SBI Loan Rates: హౌసింగ్ లోన్ కస్టమర్లకు SBI షాక్.. అమాంతం ఆ వడ్డీ రేట్లను పెంచిన బ్యాంకింగ్ దిగ్గజం..
SBI Loan Rates: హోమ్ లోన్ తీసుకున్న వారిపై ప్రభుత్వ రంగ బ్యాంకింగ్ దిగ్గజం ఎస్బీఐ మరింత భారాన్ని మోపింది. స్టేట్ బ్యాంక్ ఆఫ్ ఇండియా(SBI) గృహ రుణంపై వడ్డీ రేటును అమాంతం పెంచింది.
SBI Loan Rates: హోమ్ లోన్ తీసుకున్న వారిపై ప్రభుత్వ రంగ బ్యాంకింగ్ దిగ్గజం ఎస్బీఐ మరింత భారాన్ని మోపింది. స్టేట్ బ్యాంక్ ఆఫ్ ఇండియా(SBI) గృహ రుణంపై దాని ఎక్స్టర్నల్ బెంచ్మార్క్ లెండింగ్ రేటు (EBLR)ని 50 బేసిస్ పాయింట్లను పెంచింది. దీంతో వడ్డీ రేటు 7.5%కి పెంచింది. పెరిగిన కొత్త వడ్డీ రేట్లు జూన్ 1, 2022 నుంచి అమలులోకి వస్తాయని బ్యాంకింగ్ దిగ్గజం తన వెబ్ సైట్ లో పేర్కొంది. ఇంతకుముందు ఎక్స్టర్నల్ బెంచ్మార్క్ లెండింగ్ రేటు 6.65 శాతంగా ఉండగా, రెపో-లింక్డ్ లెండింగ్ రేటు 6.25 శాతంగా ఉంది. వెహికల్, హౌసింగ్ లోన్ తో పాటు ఇతర రకమైన లోన్స్ ఇచ్చేటప్పుడు EBLR, RLLRకి క్రెడిట్ రిస్క్ ప్రీమియం (CRP)ని కలుపుతాయి.
జనవరి 2019 నుంచి SBI రెపో రేటుతో అనుసంధానించబడిన EBLRని ఉపయోగిస్తోంది. EBLR రేటు మారదు, ఇది రిజర్వ్ బ్యాంక్ ఆఫ్ ఇండియా బెంచ్మార్క్ వడ్డీ రేటుకి అనుగుణంగా మారుతూ ఉంటుంది. గత వారం.. SBI రుణాలపై దాని MCLR రేట్లను మళ్లీ 10 బేసిస్ పాయింట్లు పెంచినట్లు ప్రకటించింది. కొత్త MCLR వడ్డీ రేట్లు మే 15, 2022 నుంచి అమలులోకి వచ్చాయి.
ఓవర్నైట్, ఒక నెల, మూడు నెలల, ఆరు నెలల MCLR రేట్లను 10 బేసిస్ పాయింట్లు పెంచడంతో.. వరుసగా 6.85 శాతం, 6.85 శాతం, 6.85 శాతం, 7.15 శాతంగా ఉన్నాయి. అదేవిధంగా ఒక సంవత్సర కాలవ్యవధికి MCLR 7.20 శాతం, రెండు సంవత్సరాలకు 7.40 శాతం, మూడు సంవత్సరాలకు 7.50 శాతంగా ఉంది.
మరిన్ని బిజినెస్ వార్తల కోసం ఇక్కడ క్లిక్ చేయండి..