Budget Cars: టాటాతో హ్యూందాయ్ పోటాపోటీ.. ఆ మోడల్ కార్ల మధ్య ప్రధాన తేడాలివే..!
భారతదేశంలోని ప్రజలకు సొంత కారు అనేది ఓ ఎమోషన్. అయితే దేశంలోని ప్రజల్లో చాలా మంది మధ్య తరగతి వారు ఉన్నారు. వారిని ఆకట్టుకునేందుకు కంపెనీలు సరికొత్త ఫీచర్లతో నయా కార్లను లాంచ్ చేస్తున్నాయి. ఈ నేపథ్యంలో ప్రస్తుతం రిలీజ్ అయిన ఆల్ట్రోజ్ 2025 వెర్షన్, హ్యూందాయ్ ఐ 20 మధ్య ప్రధాన తేడాలను తెలుసుకుందాం.
టాటా మోటార్స్ తన ప్రీమియం హ్యాచ్ బ్యాక్ 2025 ఆల్ట్రోజ్ రిఫ్రెష్ చేసింది. ఈ ప్రీమియం కారు రూ.6.89 లక్షల నుంచి రూ.11.49 లక్షల (ఎక్స్-షోరూమ్) ప్రారంభ ధరలతో అందుబాటులో ఉంది. ఈ అప్డేట్ ఆల్ట్రోజ్ను ఈ విభాగంలోని కీలక పోటీదారులైన హ్యుందాయ్ ఐ20, మారుతి బాలెనో మరియు టయోటా గ్లాంజాతో పోటీ పడేలా చేసింది. ధర, సెగ్మెంట్ ప్లేస్మెంట్ పోల్చదగినవి అయినప్పటికీ ఫేస్లిఫ్ట్ ఆల్టోజ్ ఆకర్షణను విస్తృతం చేయడంలో సహాయపడటానికి మరిన్ని ఫీచర్లు, విస్తృత శ్రేణి పవర్ ట్రెయిన్ ఎంపికలను అందిస్తుంది. ఈ నేపథ్యంలో ఆల్ట్రోజ్ కారుకు హ్యూందాయ్ ఐ20 తో కార్ల మధ్య ప్రధాన తేడాలను చూద్దాం.
2025 ఆల్ట్రోజ్ లుక్లో మాత్రం పెద్దగా మార్పు లేదు. ఫ్లష్-టైప్ డోర్ హ్యాండిల్స్ అవుటర్ లుక్కు ఆధునిక, అధునాతన రూపాన్ని ఇస్తున్నాయి. ఈ కారు వెనుక కనెక్ట్ చేసిన ఎల్ఈడీ టెయిల్ ల్యాంప్ను ఆధునిక టచ్ను అందిస్తాయి. ఈ కారు ఫ్రంట్ ఎండ్ లైటింగ్లో కూడా అప్ గ్రేడ్తో వస్తుంది. ఆటోమేటిక్ ఎల్ఈడీ హెడ్లైట్లు, ఎల్ఈడీ ఫాగ్ లాంప్లు కార్నరింగ్ ఫంక్షన్తో ఆకట్టుకుంటుంది ఈ రెండు అప్గ్రేడ్లు ఫ్రంట్ ఎండ్ స్టైలింగ్ను మెరుగుపరుస్తాయి. ఆటో-ఫోల్డింగ్ అవుట్ సైడ్ మిర్రర్లు, 16 అంగుళాల డ్యూయల్ టోన్ అల్లాయ్ వీల్స్ కూడా వాహనానికి సంబంధించిన కర్బ్ సైడ్ ఆకర్షణకు సహాయపడతాయి. అందువల్ల ఆల్టోజ్ సెగ్మెంట్లోని మరింత విలాసవంతమైన హ్యాచ్బ్యాక్లతో పోటీ పడడానికి ఉన్నత స్థాయి అనుభూతిని ఇస్తుంది.
