టెలివిజన్ రేటింగ్ పాయింట్స్ (టీఆర్పీ) కుంభ కోణంలో రిపబ్లిక్ టీవీ సీఈవో వికాస్ ఖాన్‌చందానీ అరెస్ట్
టెలివిజన్ రేటింగ్ పాయింట్స్ (టీఆర్పీ) కుంభ కోణం వ్యవహారంలో రిపబ్లిక్ టీవీ సీఈవో వికాస్ ఖాన్ చందానీని ముంబై పోలీసులు ఆదివారం అరెస్టు చేశారు. ఈ కుంభకోణ వ్యవహారం కేసులో 13 మంది అరెస్టు
టెలివిజన్ రేటింగ్ పాయింట్స్ (టీఆర్పీ) కుంభ కోణం వ్యవహారంలో రిపబ్లిక్ టీవీ సీఈవో వికాస్ ఖాన్ చందానీని ముంబై పోలీసులు ఆదివారం అరెస్టు చేశారు. ఈ కుంభకోణ వ్యవహారం కేసులో 13 మంది అరెస్టు అయ్యారు. రిపబ్లిక్ టీవీ పశ్చిమ విభాగం డిస్ట్రిబ్యూటర్ హెడ్ ఘన్ శ్యామ్ సింగ్ ను పోలీసులు గత నవంబర్ నెలలో అదపులోకి తీసుకోగా, ఈ నెలలో ఆయనకు బెయిల్ లభించింది. బ్రాడ్ కాస్ట్ ఆడియెన్స్ రీసెర్చీ కౌన్సిల్ కోసం పని చేసే హన్సా రీసెర్చి గ్రూప్ ఫిర్యాదు మేరకు అక్టోబర్ లో రిపబ్లిక్ టీవీపై పోలీసులు ఎఫ్ ఐ ఆర్ నమోదు చేశారు.
రిపబ్లిక్ టీవీతో పాటు మరో రెండు మరాఠా టీవీ ఛానళ్లు నకిలీ టీఆర్పీ రేటింగ్ లతో మోసాలకు పాల్పడుతున్నట్లు ముంబాయి నగర పోలీస్ కమిషనర్ వీర్ సింగ్ గతంలో తెలిపారు. మరో వైపు బాలీవుడ్ నటుడు సుశాంత్ సింగ్ ఆత్మహత్య వ్యవహారంలో ప్రభుత్వ వైఫల్యాలను ఎత్తి చూపినందుకే తమపై ఇలాంటి చర్యలకు పాల్పడుతున్నారని రిపబ్లిక్ టీవీ ఎడిటర్ ఇన్ చీఫ్ అర్నాబ్ గోస్వామి ఆరోపించారు.