Airlines: భారత్‌లో 813 విమానాలలో 133 నిలిచిపోయాయి.. కారణం చెప్పిన కేంద్ర మంత్రి

భారతదేశంలోని వివిధ విమానయాన సంస్థలు 2023, 2024లో మొత్తం 1359 కొత్త విమానాలకు ఆర్డర్లు ఇచ్చాయి. 2023లో 999 విమానాలకు ఆర్డర్లు వచ్చాయి. 2024లో 360 కొత్త ఆర్డర్లు వచ్చాయి. ప్రస్తుతం దేశంలో మొత్తం 813 విమానాలలో 680 విమానాలు పనిచేస్తున్నాయి. 133 విమానాలు నిలిచిపోయాయి. రాజ్యసభ ఎంపీ పరిమల్ నత్వానీ అడిగిన ప్రశ్నకు పౌర విమానయాన సహాయ మంత్రి మురళీధర్ మోహోలే సమాధానం ఇచ్చారు. 105 విమానాలు 15 సంవత్సరాల కంటే పాతవని, వాటిలో 43 విమానాలు ఎయిర్ ఇండియా లిమిటెడ్‌కు చెందినవని, 37 విమానాలు ఎయిర్ ఇండియా ఎక్స్‌ప్రెస్ లిమిటెడ్‌కు చెందినవని అన్నారు.

భారతీయ విమానయాన సంస్థలలో ఇండిగో అత్యధిక సంఖ్యలో ఆర్డర్‌లను ఇచ్చింది. 2023లో ఇండిగో 500 A320 NEO ఫ్యామిలీ విమానాలకు ఆర్డర్లు ఇచ్చింది. 2024లో, 30 A350 సిరీస్ విమానాలకు ఆర్డర్లు, 70 విమానాల కొనుగోలు హక్కులు కూడా అందాయి. ఎయిర్ ఇండియా 2023లో 235 విమానాలకు ఆర్డర్లు ఇచ్చింది. వాటిలో A320 ఫ్యామిలీ, B777-9, B787-9, A350 సిరీస్‌లు ఉన్నాయి. ప్రస్తుతం ఇటీవల ప్రారంభించిన అకాసా ఎయిర్ 2023లో 4 కొత్త బోయింగ్ B737-8/-8200 విమానాలకు, 2024లో 150 విమానాలకు పెద్ద ఆర్డర్‌ను ఇచ్చింది.

ఇది కూడా చదవండి: March 31: సమయం లేదు మిత్రమా..! మార్చి 31 వరకు అవకాశం.. భారీ బెనిఫిట్స్‌!

భారతదేశంలో విమానాలకు నిర్దిష్ట వయస్సు, కాలపరిమితి లేదని పౌర విమానయాన మంత్రి అన్నారు. ఈ విమానాల నిర్వహణ, పర్యవేక్షణ తయారీదారు నిర్దేశించిన షెడ్యూల్ ప్రకారం నిర్వహించబడతాయి. అయితే, విమానాలు ‘శాశ్వతంగా సేవ నుండి ఉపసంహరించబడిన’ సందర్భంలో అవి ఇకపై విమానయానానికి ఉపయోగపడేవిగా పరిగణించరు.

విమాన సామర్థ్యంలో పెరుగుదల:

గత కొన్ని సంవత్సరాలుగా భారతదేశ పౌర విమానయాన రంగం గణనీయమైన పురోగతి సాధించిందని, ఈ రంగంలో మరిన్ని విమానాలకు ఆర్డర్లు ఇవ్వడం ద్వారా విమానయాన సంస్థలు తమ విమాన సామర్థ్యాన్ని పెంచుకున్నాయని ఈ గణాంకాలు చూపిస్తున్నాయి.

ఇది కూడా చదవండి: IPL 2025: మీరు క్రికెట్‌ అభిమానులా..? జియో, ఎయిర్‌టెల్, విఐ ప్రత్యేక డేటా ప్యాక్‌లు

మరిన్ని బిజినెస్ వార్తల కోసం ఇక్కడ క్లిక్ చేయండి