Digital Scam: వాట్సాప్‌లో వచ్చిన లింక్.. ఒక్క సెకనులో రూ.6 లక్షలు పోగోట్టుకున్న యువకుడు.. బీ కేర్ ఫుల్!
Digital Scam: ఈ రోజుల్లో రకరకాల మోసాలు జరుగుతున్నాయి. వాట్సాప్‌లకు లింక్‌లను పంపిస్తూ వాటిని క్లిక్ చేయగానే వివరాలన్ని సైబర్ నేరగాళ్లకు వెళ్లిపోతున్నాయి. ఇంకే ముందు క్షణాల్లోనే బ్యాంకు ఖాతాలో ఉన్న డబ్బంతా ఖాళీ అయిపోతుంటుంది. ఇలాంటి మోసాలు దేశంలో రోజురోజుకు పెరిగిపోతున్నాయి. తాజాగా ఓ యువకుడు వాట్సాప్‌లో వచ్చిన లింక్‌ను క్లిక్ చేయగానే సెకనులోనే రూ.6 లక్షలు మాయం అయ్యాయి..
Digital Scam: కర్ణాటకలో డిజిటల్ మోసానికి ఓ యువకుడు రూ.6.6 లక్షలు పోగొట్టుకున్న ఘటన కలకలం రేపింది. యువకుడు వాట్సాప్ లింక్‌పై క్లిక్ చేయగా, అతని బ్యాంకు ఖాతాలో ఉన్న రూ.6 లక్షలను మోసం చేసిన ముఠా డ్రా చేసింది. సాంకేతికత విపరీతంగా అభివృద్ధి చెందుతున్నందున, డిజిటల్ మోసం కూడా పెరుగుతోంది. లింక్ ద్వారా రకరకాల మోసాలు జరుగుతున్నాయి. ఓటీపీ నంబర్ చెప్పండి.. పార్శిల్ వచ్చింది అంటూ సైబర్ నేరగాళ్లు మోసాలకు పాల్పడుతున్నారు. ఇలాంటివి అరికట్టేందుకు కేంద్ర, రాష్ట్ర ప్రభుత్వాలు చర్యలు చేపడుతున్నాయి. అయినప్పటికీ డిజిటల్ మోసాలు జరుగుతూనే ఉన్నాయి.
ఇది కూడా చదవండి: School Holidays: విద్యార్థులకు గుడ్‌న్యూస్‌.. జనవరి 1 నుంచి 15 వరకు పాఠశాలలకు సెలవులు: ఉత్తర్వులు జారీ!
డిజిటల్ మోసంలో రూ.6 లక్షలు పోగొట్టుకున్న యువకుడు:
ఈ స్థితిలో కర్ణాటక రాష్ట్రంలో ఓ యువకుడు ఆన్‌లైన్ మోసంలో రూ.6 లక్షలు పోగొట్టుకున్నాడు. బాధితుడికి కెనరా బ్యాంక్ అనే వాట్సాప్ గ్రూప్‌లో లింక్ వచ్చింది. APK ద్వారా ఆధార్, కేవైసీ అప్‌డేట్ చేయకపోతే, కెనరా బ్యాంక్ ఖాతా బ్లాక్ చేయబడుతుందని బాధితుడికి సందేశం వచ్చింది. దానితో పాటు ఒక లింక్ కూడా వచ్చింది. ఆ వార్తను నిజమని నమ్మిన ఆ యువకుడు ఏపీకే డౌన్‌లోడ్ చేశాడు. అందులో నకిలీ కెనరా బ్యాంక్ లింక్ కనిపించింది. ఆధార్ నంబర్, ఏటీఎం పిన్, సీవీవీ నంబర్ తదితర వ్యక్తిగత వివరాలను కోరింది. వెంటనే ఆ యువకుడు వివరాలన్ని ఇచ్చేశాడు.
ఆ తర్వాత అతనికి ఓటీపీ వచ్చింది. కానీ అతను ఆ OTPని ఎవరితోనూ పంచుకోలేదు. అతను ఏమీ ఇన్‌పుట్ చేయలేదు. అయితే అతని బ్యాంకు ఖాతా నుంచి రూ.6.6 లక్షల లావాదేవీ జరిగినట్లు తెలిసింది. ఇది మోసమని గ్రహించిన యువకుడు వెంటనే కావూరు పోలీస్ స్టేషన్‌లో ఫిర్యాదు చేశాడు.
డిజిటల్ మోసం కొనసాగుతోంది:
ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు. ఈ నేరాల నుండి మిమ్మల్ని మీరు రక్షించుకోవడానికి ఏదైనా లింక్‌లపై క్లిక్ చేయడం మానుకోండి. ముఖ్యంగా వాట్సాప్ నుంచి ఫైల్స్ డౌన్‌లోడ్ చేయవద్దని నిపుణులు సూచించారు. అలాగే, అందుకున్న OTPని ఎవరితోనూ షేర్ చేయకూడదు. అదే సమయంలో మీ వాట్సాప్‌కు వచ్చే లింక్‌లపై క్లిక్ చేయవద్దు. వ్యక్తిగత వివరాలను నమోదు చేయవద్దని సూచిస్తున్నారు పోలీసులు, టెక్‌ నిపుణులు. ముఖ్యంగా బ్యాంకు వివరాలను పోస్ట్ చేయడం మానుకోవాలి. మీకు ఏదైనా అనుమానాస్పద నంబర్ నుండి మెసేజ్ లేదా OTP వస్తే వెంటనే సైబర్ క్రైమ్ పోలీసులకు తెలియజేయడం ముఖ్యం.
ఇది కూడా చదవండి: Anil Ambani: అనిల్‌ అంబానీ లగ్జరీ ఇల్లు గురించి మీకు తెలుసా..? దాని విలువ ఎంతంటే..
మరిన్ని బిజినెస్ వార్తల కోసం ఇక్కడ క్లిక్ చేయండి