PAN Card: మీకు ఒకటి కంటే ఎక్కువ పాన్ కార్డులున్నాయా..? ఈ విషయాలు మస్ట్‌గా తెలుసుకోండి..
పాన్ అనేది ఆదాయపు పన్ను శాఖ ద్వారా జారీ అయ్యే ప్రత్యేకమైన 10-అంకెల ఆల్ఫాన్యూమరిక్ ఐడెంటిఫైయర్. భారతదేశంలోని పన్ను చెల్లింపుదారులు అన్ని ఆర్థిక కార్యకలాపాల కోసం చెల్లుబాటు అయ్యే పర్మినెంట్ అకౌంట్ నంబర్ (పీఏఎన్) కలిగి ఉండాలి. మీ డబ్బు ఇన్‌ఫ్లో, అవుట్‌ఫ్లోను ట్రాక్ చేయడానికి ఇది అవసరం.
మన దేశంలో ప్రతి వ్యక్తికి తప్పక ఉండాల్సిన డాక్యుమెంట్లలో ఆధార్ కార్డు, పాన్ కార్డు ప్రధానమైనవి. ఆధార్ కార్డు భారత పౌరులుగా గుర్తించేందుకు, ప్రభుత్వ పథకాలు, బ్యాంకు అకౌంట్ల వంటివి ప్రారంభించేందుకు చాలా కీలకమైన పత్రం. ఇక పాన్ కార్డు ఆర్థిక లావాదేవీలకు సంబంధించినది. ఇది ఉంటేనే మన దేశంలో లావాదేవీలు ఎటువంటి ఇబ్బంది లేకుండా సాగుతాయి. ముఖ్యంగా పన్ను చెల్లింపుదారులకు పాన్ కార్డు యాక్టివ్లో ఉండాల్సిందే. లేకుంటే చాలా ఇబ్బందులు పడాల్సి ఉంటుంది. అయితే కొంత మంది వినియోగదారులకు ఒకటి మంచి పాన్ కార్డులు కూడా ఉంటున్నాయి. అలాంటి వారికి ఎటువంటి ఇబ్బందులు ఉంటాయి? అసలు పాన్ కార్డు ద్వారా ఎలాంటి కార్యకలాపాలు నిర్వర్తించగలం? తెలుసుకుందాం రండి..
పాన్ కార్డు అంటే..
భారతదేశంలోని పన్ను చెల్లింపుదారులు అన్ని ఆర్థిక కార్యకలాపాల కోసం చెల్లుబాటు అయ్యే పర్మినెంట్ అకౌంట్ నంబర్ (పీఏఎన్) కలిగి ఉండాలి. మీ డబ్బు ఇన్‌ఫ్లో, అవుట్‌ఫ్లోను ట్రాక్ చేయడానికి ఇది అవసరం. ఆదాయపు పన్ను చెల్లించేటప్పుడు, పన్ను రీఫండ్ లను స్వీకరించేటప్పుడు, ఆదాయపు పన్ను శాఖ నుంచి కమ్యూనికేషన్‌ను చేసేటప్పుడు పాన్ అవసరం. పాన్ అనేది ఆదాయపు పన్ను శాఖ ద్వారా జారీ అయ్యే ప్రత్యేకమైన 10-అంకెల ఆల్ఫాన్యూమరిక్ ఐడెంటిఫైయర్.
ఒకటి కంటే ఎక్కువ పాన్ నంబర్‌లను కలిగి ఉంటే..
ఎర్రర్‌లు, బహుళ అప్లికేషన్‌లు, పెళ్లి తర్వాత ఇంటిపేర్లు మార్చుకోవడం లేదా మోసపూరిత ఉద్దేశాల పర్యవసానంగా కూడా వ్యక్తులు ఒకటి కంటే ఎక్కువ పాన్‌లను కలిగే ఉండే అవకాశం ఉంది.
అయినప్పటికీ, బహుళ పాన్ నంబర్‌లను కలిగి ఉండటం చట్టవిరుద్ధం, ఆర్థిక జరిమానాలకు దారితీయవచ్చు. అందువల్ల, ఒకటి కంటే ఎక్కువ పాన్‌లను పొందడం లేదా కలిగి ఉండటం వల్ల రూ. 10,000 వరకు జరిమానా విధించబడుతుంది. అందువల్ల, ఒకటి కంటే ఎక్కువ పాన్‌లను నివారించడం చాలా ముఖ్యం.
మీరు ఒకటి కంటే ఎక్కువ పాన్‌లను కలిగి ఉన్నట్లయితే, మీరు తక్షణమే అదనపు పాన్‌ను రద్దు చేసే ప్రక్రియను ప్రారంభించాలి. లేకుంటే చట్ట రీత్య తీసుకునే చర్యలకు మీరు బాధ్యులు అవుతారు.
అదనపు పాన్ కార్డు రద్దు ఇలా..
ఈ రద్దు ప్రక్రియను ప్రారంభించడానికి మీరు ఉద్యోగుల ప్రావిడెంట్ ఫండ్ ఆర్గనైజేషన్ (ఈపీఎఫ్ఓ) వెబ్‌సైట్‌లో అందుబాటులో ఉన్న ఫారమ్ పైన ప్రస్తుతం మీరు ఉపయోగిస్తున్న పాన్‌ను పేర్కొనడం ద్వారా పాన్ మార్పు అభ్యర్థన దరఖాస్తు ఫారమ్‌ను నింపి సమర్పించాలి.
మీకు అనుకోకుండా కేటాయించిన అన్ని ఇతర పాన్ నంబర్లు తప్పనిసరిగా ఫారమ్‌లోని ఐటెమ్ నంబర్ 11 వద్ద పేర్కొనాలి. సంబంధిత పాన్ కార్డ్ కాపీ/లు ఫారమ్‌తో పాటు రద్దు కోసం సమర్పించాలి. ఈ విధంగా, మీకు కేటాయించిన అదనపు పాన్‌ను మీరు సరెండర్ చేయవచ్చు.
మీకు అదనపు పాన్ కేటాయించబడలేదని నిర్ధారించుకోవడానికి, మీరు ఒక నగరం నుంచి మరొక నగరానికి మారినప్పుడు తాజా పాన్ కోసం దరఖాస్తు చేసుకోలేదని నిర్ధారించుకోండి. పాన్ అనేది శాశ్వత సంఖ్య కాబట్టి, నగరం మారినప్పుడు అది మారదు.
మరిన్ని బిజినెస్ వార్తల కోసం ఇక్కడ క్లిక్ చేయండి..