Future-Reliance deal: ఫ్యూచర్ ఇండిపెండెంట్ డైరెక్టర్లకు అమెజాన్ లేఖలు.. ఆ చర్యలపై తీవ్ర వ్యాఖ్యలు..
Future-Reliance deal: ఫ్యూచర్ రిటైల్ (FRL) స్వతంత్ర డైరెక్టర్లకు అమెజాక్ కంపెనీ లేఖలు రాసింది. కంపెనీ స్టోర్లను రిలయన్స్ కంపెనీ స్వాధీనం చేసుకోవటాన్ని అడ్డుకోకపోవటంపై తీవ్ర వ్యాఖ్యలు చేసింది.
Future-Reliance deal: ఫిబ్రవరిలో రిలయన్స్ ఇండస్ట్రీస్ 835 రిటైల్ అవుట్‌ లెట్లను టేకోవర్ చేయకుండా ఆపడంలో ఫ్యూచర్ రిటైల్ (FRL) స్వతంత్ర డైరెక్టర్లు తమ విధులను నిర్వర్తించడంలో విఫలమయ్యారని Amazon ఆరోపించింది. స్వతంత్ర డైరెక్టర్లుగా దేశప్రజలను మోసం చేయడానికి.. ఈ మోసపూరిత వ్యూహాన్ని అనుసరిస్తున్నారని అమెజాన్ ఇద్దరు స్వతంత్ర డైరెక్టర్లకు పంపిన లేఖలో పేర్కొంది. ఫ్యూచర్ రిటైల్ స్వతంత్ర డైరెక్టర్లుగా చట్టబద్ధమైన బాధ్యతలు, విధులను నిర్వర్తించడంలో, అమలు చేయడంలో వైఫల్యం చెందిన కారణంగా అమెజాన్ ఈ లేఖను రాయవలసి వచ్చిందని వెల్లడించింది. మే 19న రాసిన లేఖపై అమెజాన్ ఇండియా సీనియర్ కార్పొరేట్ న్యాయవాది హీనా డూన్ సంతకం ఉంది. దీనిపై సదరు డైరెక్టర్లు ఇప్పటి వరకు స్పందించలేదు.
రిలయన్స్ ఇండస్ట్రీస్ యూనిట్ అయిన రిలయన్స్ ప్రాజెక్ట్స్ & ప్రాపర్టీ మేనేజ్‌మెంట్, ఎఫ్‌ఆర్‌ఎల్‌కు సబ్‌లీజ్ చేసిన ప్రాపర్టీలకు అద్దెలు చెల్లించనందున అవుట్‌ లెట్లను స్వాధీనం చేసుకుంది. రిలయన్స్ రిటైల్ గత నెలలో ఫ్యూచర్ గ్రూప్ రిటైల్ ఆస్తులను రూ.25,000 కోట్లకు కొనుగోలు చేయడానికి తన డీల్‌ను విరమించుకున్న తర్వాత, అమెజాన్ ఇటీవల కోర్టుకు వెళ్లింది. వివిధ నియంత్రణ సంస్థలకు కమ్యూనికేషన్‌లలో ఈ సమస్యపై దృష్టి సారించింది. FRLకు రుణదాతలు ఈ ప్రతిపాదనను తిరస్కరించడంతో రిలయన్స్ నిర్ణయం తీసుకుంది. అమెజాన్ తన లేఖలో స్వతంత్ర డైరెక్టర్లకు తగిన జాగ్రత్తలు ఇచ్చింది, ఎఫ్‌ఆర్‌ఎల్‌లో ఆరోపించిన అవకతవకలకు సంబంధించి తీవ్రమైన ఆందోళనలను లేవనెత్తింది. రెగ్యులేటర్‌లు, రుణదాతలు, రుణాలిచ్చిన బ్యాంకులు, దాని వాటాదారులు, అమెజాన్‌తో సహా ఇతర వాటాదారులకు హాని కలిగించేలా వ్యవహరించారని అమెజాన్ తన లేఖలో పేర్కొంది.
మరిన్ని బిజినెస్ వార్తల కోసం ఇక్కడ క్లిక్ చేయండి..