Credit Cards: నెలవారీ ఆదాయం లేకపోయినా.. క్రెడిట్ కార్డు పొందొచ్చు! ఎలాగంటే..
సాధారణంగా నెలవారీ ఆదాయం లేదా వ్యాపారం వంటివి ఉన్నవాళ్లకే బ్యాంకులు కాల్ చేసి క్రెడిట్ కార్డులను ఆఫర్ చేస్తుంటాయి. నెలవారీ ఆదాయం లేనివాళ్లు క్రెడిట్ కార్డు కోసం అప్లై చేసినా అప్లికేషన్ రిజెక్ట్ అవుతుంటుంది. అయితే ఇలాంటి వాళ్లు కూడా క్రెడిట్ కార్డు పొందేందుకు కొన్ని మార్గాలున్నాయి. అవేంటో ఇప్పుడు తెలుసుకుందాం.
బ్యాంకులు క్రెడిట్ కార్డు ఇచ్చేముందు వారికేదైనా ఆదాయం ఉందా లేదా అన్నది చెక్ చేసుకుంటాయి. ఏదైనా ఆదాయం ఉండి, క్రెడిట్ స్కోర్ కూడా మంచిగా ఉంటే వారికి వెంటనే క్రెడిట్ కార్డు లభిస్తుంది. ఒకవేళ ఎలాంటి ఆదాయం లేకపొతే అలాంటివాళ్ల అప్లికేషన్ రిజెక్ట్ అవుతుంటుంది. అయితే క్రెడిట్ కార్డు పొందేందుకు కొన్ని వేరే మార్గాలు కూడా ఉన్నాయి. అవేంటంటే..
ఫిక్స్డ్ డిపాజిట్
బ్యాంక్ లో ఫిక్స్డ్ డిపాజిట్స్ ఉన్నవాళ్లు ఈజీగా క్రెడిట్ కార్డు పొందొచ్చు. వాళ్ల ఫిక్స్ డ్ డిపాజిట్ మొత్తాన్ని సెక్యూరిటీగా పెట్టి ఆ డిపాజిట్ మొత్తంలో 90 శాతం వరకూ క్రెడిట్ కార్డు లిమిట్ గా పొందొచ్చు.
బ్యాంక్ బ్యాలెన్స్ ను బట్టి..
నెలవారీ ఆదాయం లేకపోయినా.. మీ బ్యాంక్ అకౌంట్ యాక్టివ్ గా ఉంటూ.. డబ్బు వేస్తూ తీస్తూ ఉంటే.. లేదా రోజువారీ ట్రాన్సాక్షన్స్ జరుగుతూ ఉంటే .. బ్యాంకులు మీకు క్రెడిట్ కార్డు ఇస్తాయి. అయితే బ్యాంకు బ్యాలెన్స్ జీరో కాకుండా ఎప్పుడూ పెద్ద మొత్తంలో మెయింటెయిన్ చేస్తూ ఉంటే అప్పుడు మాత్రమే కార్డు ఇష్యూ అయ్యే అవకాశం ఉంది.
ఫ్యామిలీ యాడ్ ఆన్
మీ ఫ్యామిలీ మెంబర్ క్రెడిట్ కార్డుకి యాడ్ యాన్ రూపంలో మీరు క్రెడిట్ కార్డు తీసుకోవచ్చు. ఇది మీ పేరు, అడ్రెస్ తో వస్తుంది. దీనికి ష్యూరిటీ మీ ఫ్యామిలీ మెంబర్ అన్నమాట. అలాగే ఇకపోతే తక్కువ క్రెడిట్ లిమిట్ తో స్టూడెంట్స్ కు కూడా క్రెడిట్ కార్డులు ఇస్తుంటాయి కొన్ని బ్యాంకులు.
నమ్మకాన్ని బట్టి..
మీకు నెలవారీ ఆదాయం లేకపోయినా గతంలో లోన్స్ తీసుకుని తిరిగి చెల్లించిన రికార్డు ఉంటే దాన్ని పరిగణలోకి తీసుకుని బ్యాంకులు మీకు క్రెడిట్ కార్డు ఇష్యూ చేయొచ్చు. క్రెడిట్ కార్డుల విషయంలో నిర్ణయం అనేది పూర్తిగా బ్యాంకు అధికారుల చేతుల్లోనే ఉంటుంది. మీకు ఎలాంటి ఉద్యోగం లేకపోయినా మీకంటూ కొంత ఆస్తి ఉంటే సదరు బ్యాంక్ మేనేజర్ మీపై ఉన్న నమ్మకంతో మీకు క్రెడిట్ కార్డు జారీ చేయొచ్చు.
మరిన్ని బిజినెస్ వార్తల కోసం ఇక్కడ క్లిక్ చేయండి