IOCL Recruitment 2022: ఇండియన్ ఆయిల్ కార్పొరేషన్‌లో భారీగా అప్రెంటిస్‌ ఖాళీలు.. తెలుగు రాష్ట్రాల్లో ఎన్ని పోస్టులున్నాయంటే..
భారత ప్రభుత్వ పెట్రోలియం, నేచురల్ గ్యాస్‌ మంత్రిత్వ శాఖకు చెందిన ఇండియన్ ఆయిల్ కార్పొరేషన్ లిమిటెడ్ తెలుగు రాష్ట్రాలతో పాటు దేశంలోని వివిధ రాష్ట్రాల్లో .. ట్రేడ్‌ అప్రెంటిస్‌/గ్రాడ్యుయేట్‌ అప్రెంటిస్‌ పోస్టుల భర్తీకి..
భారత ప్రభుత్వ పెట్రోలియం, నేచురల్ గ్యాస్‌ మంత్రిత్వ శాఖకు చెందిన ఇండియన్ ఆయిల్ కార్పొరేషన్ లిమిటెడ్ తెలుగు రాష్ట్రాలతో పాటు దేశంలోని వివిధ రాష్ట్రాల్లో .. 265 ట్రేడ్‌ అప్రెంటిస్‌/గ్రాడ్యుయేట్‌ అప్రెంటిస్‌ పోస్టుల భర్తీకి అర్హులైన అభ్యర్ధుల నుంచి దరఖాస్తులు కోరుతూ నోటిఫికేషన్‌ విడుదల చేసింది. అకౌంట్స్‌ ఎగ్జిక్యూటివ్‌, డేటా ఎట్రీ ఆపరేటర్, రిటైల్‌ సేల్స్‌ అసోసియేట్‌ విభాగాల్లో ఖాళీగా ఉన్న పోస్టులను ఈ నోటిఫికేషన్‌ ద్వారా భర్తీ చేయనున్నారు.
ఈ పోస్టులకు దరఖాస్తు చేసుకునే అభ్యర్ధులు ఇంటర్మీడియట్‌, గ్రాడ్యుయేట్‌ డిగ్రీ లేదా తత్సమాన కోర్సులో కనీసం 50 శాతం మార్కులతో ఉత్తీర్ణత సాధించి ఉండాలి. అలాగే స్కిల్‌ సర్టిఫికెట్ కూడా ఉండాలి. దరఖాస్తుదారుల వయసు అక్టోబర్‌ 31, 2022వ తేదీ నాటికి 18 నుంచి 24 ఏళ్ల మధ్య ఉండాలి. రిజర్వేషన్‌ వర్గాలకు వయోపరిమితి విషయంలో సడలింపు వర్తిస్తుంది. ఈ అర్హతలున్నవారు ఆన్‌లైన్‌ విధానంలో నవంబర్‌ 12, 2022వ తేదీ సాయంత్రం 5 గంటలలోపు దరఖాస్తు చేసుకోవచ్చు. రాత పరీక్ష/డాక్యుమెంట్ల వెరిఫికేషన్‌ ఆధారంగా ఎంపిక ప్రక్రియ ఉంటుంది. రాత పరీక్ష నవంబర్‌ 27 (ఆదివారం) నిర్వహించనున్నారు. డాక్యుమెంట్ల వెరిఫికేషన్‌ డిసెంబర్‌ 9వ తేదీన నిర్వహిస్తారు. అర్హత సాధించిన వారికి నోటిఫికేషన్‌లో సూచించిన విధంగా ప్రతి నెలా స్టైపెండ్‌ చెల్లిస్తారు. ఇతర సమాచారం అధికారిక నోటిఫికేషన్‌లో చెక్‌ చేసుకోవచ్చు.
పూర్తి సమాచారం కోసం క్లిక్ చేయండి.
మరిన్ని తాజా విద్యా, ఉద్యోగ సమాచారం కోసం క్లిక్ చేయండి.