NIAB Recruitment: హైదరాబాద్‌లోని ఎన్ఐఏబీలో ఉద్యోగాలు.. దరఖాస్తులకు నేడే చివరి తేదీ. ఆన్‌లైన్‌ ఇంటర్వ్యూ ద్వారా..
NIAB Recruitment 2021: భారత ప్రభుత్వానికి చెందిన సైన్స్‌ అండ్‌ టెక్నాలజీ మంత్రిత్వశాఖలోని బయోటెక్నాలజీ విభాగానికి చెందిన నేషనల్‌ ఇన్‌స్టిట్యూట్‌ ఆఫ్‌ యానిమల్‌ బయోటెక్నాలజీ (ఎన్‌ఐఏబీ) పలు ఉద్యోగాల భర్తీకి నోటిఫికేషన్‌...
NIAB Recruitment 2021: భారత ప్రభుత్వానికి చెందిన సైన్స్‌ అండ్‌ టెక్నాలజీ మంత్రిత్వశాఖలోని బయోటెక్నాలజీ విభాగానికి చెందిన నేషనల్‌ ఇన్‌స్టిట్యూట్‌ ఆఫ్‌ యానిమల్‌ బయోటెక్నాలజీ (ఎన్‌ఐఏబీ) పలు ఉద్యోగాల భర్తీకి నోటిఫికేషన్‌ జారీ చేసింది. హైదరాబాద్‌లో ఉన్న ఈ సంస్థలో ప్రాజెక్ట్‌ స్టాఫ్‌ పోస్టులను భర్తీ చేయనున్నారు. దరఖాస్తుల స్వీకరణ నేటితో (జులై 19) ముగియనున్న నేపథ్యంలో ఈ నోటిఫికేషన్‌కు సంబంధించిన పూర్తి వివరాలపై ఓ లుక్కేయండి..
భర్తీ చేయనున్న ఖాళీలు, అర్హతలు..
* మొత్తం 08 ఖాళీలకు గాను ప్రాజెక్ట్‌ అసోసియేట్‌(1,2)–04, ఫీల్డ్‌ అసిస్టెంట్‌–04 ఖాళీలను భర్తీ చేయనున్నారు.
* ప్రాజెక్ట్‌ అసోసియేట్‌ పోస్టుకు దరఖాస్తు చేసుకునే అభ్యర్థులు.. సంబంధిత లైఫ్ సైన్స్‌ సబ్జెక్టుల్లో ఎమ్మెస్సీ ఉత్తీర్ణులవ్వాలి. అంతేకాకుండా నెట్‌ అర్హతతో పాటు సంబంధిత పనిలో అనుభవం ఉండాలి. అభ్యర్థుల వయసు 35 ఏళ్లు మించకూడదు.
* ఫీల్డ్‌ అసిస్టెంట్‌ పోస్టులకు దరఖాస్తు చేసుకునే అభ్యర్థులు.. ఇంటర్మీడియట్‌తోపాటు యానిమల్‌ హస్బెండరీ/వెటర్నరీ సైన్స్‌లో డిప్లొమా ఉత్తీర్ణులవ్వాలి. అంతేకాకుండా సంబంధిత పనిలో అనుభవం ఉండాలి. అభ్యర్థుల వయసు 30ఏళ్లు మించకూడదు.
ముఖ్యమైన విషయాలు..
* ఆసక్తి, అర్హత ఉన్న అభ్యర్థులు ఆన్‌లైన్‌ విధానంలో దరఖాస్తు చేసుకోవాల్సి ఉంటుంది.
* కరోనా నేపథ్యంలో అభ్యర్థులను ఆన్‌లైన్‌ ఇంటర్వ్యూ ఆధరాంగా ఎంపిక చేయనున్నారు.
* ప్రాజెక్ట్‌ అసోసియేట్‌–1కు ఎంపికైన వారికి నెలకు రూ.31,000+24% హెచ్‌ఆర్‌ఏ, ప్రాజెక్ట్‌ అసోసియేట్‌–2కు ఎంపికైన వారికి నెలకు రూ.35,000+24% హెచ్‌ఆర్‌ఏ చెల్లిస్తారు.
* ఫీల్డ్‌ అసిస్టెంట్‌కు ఎంపికైన వారికి నెలకు రూ.20,000+24% హెచ్‌ఆర్‌ఏను ఫెలోషిప్‌గా చెల్లిస్తారు.
* ఆన్‌లైన్‌ దరఖాస్తుల స్వీకరణ నేటితో (19-07-2021) ముగియనుంది.
* పూర్తి వివరాలకు ఇక్కడ క్లిక్‌ చేయండి..
Telangana: తెలంగాణ నిరుద్యోగులకు గుడ్ న్యూస్.. హైదరాబాద్‌ జిల్లా వైద్య శాఖ కార్యాలయంలో ఉద్యోగాలు
Engineering courses: ఇక చదివేయండి.. ఇంగ్లీష్‌లో కాదు.. తెలుగులో కూడా బీటెక్‌..