TS Intermediate 1st Year Results: నేడే ఇంటర్ ఫస్ట్ ఇయర్ రిజల్ట్స్.. ఎలా చెక్ చేసుకోవాలంటే?
తెలంగాణ స్టేట్ బోర్డ్ ఆఫ్ ఇంటర్మీడియట్ ఎడ్యుకేషన్ (TSBIE) TS ఇంటర్ మొదటి సంవత్సరం ఫలితాలు 2021ని ఈరోజు తన అధికారిక వెబ్సైట్లో విడుదల చేసే అవకాశం ఉంది.
TS Intermediate 1st Year Results: తెలంగాణ స్టేట్ బోర్డ్ ఆఫ్ ఇంటర్మీడియట్ ఎడ్యుకేషన్ (TSBIE) TS ఇంటర్ మొదటి సంవత్సరం ఫలితాలు 2021ని ఈరోజు తన అధికారిక వెబ్సైట్లో విడుదల చేసే అవకాశం ఉంది. తెలంగాణ ఇంటర్ ప్రథమ సంవత్సరం పరీక్షలు అక్టోబర్ 25, 2021 నుంచి నవంబర్ 3, 2021 వరకు నిర్వహించిన సంగతి తెలిసిందే. కరోనా మహమ్మారి కారణంగా గత సంవత్సరం రద్దయిన ఇంటర్ మొదటి సంవత్సరం పరీక్షలను ఇటీవల నిర్వహించిన విషయం తెలిసిందే. అయితే ఆ ఫలితాలు నేడు విడుదల చేసేందుకు ఇంటర్ బోర్డు అధికారులు సిద్ధమయ్యారు. థియరీ పరీక్షల జవాబు పత్రాల మూల్యాంకనం ఇప్పటికే పూర్తయింది. అయితే మొదటి సంవత్సరం ఒకేషనల్ విద్యార్థులకు ప్రాక్టికల్ ఎగ్జామ్స్ నిర్వహించిన తర్వాతే రిజల్ట్స్ను విడుదల చేయాలని ఇంటర్ బోర్డు నిర్ణయించింది.
టీఎస్ ఇంటర్మీడియట్ పరీక్షలు 2021లో సుమారు 4.3 లక్షల మంది అభ్యర్థులు హాజరయ్యారు. ఫలితాలు ప్రకటించిన తర్వాత పరీక్షకు హాజరైన అభ్యర్థులు తమ ఫలితాలను అధికారిక వెబ్సైట్ – tsbie.cgg.gov.in, manabadi.comలో ఆన్లైన్లో తనిఖీ చేసుకోవచ్చు.
అభ్యర్థులు తమ ఫలితాలను అధికారిక వెబ్సైట్లో ఆన్లైన్లో తనిఖీ చేయడానికి వారికి లాగిన్ ఆధారాలు, రోల్ నంబర్, పుట్టిన తేదీ, అప్లికేషన్ నంబర్ వంటివి అవసరమవుతాయి.
అధికారిక వెబ్సైట్లో లాగిన్ అయిన తర్వాత, అభ్యర్థులు తమ టీఎస్ ఇంటర్ ఫలితాలు 2021 స్కోర్ కార్డ్లను డౌన్లోడ్ చేసుకోగలరు.
అధికారిక వెబ్సైట్తో పాటు, అభ్యర్థులు తమ ఫలితాలను థర్డ్ పార్టీ వెబ్సైట్ల ద్వారా తనిఖీ చేయవచ్చు.
టీఎస్ ఇంటర్ ప్రథమ సంవత్సరం ఫలితాలు 2021 విడుదల చేసే ఖచ్చితమైన సమయాన్ని అభ్యర్థులు అధికారిక వెబ్సైట్ను సందర్శించాలని సూచించారు.
ఎలా చెక్ చేసుకోవాలంటే?
1) అధికారిక TSBIE వెబ్సైట్ tsbie.cgg.gov.inను సందర్శించాలి.
2) ప్రధాన వెబ్సైట్ హోమ్పేజీలో ‘టీఎస్ మొదటి సంవత్సరం ఫలితం 2021’ లింక్పై క్లిక్ చేయండి.
3) మీ లాగిన్ వివరాలను నమోదు చేసి, ఆపై ‘సబ్మిట్’ బటన్పై క్లిక్ చేయండి.
4) అక్కడ మీ రిజల్ట్ కనిపిస్తుంది.
5) మీ ఫలితాలను చెక్ చేసుకుని డౌన్లోడ్ చేసుకోండి.
ఇంటర్ వార్షిక పరీక్షలు ఏప్రిల్ నెలలో..
కాగా, మరో వైపు వచ్చే ఏడాది ఇంటర్ వార్షిక పరీక్షలను ఏప్రిల్ నెలలో నిర్వహించేందుకు అధికారులు ప్లాన్ చేస్తున్నారు. షెడ్యూల్ ప్రకారం వచ్చే ఏడాది మార్చి 23 నుంచి పరీక్షలు జరగాల్సి ఉంది. కోవిడ్ కారణంగా తరగతులు సైతం ప్రారంభం కావడంలో ఆలస్యమైంది. దీంతో ఈసారి పరీక్షలు కూడా ఆలస్యంగా నిర్వహించే అవకాశం ఉన్నట్లు తెలుస్తోంది.
Also Read: Omicron variant: తెలంగాణలో ఒమిక్రాన్ వణుకు.. హైదరాబాద్లో 2 యాక్టివ్ కేసులు