Gold Price: 13 నెలల్లో బంగారం ధర ఎంత పెరిగిందో తెలిస్తే షాకవుతారు..!
Gold Price: ఇటీవల కాలంలో బంగారం ధరలు భారీగా పెరుగుతున్నాయి. మన భారతీయ సాంప్రదాయంలో బంగారానికి అత్యంత ప్రాధాన్యత ఇస్తారు. ఒక రోజు పెరిగితే ఒక రోజు తగ్గుతుంది. అయితే గత 13 నెలలుగా బంగారం ధర ఎంత పెరిగిందో తెలిస్తే షాకవుతారు..
గత కొన్ని నెలలుగా బంగారం ధరలు పెరుగుతున్న తీరును పరిశీలిస్తే, త్వరలో 10 గ్రాముల 24 క్యారెట్ల బంగారం రూ. లక్ష దాటే అవకాశం ఉందని తెలుస్తోంది. గత 13 నెలల గురించి పరిశీలిస్తే.. ఈ నెలల్లో బంగారం ధరల్లో విపరీతమైన పెరుగుదల కనిపించింది. జనవరి 21, 2024న 24 క్యారెట్ల బంగారం స్వచ్ఛమైన 10 గ్రాముల ధర దాదాపు రూ.63,000గా ఉంది.
అదే సమయంలో ఫిబ్రవరి 21, 2025 నాటికి ఈ ధర 10 గ్రాములకు రూ. 88,223కి పెరిగింది.రూ. 25,223 వరకు పెరిగింది. అంటే ఇది దాదాపు 40 శాతం పెరుగుదల ఉంది. ప్రస్తుతం ఫిబ్రవరి 21న సాయంత్రం 6 గంటల సమయానికి 10 గ్రాముల బంగారం ధర రూ. 88,216 వద్ద ఉంది.
ఇది కాకుండా ట్రంప్ సుంకాల కారణంగా, పెరుగుతున్న వాణిజ్య యుద్ధం ముప్పు కారణంగా, పెట్టుబడిదారులు తమ డబ్బును బంగారంలో పెట్టుబడి పెడుతున్నారు. దీని కారణంగా ప్రపంచవ్యాప్తంగా బంగారం ధరలు ఆకాశాన్నంటుతున్నాయి.
బంగారంలో పెట్టుబడి పెట్టాలా వద్దా? : మీరు బంగారంలో పెట్టుబడి పెట్టాలని ఆలోచిస్తుంటే, మార్కెట్ ధోరణులను గమనించి సరైన సమయంలో పెట్టుబడి పెట్టాలని నిపుణులు మీకు సలహా ఇస్తున్నారు. బంగారం ఎల్లప్పుడూ సురక్షితమైన పెట్టుబడి ఎంపిక. కానీ ధరలలో హెచ్చుతగ్గులను దృష్టిలో ఉంచుకుని నిర్ణయాలు తీసుకోవాలి.