Investment Calculation: మీ డబ్బును పెట్టుబడి పెట్టేటప్పుడు ఈ విషయం తప్పక లెక్కేయండి.. లేకపోతే..నష్టపోతారు!

Investment Calculation

Investment Calculation: మీ ఆర్థిక లక్ష్యాలను సాధించడానికి సరైన పెట్టుబడి అవసరం. కానీ చాలా సార్లు ప్రజలు పెరుగుతున్న ద్రవ్యోల్బణాన్ని విస్మరించి, తమ డబ్బును ఎక్కడో ఒకచోట అని పెట్టుబడి పెట్టేస్తారు. కానీ దీనివలన వారికి   ప్రతికూల రాబడి వస్తుంది. ఇది ఆర్థిక లక్ష్యంపై ప్రత్యక్ష ప్రభావాన్ని చూపుతుంది. అటువంటి పరిస్థితిలో, డబ్బు పెట్టుబడి పెట్టాలనుకున్నపుడు ఫైనాన్షియల్ ప్లానర్ సలహాను తీసుకోవడం మంచిది. పెట్టుబడిదారులు డబ్బును సరైన స్థలంలో పెట్టడానికి ప్రయత్నించడం ద్వారా ఈ ప్రతికూల రాబడి బారి నుంచి బయటపడొచ్చు. అసలు ఈ ప్రతికూల రాబడి అంటే ఏమిటో తెలిస్తే డబ్బును ఎక్కడ మదుపు చేస్తే మంచిది అనేదానిపై ఒక అవగాహన వస్తుంది.

ప్రతికూల రాబడి అంటే..

మీరు ద్రవ్యోల్బణం రేటు కంటే మీ పెట్టుబడిపై తక్కువ రాబడిని పొందినప్పుడు, దానిని ప్రతికూల రాబడి అంటారు. మీరు 5% వార్షిక రాబడిని పొందుతున్న ఒక బ్యాంకులో ఫిక్స్డ్ డిపాజిట్ (FD) చేశారని అనుకుందాం కానీ రిటైల్ ద్రవ్యోల్బణం రేటు 6% కి దగ్గరగా ఉంది. అంటే, ద్రవ్యోల్బణ రేటుతో పోలిస్తే మీరు మీ పెట్టుబడికి 1% తక్కువ రాబడిని పొందుతున్నారు. దీనినే ప్రతికూల రాబడి అంటారు.

దీనిని ఇంకా స్పష్టంగా చెప్పాలంటే.. ఎక్కడైనా 5% రాబడి వస్తుందని భావిస్తున్న చోట మీరు రూ .100 పెట్టుబడి పెట్టారని అనుకుందాం. అటువంటి పరిస్థితిలో, ద్రవ్యోల్బణ రేటు 6% కన్నా ఎక్కువ ఉంటే, అప్పుడు మీ డబ్బు విలువ ఏటా 1% తగ్గుతుంది. అంటే మీ 100 రూపాయల విలువ 99 రూపాయలు అవుతుంది. ఇంకా ఈ విషయం మీకు అర్ధం కాకపోతే ఒక ఉదాహరణతో మీకు వివరిస్తాం.

ప్రస్తుతం ద్రవ్యోల్బణం రేటు 6%కి దగ్గరగా ఉంది. అంటే, ఇప్పుడు 100 రూపాయల విలువైన వస్తువు, ఒక  సంవత్సరం తరువాత విలువ 106 రూపాయలు అవుతుంది. మీరు పెట్టుబడిపై 5% రాబడిని పొందితే, మీ 100 రూపాయలు 1 సంవత్సరం తర్వాత 105 రూపాయలు మాత్రమే అవుతాయి. అంటే, మీరు వంద రూపాయల పెట్టుబడికి ఒక రూపాయి నష్టపోతారు.

ఇలా లెక్కేయొచ్చు..

ఉదాహరణకు, ద్రవ్యోల్బణం రేటు ఇప్పుడు 6% ఉంటే, మీరు మీ 100 రూపాయల విలువను 100 రూపాయల వద్ద నిర్వహించాలనుకుంటే, మీరు వార్షికంగా 6% రాబడిని పొందే చోట పెట్టుబడి పెట్టాలి.

ప్రతికూల రాబడిని నివారించడానికి ఎక్కడ పెట్టుబడి పెట్టాలి?

వీటిని బ్యాంకులు మరియు పోస్టాఫీసులు నిర్వహిస్తున్నాయి. ఇందులో 6% కంటే ఎక్కువ రిటర్నులు ఇస్తున్నారు. ఇందులో PPF, నేషనల్ సేవింగ్ సర్టిఫికేట్, కిసాన్ వికాస్ పత్రాతో సహా ఇతర పథకాలు ఉన్నాయి. ఇది కాకుండా, మీరు కొంచెం రిస్క్ తీసుకోగలిగితే, మీరు మ్యూచువల్ ఫండ్ పథకాలు లేదా స్టాక్ మార్కెట్‌లో కూడా పెట్టుబడి పెట్టవచ్చు.

Also Read: SBI Account: ఎస్‌బీఐలో ఈ అకౌంట్‌ ఓపెన్‌ చేస్తే ఎన్నో లాభాలు.. లోన్‌ సదుపాయం కూడా.. అధిక వడ్డీ

Atal Pension Yojana: ఈ పథకంతో ఎన్నో ప్రయోజనాలు.. ఆ వయసులో ప్రతి నెల రూ .10,000 వరకు పొందవచ్చు