Army Jobs: అగ్నిపథ్‌ కింద ఇండియన్‌ ఆర్మీలో ఉద్యోగాలు.. ఏపీ, తెలంగాణ వారికి అవకాశం.

Indian Army Nursing Assistant

అగ్నిపథ్‌ పథకం కింద 2023-24 ఏడాదిగాను పలు పోస్టుల భర్తీకి నోటిఫికేషన్‌ జారీ చేసింది. భారత సైన్యానికి చెందిన చెన్నైలోని జోన్ రిక్రూటింగ్ ఆఫీస్‌లో సోల్జర్ టెక్నికల్ నర్సింగ్ అసిస్టెంట్/నర్సింగ్ అసిస్టెంట్ వెటర్నరీ పోస్టులను భర్తీ చేయనున్నారు. ఈ పోస్టులకు ఏపీ, తెలంగాణ, తమిళనాడు, పుదుచ్చేరి తో పాటు అండమాన్ నికోబార్, కేంద్రపాలిత ప్రాంతాలకు చెందిన అభ్యర్థులు అర్హులు. ఏయే క్యాటగిరీల్లో ఖాళీలు ఉన్నాయి.? ఎవరు అర్హులు.? లాంటి పూర్తి వివరాలు మీకోసం…

భర్తీ చేయనున్న ఖాళీలు, అర్హతలు..

* నోటిఫికేషన్‌లో భాగంగా సోల్జర్ టెక్నికల్ నర్సింగ్ అసిస్టెంట్/నర్సింగ్ అసిస్టెంట్ వెటర్నరీ పోస్టులను భర్తీ చేయనున్నారు.

* అభ్యర్థుల వయసు 17 1/2 నుంచి 23 ఏళ్ల మధ్య ఉండాలి. అక్టోబర్ 1, 2000 నుంచి అక్టోబర్ 1, 2006 మధ్య జన్మించిన వారై ఉండాలి.

* అవివాహిత పురుష అభ్యర్థులు ఈ పోస్టులకు దరఖాస్తు చేసుకోవచ్చు.

* పైన తెలిపిన పోస్టులకు దరఖాస్తు చేసుకునే అభ్యర్థులు 10+2/ఇంటర్మీడియట్ సైన్స్ (ఫిజిక్స్, కెమిస్ట్రీ, బయాలజీ/బోటనీ,జువాలజీ, ఇంగ్లీష్)లో కనీసం 50 శాతం మార్కులు, ప్రతి సబ్జెక్ట్ లో 40 శాతం మార్కులతో ఉత్తీర్ణులై ఉండాలి.

* ఇక శారీరక ప్రమాణాల విషయానికొస్తే.. ఎత్తు 165 సెం.మీ, ఛాతీ గాలి పీల్చినప్పుడు 5 సెం.మీ విస్తరించేలా ఉండాలి.

ముఖ్యమైన విషయాలు..

* ఆసక్తి, అర్హత ఉన్న అభ్యర్థులు ఆన్‌లైన్‌ విధానంలో దరఖాస్తు చేసుకోవాల్సి ఉంటుంది.

* అభ్యర్థులను ఆన్‌లైన్ కంప్యూటర్ ఆధారిత రాత పరీక్ష, రిక్రూట్‌మెంట్ ర్యాలీ (ఫిజికల్ ఫిట్‌నెస్ టెస్ట్, ఫిజికల్ మెజర్‌మెంట్ టెస్ట్), వైద్య పరీక్షలు,ధ్రువపత్రాల పరిశీలన ఆధారంగా ఎంపిక చేస్తారు.

* ఆన్‌లైన్‌ రిజిస్ట్రేషన్‌ ఫిబ్రవరి 16వ తేదీన ప్రారంభమవుతుండగా, మార్చి 15వ తేదీని చివరి తేదీగా నిర్ణయించారు.

* పరీక్షను ఏప్రిల్‌ 17వ తేదీన నిర్వహించనున్నారు.

* పూర్తి వివరాల కోసం క్లిక్‌ చేయండి..

మరిన్ని విద్య, ఉద్యోగ వార్తల కోసం క్లిక్ చేయండి..