TSPSC AMVI Recruitment 2022: తెలంగాణ నిరుద్యోగులకు అలర్ట్‌! 149 పోస్టులకు త్వరలో మరో నోటిఫికేషన్
తెలంగాణలో ఇప్పటికే 503 పోస్టుల భర్తీకి గ్రూప్‌-1 నోటిఫికేషన్ జారీ చేసిన టీఎస్‌పీఎస్సీ (TSPSC) మరో నోటిఫికేషన్ విడుదల చేసేందుకు సన్నాహాలు చేస్తోంది. త్వరలోనే 149 అసిస్టెంట్‌..
TSPSC Assistant Motor Vehicle Inspector Recruitment 2022: తెలంగాణలో ఇప్పటికే 503 పోస్టుల భర్తీకి గ్రూప్‌-1 నోటిఫికేషన్ జారీ చేసిన టీఎస్‌పీఎస్సీ (TSPSC) మరో నోటిఫికేషన్ విడుదల చేసేందుకు సన్నాహాలు చేస్తోంది. త్వరలోనే 149 అసిస్టెంట్‌ మోటర్‌ వెహికిల్‌ ఇన్‌స్పెక్టర్‌ పోస్టుల భర్తీకి నోటిఫికేషన్ ఇవ్వనున్నట్టు సమాచారం. ఈ పోస్టుల భర్తీకి సంబంధించిన ప్రతిపాదనలు టీఎస్‌పీఎస్సీకి చేరాయి. త్వరలో విడుదలకానున్న AMVI పోస్టులకు బీటెక్‌ ఆటోమొబైల్‌, మెకానికల్‌ ఇంజినీరింగ్‌ కోర్సులు చదివిన అభ్యర్ధులు అర్హులు.
అటు రవాణాశాఖతో పాటు వైద్యారోగ్యశాఖలో 2,662 పోస్టుల భర్తీకి ఆర్థికశాఖ ఆమోదం తెలిపింది. ఇందులో 61 క్యాటగిరీలకు చెందిన పోస్టులు ఉన్నాయి. ఆయా పోస్టులకు సంబంధించి వైద్యారోగ్యశాఖ అధికారులు పంపిన ప్రతిపాదనలు సక్రమంగా లేకపోవడంతో టీఎస్‌పీఎస్సీ వాటిని తిప్పి పంపించింది. ఆయా పోస్టుల భర్తీకి ఉద్దేశించిన జీవోలు, అర్హతలు తదితర వివరాలు సమర్పించాలని టీఎస్‌పీఎస్సీ సూచించింది.
Also Read: