Elon Musk: ఎలాన్ మస్క్ సరికొత్త రికార్డు.. రాకెట్‌లా దూసుకుపోతున్న సంపద..!
స్పేస్‌ఎక్స్‌, టెస్లా సీఈవో ఎలాన్ మస్క్ సరికొత్త రికార్డు స్పష్టించాడు. తొలిసారిగా ఆయన సంపాదన 400 బిలియన్ డాలర్లకు దాటింది. ప్రపంచంలో ఇప్పటివరకు ఈ రికార్డును సాధించిన మొదటి వ్యక్తిగా మస్క్ నిలిచాడు
ఎలాన్ మస్క్ రికార్డు స్పష్టించాడు. 400 బిలియన్ డాలర్ల మొత్తం సంపదను కలిగి ఉన్న ప్రపంచంలోనే మొదటి వ్యక్తిగా ఎలోన్ మస్క్ నిలిచాడు. బ్లూమ్‌బెర్గ్ నివేదిక ప్రకారం, SpaceX అంతర్గత వ్యాపార విక్రయాలతో ఎలాన్ మస్క్ నికర విలువలో 50 బిలియన్ డాలర్లు పెరిగాయి. దీంతో మస్క్ మొత్తం నికర విలువ 439 బిలియన్ డాలర్లకు పెరిగింది. డొనాల్డ్ ట్రంప్ విజయం తర్వాత, ఎలోన్ మస్క్ నికర విలువలో 175 బిలియన్ డాలర్లు పెరిగాయి. మరోవైపు టెస్లా షేర్లు కూడా మంచి పెరుగుదలను నమోదు చేశాయి. డిసెంబర్ 4 నుండి టెస్లా షేర్లు 72 శాతం కంటే ఎక్కువ పెరిగాయి. SpaceXకు పెట్టుబడిదారులు, కంపెనీ ఉద్యోగులు $1.25 బిలియన్ల విలువైన షేర్లను కొనుగోలు చేసేందుకు అంగీకరించినట్లు బ్లూమ్‌బెర్గ్ వెల్లడించింది.. ఈ డీల్ తర్వాత SpaceX విలువ 350 బిలియన్ డాలర్లుగా మారింది. ప్రపంచంలోనే అతిపెద్ద ప్రైవేట్ స్టార్టప్‌గా అవతరించింది. ఈ ఒప్పందంతో ఎలాన్ మస్క్ నికర విలువలో 50 బిలియన్ డాలర్లు పెరిగాయి.దీంతో మస్క్ మొత్తం నికర విలువ 439.2 బిలియన్ డాలర్లకు పెరిగింది.
అయితే అధ్యక్ష ఎన్నికల్లో డొనాల్డ్ ట్రంప్ గెలిచిన తర్వాత ఎలాన్ మస్క్ సంపద పెరుగుదల మరింత పెరిగింది. నవంబర్ 5న ఎలోన్ మస్క్ నికర విలువ 264 బిలియన్ డాలర్లు ఉండగా, ఇప్పుడు అతని నికర విలువ 439 బిలియన్ డాలర్లు దాటింది. అంటే ఎలోన్ మస్క్ సంపద అతి తక్కువ సమయంలో 175 బిలియన్ డాలర్లు పెరిగింది. ప్రస్తుత సంవత్సరంలో 200 బిలియన్ డాలర్లకు పైగా పెరుగుదల కనిపించింది. బ్లూమ్‌బెర్గ్ బిలియనీర్స్ ఇండెక్స్ విడుదల చేసిన నివేదిక ప్రకారం జూలై 1, 2023న, ఎలోన్ మస్క్ నికర విలువ $126 బిలియన్లు ఉండగా, సుమారు ఒకటిన్నర సంవత్సరాలలో 3.48 రెట్లు అంటే 248 శాతం పెరుగుదల కనిపించింది. మరోవైపు టెస్లా షేర్లలో మంచి పెరుగుదల ఉంది. బుధవారం ట్రేడింగ్ సెషన్‌లో, టెస్లా షేర్లు 4.50 శాతానికి పైగా పెరిగాయి. గరిష్ట స్థాయి $ 420.40కి చేరుకుంది. టెస్లా షేర్లు నవంబర్ 4 నుండి మంచి పెరుగుదలను చూస్తున్నాయి. నవంబర్ 4న కంపెనీ షేర్ల విలువ 242.84 డాలర్లు ఉంది. ఇందులో ఇప్పటి వరకు 73 శాతానికి పైగా పెరుగుదల కనిపించింది.
ఇప్పుడు ఎలోన్ మస్క్ ఏడాది ముగిసేలోపు $500 బిలియన్లపై దృష్టి పెట్టాడు. అక్కడికి చేరుకోవడానికి ఎలోన్ మస్క్‌కి 15 రోజుల కంటే ఎక్కువ సమయం ఉంది. $500 బిలియన్లు చేరుకోవడానికి ఎలోన్ మస్క్‌కి కేవలం 60 బిలియన్ డాలర్లు మాత్రమే అవసరం. అంటే 500 బిలియన్ డాలర్ల మార్కును చేరుకోవాలంటే, ఎలోన్ మస్క్ సంపద ప్రతిరోజూ 3.50 బిలియన్ డాలర్లకు పైగా పెరగాలి. నవంబర్ 5 నుండి ప్రతిరోజూ ఎలోన్ మస్క్ సంపదలో 4.73 బిలియన్ డాలర్ల పెరుగుదల ఉంది. కావున మస్క్ సులభంగా 500 బిలియన్ డాలర్లకు చేరుకుంటారు.
మరిన్ని బిజినెస్ వార్తల కోసం ఇక్కడ క్లిక్ చేయండి