Aadhaar Update: సెప్టెంబర్‌ 14లోపు ఆధార్‌ అప్‌డేట్‌ చేయకుంటే కార్డు పని చేయదా?

Aadhaar Card

మీరు ఇంకా మీ ఆధార్‌ను అప్‌డేట్ చేయకుంటే ఈ వార్త మీకు ఉపయోగకరంగా ఉంటుంది. ఆధార్‌ను ఉచితంగా అప్‌డేట్ చేసే సేవ సెప్టెంబర్ 14వ తేదీతో నిలిపివేయబడుతుంది. పదేళ్ల క్రితం జారీ చేయబడిన ఆధార్ కార్డులు, ఆ తర్వాత అప్‌డేట్ చేయని వాటికి రీవాలిడేషన్ కోసం గుర్తింపు రుజువు, చిరునామా రుజువు పత్రాలు అవసరం. దీని చివరి తేదీ సెప్టెంబర్ 14. గడువు ముగిసిన తర్వాత, ఏదైనా అప్‌డేట్‌పై UIDAI రూ. 50 ఛార్జీని తీసుకుంటుంది. అయితే గడువులోగా ఆధార్‌ అప్‌డేట్‌ చేయకుంటే ఆధార్‌ పని చేస్తుందా? లేదా? అనే అనుమానాలు చాలా మందిలో ఉన్నాయి. కానీ గడువు ముగిసినా తర్వాత అప్‌డేట్‌ చేసుకుంటే కొంత రుసుము చెల్లించాల్సి ఉంటుంది. అంతే తప్ప పూర్తిగా ఆధార్‌ పని చేయకుండా ఏమి ఉండదు. ఇలాంటి ప్రకటన కేంద్రం గానీ, ఆధార్‌ సంస్థగాని చేయలేదు. కానీ తప్ప తప్పకుండా అప్‌డేట్‌ చేసుకోవాల్సి ఉంటుంది.

ఆధార్ ప్రమాణీకరణలో ధృవీకరణ కోసం UIDAI సెంట్రల్ ఐడెంటిటీ డేటా రిపోజిటరీ అంటే CIDRలో జనాభా లేదా బయోమెట్రిక్ సమాచారంతో పాటు ఆధార్ నంబర్‌ను సమర్పించడం అవసరం. దీని తర్వాత యూఐడీఏఐ దానితో అందుబాటులో ఉన్న సమాచారం ఆధారంగా వివరాల ఖచ్చితత్వాన్ని ధృవీకరిస్తుంది.

ఉచిత సేవను ఎలా ఉపయోగించాలి?

• ముందుగా myaadhaar.uidai.gov.inకి వెళ్లి మీ ఆధార్ నంబర్, మీ రిజిస్టర్డ్ మొబైల్ నంబర్‌కు పంపిన OTPని ఉపయోగించి లాగిన్ చేయండి.
• మీ ప్రొఫైల్‌లో కనిపించే గుర్తింపు, చిరునామా వివరాలను సమీక్షించండి.
• సమాచారం సరైనదైతే ‘ఇచ్చిన సమాచారం సరైనదేనని నేను ధృవీకరించాను’ అనే ఎంపికపై క్లిక్ చేయండి.
• డ్రాప్-డౌన్ మెను నుండి గుర్తింపు, చిరునామా ధృవీకరణ కోసం మీరు సమర్పించాలనుకుంటున్న పత్రాలను ఎంచుకోండి.
• ఎంచుకున్న పత్రాలను అప్‌లోడ్ చేయండి. పత్రాలను అప్‌లోడ్ చేయడానికి ముందు ప్రతి ఫైల్ 2 MB కంటే తక్కువ సైజ్‌లో, JPEG, PNG లేదా PDF ఫార్మట్‌లో ఉందో లేదో తనిఖీ చేయండి.
• మీ ఆధార్ వివరాలను అప్‌డేట్ చేయడానికి సమాచారాన్ని సమీక్షి సమర్పించండి.

మరిన్ని బిజినెస్ వార్తల కోసం ఇక్కడ క్లిక్ చేయండి