JNVST నవోదయ 6వ తరగతి ప్రవేశ పరీక్ష హాల్‌టికెట్లు విడుదల.. ఇలా డౌన్లోడ్ చేసుకోండి!
నవోదయ విద్యాలయాల్లో 6వ తరగతి ప్రవేశాల కోసం నిర్వహించే JNVST 2026 పరీక్ష హాల్‌టికెట్లు విడుదలయ్యాయి. నవంబర్‌ 28న జరగనున్న ప్రవేశ పరీక్షకు దరఖాస్తు చేసుకున్న విద్యార్థులు రిజిస్ట్రేషన్‌ నంబర్‌, పుట్టిన తేదీ వివరాలతో అధికారిక వెబ్‌సైట్‌ ద్వారా అడ్మిట్‌ కార్డులను డౌన్లోడ్ చేసుకోవచ్చు..
హైదరాబాద్‌, అక్టోబర్ 30: నవోదయ విద్యాలయాల్లో 6వ తరగతిలో ప్రవేశం పొందాలనుకునే విద్యార్థులకు ముఖ్యమైన అలర్ట్‌. జవహర్‌ నవోదయ విద్యాలయ సమితి (NVS) 2026-27 విద్యా సంవత్సరానికి సంబంధించి 6వ తరగతి ప్రవేశ పరీక్ష (JNVST) హాల్‌టికెట్లను అధికారిక పోర్టల్‌లో అందుబాటులో ఉంచింది. పరీక్షకు దరఖాస్తు చేసుకున్న విద్యార్థులు, వారి తల్లిదండ్రులు ఆన్‌లైన్‌ ద్వారా అడ్మిట్‌ కార్డులను డౌన్లోడ్ చేసుకోవచ్చు. నవోదయ విద్యాలయాల్లో 6వ తరగతి ప్రవేశాల కోసం నిర్వహించే JNVST పరీక్ష నవంబర్‌ 28న జరగనుంది. పరీక్షకు హాజరయ్యే విద్యార్థులు ముందుగానే తమ హాల్‌టికెట్లను డౌన్లోడ్ చేసుకోవాలని అధికారులు సూచిస్తున్నారు. పరీక్ష కేంద్రం, పరీక్ష సమయం, విద్యార్థి వివరాలు తదితర సమాచారం అడ్మిట్‌ కార్డులో ఉంటుంది.
JNVST 2026 హాల్‌టికెట్‌ డౌన్లోడ్ కోసం ఇక్కడ క్లిక్ చేయండి.
JNVST 2026 హాల్‌టికెట్‌ డౌన్లోడ్ చేసుకునే విధానం ఇలా..
- విద్యార్థులు కింది సూచనలను అనుసరించి తమ అడ్మిట్‌ కార్డులను పొందవచ్చు.
- ముందుగా నవోదయ విద్యాలయ సమితి అధికారిక వెబ్‌సైట్‌ navodaya.gov.in ను సందర్శించాలి.
- హోమ్‌పేజీలో కనిపించే Click here to download Admit Card for Class VI JNVST లింక్‌పై క్లిక్ చేయాలి.
- అనంతరం మీ రిజిస్ట్రేషన్‌ నంబర్‌ (Registration Number), పుట్టిన తేదీ (Date of Birth) వివరాలను నమోదు చేయాలి.
- స్క్రీన్‌పై కనిపించే క్యాప్చా (Captcha) కోడ్‌ను ఎంటర్‌ చేయాలి.
- Submit లేదా Sign In బటన్‌పై క్లిక్ చేయాలి.
- వెంటనే మీ హాల్‌టికెట్‌ స్క్రీన్‌పై కనిపిస్తుంది.
- అడ్మిట్‌ కార్డును డౌన్లోడ్ చేసుకుని ప్రింటవుట్‌ తీసుకోవాలి.
హాల్‌టికెట్‌లో విద్యార్థి పేరు, రిజిస్ట్రేషన్‌ నంబర్‌, పరీక్ష కేంద్రం, పరీక్ష తేదీ వంటి వివరాలను సరిచూసుకోవాలి. పరీక్ష రోజున అడ్మిట్‌ కార్డును తప్పనిసరిగా వెంట తీసుకెళ్లాలి. చివరి నిమిషంలో ఇబ్బందులు ఎదురుకాకుండా వీలైనంత త్వరగా హాల్‌టికెట్‌ డౌన్లోడ్ చేసుకోవడం మంచిది. నవోదయ ప్రవేశ పరీక్షకు సిద్ధమవుతున్న విద్యార్థులు పరీక్షకు ముందే హాల్‌టికెట్‌ వివరాలను పరిశీలించుకుని, పరీక్షకు అవసరమైన ఏర్పాట్లు చేసుకోవాలి.