, 2019లో 24వ ర్యాంక్, 2020లో 23వ ర్యాంక్‌కు చేరుకుంది. హిమాచల్ ప్రదేశ్ 22వ స్థానంలో ఉంది.
ఈ జాబితాలో 45,484 ప్రమాదాలతో తమిళనాడు మొదటి స్థానంలో, 45,266 ప్రమాదాలతో మధ్యప్రదేశ్ రెండో స్థానంలో ఉంది. ఇక 34,243 ప్రమాదాలతో యూపీ మూడో స్థానంలో ఉంది. అదేవిధంగా రోడ్డు ప్రమాదాల్లో ప్రాణాలు కోల్పోవడంలో ఉత్తరప్రదేశ్ మొదటి స్థానం ఉంది. మహారాష్ట్ర రెండో స్థానంలో, మధ్యప్రదేశ్ మూడో స్థానంలో ఉన్నాయి. ఈ విషయంలో ఉత్తరాఖండ్ 22వ స్థానంలో, హిమాచల్ 20వ స్థానంలో ఉన్నాయి.
హెల్మెట్ లేని ప్రమాదాల్లో ఉత్తరాఖండ్ 19వ స్థానం:
హెల్మెట్ లేని ప్రమాదాల్లో ఉత్తరాఖండ్ దేశంలో 19వ స్థానంలో ఉంది. ఈ విషయంలో యూపీ మొదటి స్థానంలో ఉండగా, మహారాష్ట్ర రెండో స్థానంలో, మధ్యప్రదేశ్ మూడో స్థానంలో ఉన్నాయి. ఉత్తరాఖండ్‌లో హెల్మెట్ ధరించకపోవడం వల్ల జరిగిన ప్రమాదాల్లో 103 మంది చనిపోగా, 90 మంది గాయపడ్డారు. హెల్మెట్ లేకుండా ద్విచక్ర వాహనంపై వెనుక కూర్చున్న కేసులో 74 మంది మరణించగా, 74 మంది గాయపడ్డారు. సీటు బెల్టు పెట్టుకోకపోవడం వల్ల జరిగే ప్రమాదాల్లో ఉత్తరాఖండ్ దేశంలో 18వ స్థానంలో ఉంది. ఈ విషయంలో యూపీ నంబర్ వన్, మధ్యప్రదేశ్ రెండో స్థానంలో, రాజస్థాన్ మూడో స్థానంలో నిలిచాయి.
రోడ్డు ప్రమాదాలు ఎక్కువగా జరిగే సమయాలు:
సాయంత్రం ఆరు నుంచి తొమ్మిది గంటల మధ్య ఎక్కువగా ప్రమాదాలు జరుగుతున్నాయి. ప్రమాదాల గురించి మంత్రిత్వ శాఖ వివరాల ప్రకారం.. 2020లో ఉత్తరాఖండ్‌లో సాయంత్రం 6 నుండి 9 గంటల మధ్య అత్యధికంగా 198 ప్రమాదాలు జరిగాయి. మధ్యాహ్నం 3 నుంచి 6 గంటల వరకు 188, మధ్యాహ్నం 12 నుంచి 3 గంటల మధ్య 185 ప్రమాదాలు, ఉదయం 9 నుంచి 12 గంటల మధ్య 124, రాత్రి 9 నుంచి 12 గంటల మధ్య 119 ప్రమాదాలు జరిగాయి. మధ్యాహ్నం 12 గంటల నుంచి 3 గంటల మధ్య కనిష్టంగా 20 ప్రమాదాలు జరిగినట్లు నివేదికలు వెల్లడించాయి.
తాజా నిబంధనల ప్రకారం.. హెల్మెట్‌లకు ఐఎస్‌ఐ ధ్రువీకరణ తప్పనిసరి. మీరు అదే హెల్మెట్ ధరించాలి. ఐఎస్‌ఐ మార్క్ హెల్మెట్ ధరించకుంటే వెయ్యి రూపాయల జరిమానా చెల్లించాల్సి ఉంటుంది. ఇది కాకుండా, మీరు హెల్మెట్ ధరించినప్పటికీ తలకు పట్టుకున్న బెల్ట్‌ను బిగించకపోతే జాగ్రత్తగా ఉండండి. బెల్ట్ లేకుండా హెల్మెట్ ధరిస్తే వెయ్యి రూపాయల జరిమానా కూడా పడుతుంది. ఈ నిబంధనలు రాష్ట్రాలను బట్టి ఉంటుంది.
పిల్లల కోసం ప్రత్యేక హెల్మెట్లు
ఇప్పుడు ద్విచక్రవాహనాలపై పిల్లలను తీసుకువెళ్లేటప్పుడు తప్పనిసరిగా ప్రత్యేక హెల్మెట్లు, బెల్టులు ధరించడం తప్పనిసరి. ఈ బెల్ట్ పిల్లలు కదులుతున్న బైక్-స్కూటర్‌పై పడకుండా నిరోధిస్తుంది. పిల్లలను వాహనంపై తీసుకెళ్తుంటే, వాహనం గంటకు 40 కిలోమీటర్ల వేగంతో మాత్రమే నడపాలి. అంతకంటే ఎక్కువ వేగంతో వెళితే వెయ్యి రూపాయల జరిమానాతో పాటు మూడు నెలల పాటు లైసెన్సును సస్పెండ్ చేస్తారు.
మరిన్ని క్రైమ్ వార్తల కోసం ఇక్కడ క్లిక్ చేయండి
