Budget 2025 Live Streaming: బడ్జెట్ ప్రసంగం.. పన్ను స్లాబ్‌లు, కీలక ప్రకటలు.. ప్రత్యక్ష ప్రసారం చూడండి

Budget 2025 Updates: కేంద్ర ఆర్థిక మంత్రి నిర్మలా సీతారామన్ ఫిబ్రవరి 1న యూనియన్ బడ్జెట్‌ 2025ను పార్లమెంట్ లో సమర్పిస్తారు. బడ్జెట్‌ను సమర్పించడానికి మరికొన్ని గంటలు మాత్రమే మిగిలి ఉన్నాయి. మూడో సారి అధికారంలోకి వచ్చిన తర్వాత మోదీ ప్రభుత్వానికి ఇది రెండో వార్షిక బడ్జెట్‌. బడ్జెట్‌ ప్రభావంతో కొన్ని వస్తువులు చౌకగా, మరికొన్ని ఖరీదైనవి కానున్నాయి. బడ్జెట్లోని అంశాలు దేశంలోని పన్ను చెల్లింపుదారులపై ప్రత్యక్ష ప్రభావాన్ని చూపుతాయి. ఇలాంటి పరిస్థితుల్లో ఈ బడ్జెట్‌పై ప్రజలు ఎన్నో ఆశలు పెట్టుకున్నారు. చౌక గృహాలు, పన్ను తగ్గింపులు, ఉపాధి వరకు ప్రతి వర్గాల ప్రజల నుండి అనేక అంచనాలు ఉన్నాయి. అయితే బడ్జెట్‌ ఎప్పుడు? ఎక్కడ చూడాలో తెలుసుకుందాం.

బడ్జెట్‌ లైవ్‌ ఇక్కడ చూడండి:

బడ్జెట్‌లో ప్రభుత్వం దృష్టి

యూనియన్ బడ్జెట్‌లో ప్రభుత్వం దృష్టి కేంద్రీకరించే రంగాల గురించి చర్చించుకుంటే.. ఈసారి ప్రభుత్వం దృష్టి సారించిన కేటాయింపులు రైల్వేలు, విద్య, ఆరోగ్యం, మౌలిక సదుపాయాలు వంటి అనేక రంగాలపై ఉండవచ్చని తెలుస్తోంది.

బడ్జెట్ ఎప్పుడు మొదలవుతుంది?

ఆర్థిక మంత్రి నిర్మలా సీతారామన్ 2025 బడ్జెట్‌ను ఫిబ్రవరి 1, 2025న పార్లమెంట్‌లో ప్రవేశపెట్టనున్నారు. ఇది నిర్మలా సీతారామన్ ఎనిమిదో బడ్జెట్ ప్రసంగం కావడం విశేషం. లోక్‌సభలో ఉదయం 11 గంటలకు బడ్జెట్ ప్రసంగం ప్రారంభం కానుంది.

మీరు బడ్జెట్‌ను ప్రత్యక్షంగా ఎక్కడ చూడవచ్చు?

బడ్జెట్ 2025 పార్లమెంట్ అధికారిక ఛానెల్ సంసద్ టీవీ, జాతీయ టీవీ ఛానెల్ దూరదర్శన్‌లో ప్రత్యక్ష ప్రసారం అవుతుంది. ఇది కాకుండా మీరు ఆర్థిక మంత్రిత్వ శాఖ అధికారిక ట్విట్టర్ హ్యాండిల్‌ను సందర్శించడం ద్వారా బడ్జెట్ లైవ్ స్ట్రీమింగ్ కూడా చేయవచ్చు. ఇది కాకుండా, బడ్జెట్ ప్రత్యక్ష ప్రసారం ఆర్థిక మంత్రిత్వ శాఖ అధికారిక YouTube ఛానెల్‌లో కూడా ప్రసారం అవుతుంది. ఇక్కడ కూడా మీరు బడ్జెట్‌కు సంబంధించిన మొత్తం సమాచారాన్ని ఒకే క్లిక్‌లో పొందవచ్చు. ఇది కాకుండా మీరు TV9 Telugu వెబ్‌సైట్ https://www.tv9teluguలో బడ్జెట్‌ను ప్రత్యక్షంగా చూడవచ్చు.

నేడు ఆర్థిక సర్వే

బడ్జెట్‌కు ముందు, నేడు అంటే జనవరి 31న, ఆర్థిక సర్వే పేరుతో మరో ముఖ్యమైన పత్రాన్ని పార్లమెంటులో సమర్పించనున్నారు. ఆర్థిక సర్వే అనేది దేశ ఆర్థిక వ్యవస్థ పనితీరును తెలిపే ప్రభుత్వ గత బడ్జెట్‌కు సంబంధించిన రిపోర్ట్ కార్డ్.

మరిన్ని బడ్జెట్‌ వార్తల కోసం ఇక్కడ క్లిక్‌ చేయండి