Telangana: తెలంగాణ విద్యార్థులకు ముఖ్య గమనిక.. 14న టీఎస్ఆర్జేసీ ప్రవేశ పరీక్ష..
Telangana: తెలంగాణ రాష్ట్ర రెసిడెన్షియల్ జూనియర్ కాలేజెస్ కామన్ ఎంట్రన్స్ ఎగ్జామ్ ఈ నెల 14వ తేదీన నిర్వహించనున్నారు. ఈ మేరకు తెలంగాణ గురుకులాల
Telangana: తెలంగాణ రాష్ట్ర రెసిడెన్షియల్ జూనియర్ కాలేజెస్ కామన్ ఎంట్రన్స్ ఎగ్జామ్ ఈ నెల 14వ తేదీన నిర్వహించనున్నారు. ఈ మేరకు తెలంగాణ గురుకులాల సంస్థ కార్యదర్శి సీహెచ్ రమణ కుమార్ ప్రకటన విడుదల చేశారు. తెలంగాణ గురుకుల విద్యాలయాల సంస్థ ఆధ్వర్యంలోని 35 జూనియర్ కాలేజీల్లో 2021-22 విద్యాసంవత్సరానికి గాను ప్రవేశాలకు ఈ పరీక్షను నిర్వహిచంనున్నారు. కాగా, హైదరాబాద్‌, మహబూబ్‌నగర్‌, నిజామాబాద్‌, ఆదిలాబాద్‌, కరీంనగర్‌, వరంగల్‌, ఖమ్మం, నల్లగొండ, రంగారెడ్డి, మెదక్‌, సిద్దిపేట, సంగారెడ్డి జిల్లా కేంద్రాల్లో ఈనెల 14వ తేదీన ఉదయం 10 గంటల నుంచి 12:30 గంటల మధ్య పరీక్షను జరుగనుంది. కాగా, టీఎస్ఆర్‌జేసీకి సిద్ధమవుతున్న విద్యార్థులు.. ఈనెల 9వ తేదీ నుంచి హాల్‌ టికెట్లు డౌన్‌లోడ్ చేసుకోవాలని తెలిపారు. ఈ హాల్‌టికెట్లు http://tsrjdc.cgg.gov.in లో అందుబాటులో ఉంచుతామని తెలిపారు.
ఇదిలాఉంటే.. తెలంగాణ గురుకుల విద్యాలయాల సంస్థ ఆధ్వర్యంలోని జూనియర్ కాలేజీల్లో ఇంటర్మీడియట్ ప్రథమ సంవత్సరం అడ్మిషన్‌ కోసం తెలంగాణ రెసిడెన్షియల్ ఎడ్యూకేషనల్ ఇనిస్టిట్యూషన్స్ సొసైటీ ప్రతీ ఏటా కామన్ ఎంట్రన్స్ టెస్ట్ నిర్వహిస్తుంది. ఈ పరీక్షకు ఆన్‌లైన్ ద్వారా దరఖాస్తు చేసుకోవాల్సి ఉంటుంది. టీఎస్ఆర్జేసీ కామన్ ఎంట్రన్స్ దరఖాస్తుకు జూన్ 30వ తేదీలో గడువు ముగియగా.. ఇప్పుడు ఈ పరీక్ష నిర్వహణ తేదీని ప్రకటించారు.
Also read:
Andhra Pradesh: రైతుగా వచ్చిన సబ్ కలెక్టర్.. ఎరువుల షాపు యజమానులకు చుక్కలు చూపించారు..
Ambedkar Overseas Vidya Nidhi: విదేశాల్లో చదువుకోవాలనుకుంటున్నారా? ఈ కీలక సమాచారం మీకోసమే..
Andhra Pradesh: ప్రమోషన్ ఇవ్వడం లేదు.. కారుణ్య మరణానికి అనుమతి ఇప్పించండి..