Crime News: వివాహితపై యువకుడి అత్యాచార ప్రయత్నం.. ప్రతిఘటించడంతో దారుణ హత్య..
దేశ ఆర్థిక రాజధాని ముంబయి(Mumbai) లో దారుణం చోటుచేసుకుంది. పొరుగింట్లో నివాసం ఉన్న మహిళపై కన్నేసిన ఓ కామాంధుడు ఆమెపై అత్యాచార యత్నానికి ప్రయత్నించాడు.
దేశ ఆర్థిక రాజధాని ముంబయి(Mumbai) లో దారుణం చోటుచేసుకుంది. పొరుగింట్లో నివాసం ఉన్న మహిళపై కన్నేసిన ఓ కామాంధుడు ఆమెపై అత్యాచార యత్నానికి ప్రయత్నించాడు. అయితే ఆమె ప్రతిఘటించి కేకలు వేయడంతో దారుణంగా అంతమొందించాడు. అనంతరం ఎవరికీ అనుమానం రాకుండా సోఫాలో చుట్టి ముట్టాడు. అయితే మృతురాలి భర్త, కుమారుడు పోలీసులను ఆశ్రయించడంతో అసలు వ్యవహారం వెలుగులోకి వచ్చింది. పొరుగున నివాసం ఉన్న యువకుడే ఈ దారుణానికి ఒడిగట్టాడని తేలింది. పోలీసులు అందించిన సమాచారం మేరకు వివరాలిలా ఉన్నాయి. సుప్రియా కిషోర్‌ షిండే(33) ముంబయిలోని దావ్‌డిగాలో నివాసముంటోంది. ఆమెకు భర్త, 11 ఏళ్ల కూతురు కూడా ఉంది. వీరి పొరుగున ఉన్న ఇంట్లోనే విశాల్ ఘావత్ (25) అనే యువకుడు నివాసముంటున్నాడు. సుప్రియ కన్నేసిన ఆ కామాంధుడు ఎప్పడెప్పుడు అవకాశం దొరుకుతుందా అని ఎదురుచూశాడు. ఈనేపథ్యంలో ఫిబ్రవరి 15న సుప్రియ ఇంట్లో ఒంటరిగా ఉండడం చూసిన విశాల్ ఆమెపై అత్యాచారానికి ప్రయత్నించాడు. అయితే సుప్రియ కేకలు వేస్తూ బయటికెళ్లేందుకు ప్రయత్నించింది. దీంతో ఆమె జుట్టు పట్టుకుని ఈడ్చుకొచ్చిన నిందితుడు ఓ పదునైన ఆయుధంతో ఆమె తలపై కొట్టాడు. అనంతరం నైలాన్‌ తాడును గొంతుకు బిగించి చంపేశాడు. ఆపై మృతదేహం ఎవరికీ కనిపించకుండా సోఫాలో చుట్టి వెళ్లిపోయాడు.
పక్కా ప్రణాళికతో..
కాగా తన భార్య కనిపించడం లేదంటూ సుప్రియా భర్త పోలీసులను ఆశ్రయించాడు. ఇక్కడ ఆశ్చర్యకరమైన విషయమేమిటంటే.. మృతురాలి భర్త పోలీస్‌ స్టేషన్‌కు వెళ్లినప్పుడు నిందితుడు కూడా అతనితో పాటే వెళ్లాడు. మృతురాలు కనిపించడం లేదంటూ మిస్సింగ్‌ కేసు నమోదు చేశారు. అయితే ఇంట్లో అనుమానాస్పదంగా చుట్టబడిన సోఫాలో భార్య మృతదేహం కనుగొనడంతో హత్య విషయం వెలుగులోకి వచ్చింది. దర్యాప్తు చేపట్టిన పోలీసులు ఘావత్‌ను తమదైన శైలిలో విచారించారు. చివరకు నిందితుడు నేరం అంగీకరించాడు. కాగా హత్యాచారానికి ముందు రోజే నిందితుడు నిందితుడు పక్కా ప్రణాళికలు వేసుకున్నట్లు పోలీసులు తెలిపారు. సరదాగా సుప్రియా ఇంటికెళ్లి పిల్లలు ఎప్పుడు పాఠశాలకు వెళతారు? భర్త ఎప్పుడు పనికి వెళతారు?అన్న విషయాలపై ఆరా తీశాడు. ఆ మరుసటి రోజు అదను చూసి ఇంట్లోకి ప్రయత్నించాడు. సుప్రియపై అత్యాచారానికి ప్రయత్నించాడు. ఆమె ప్రతిఘటించడంతో దారుణంగా అంతమొందించాడు.
Also Read:Pushpa: పుష్ప యూనిట్‌కు కీలక సూచనలు చేసిన అల్లు అర్జున్‌.. ఆ తప్పు మళ్లీ చేయొద్దంటూ..
Hrithik Roshan: రక్తదానం చేసిన బాలీవుడ్‌ గ్రీక్‌ హీరో.. క్రిష్‌ సినిమాతో ముడిపెట్టిన నెటిజన్‌..
Hrithik Roshan: రక్తదానం చేసిన బాలీవుడ్‌ గ్రీక్‌ హీరో.. క్రిష్‌ సినిమాతో ముడిపెట్టిన నెటిజన్‌..