ఫీచర్లు
2025 టాటా ఆల్టోజ్, హ్యుందాయ్ 20 ఫీచర్లలో దగ్గరగా సరిపోతాయి. అయితే కొన్ని కీలక అంశాలలో విభిన్నంగా ఉంటాయి.అవుటర్ వ్యూలో రెండూ ఎల్ఈడీ హెడ్లైట్లు, డీఆర్ఎల్లు, అల్లాయ్ వీల్స్, ఆటో ఫోల్డింగ్ ఓఆర్వీఎంలతో వస్తాయి. ఆల్టోజ్ కార్నరింగ్, కనెక్టెడ్ టెయిల్ లైట్లు, ఫ్లష్-టైప్ డోర్ హ్యాండిల్స్ ఎల్ఈడీ ఫాగ్ ల్యాంప్లతో ఆకట్టుకుంటుంది. అయితే ఐ20లో పుడిల్ ల్యాంప్లతో ఆకట్టుకుంటున్నాయి. ఇంటీరియర్ విషయానికి వస్తే ఆల్టోజ్లో బ్లాక్-బీజ్ థీమ్, ఫాబ్రిక్ అష్తోల్స్టరీ, మల్టీ-కలర్ యాంబియంట్ లైటింగ్, టచ్-బేస్డ్ ఏసీ ప్యానెల్తో కూల్డ్ గ్లోబ్బాక్స్లతో ఆకట్టుకుంటుంది. 20 సెమీ-లెథరెట్ సీట్లు, బ్లూ యాంబియంట్ లైటింగ్, సన్గ్లాస్ హెూల్డర్తో కూడిన బ్లాక్-గ్రే క్యాబిన్తో వస్తుంది. ఈ రెండు కార్లలో సన్రూఫ్, వైర్లెస్ ఫోన్ ఛార్జింగ్, వెనుక ఏసీ వెంట్స్, క్రూయిజ్ కంట్రోల్, ప్యాడిల్ షిఫ్టర్లు ఉన్నాయి. అయితే, ఆల్టోజ్ పూర్తిగా డిజిటల్ డ్రైవర్ డిస్ ప్లేను అందిస్తుంది. రెండు కార్లలో ఇన్ఫోటైన్మెంట్ 10.25 అంగుళాల టచ్ స్క్రీన్ ద్వారా నిర్వహించబడుతుంది. కానీ ఆల్టోజ్ వైర్లెస్ ఆండ్రాయిడ్ ఆటో/ఆపిల్ కార్ ప్లేకు మద్దతు ఇస్తుంది. అలాగే 8-స్పీకర్ సిస్టమ్ను ఉపయోగిస్తుంది. ఐ20 ఏడు స్పీకర్ బోస్ సెటప్తో వైర్డు స్మార్ట్ఫోన్ కనెక్టివిటీని కలిగి ఉంది.
స్పెసిఫికేషన్లు
2025 టాటా ఆల్టోజ్ ఫేస్లిఫ్ట్ పవర్ ట్రెయిన్లలో ఎక్కువ వైవిధ్యాన్ని అందిస్తుంది. ఇది వివిధ డ్రైవింగ్ అవసరాలకు అనుగుణంగా ఉంటుంది. ఇది మూడు ఇంజన్ ఎంపికలతో వస్తుంది. 1.2 లీటర్ పెట్రోల్, 1.2-లీటర్ పెట్రోల్-సీఎన్జీ, 1.5 లీటర్ డీజిల్ వేరియంట్స్లో అందుబాటులో ఉంటుంది. వేరియంట్ను బట్టి కొనుగోలుదారులు 5 స్పీడ్ మాన్యువల్, 5-స్పీడ్ ఏఎంటీ లేదా 6-స్పీడ్ డీసీటీ గేర్బాక్స్ నుంచి ఎంచుకోవచ్చు. అయితే హ్యుందాయ్ 20 కేవలం 1.2 లీటర్ పెట్రోల్ ఇంజిన్తో మాత్రమే పనిచేస్తుంది. ఇది 5 స్పీడ్ మాన్యువల్ గేర్బ్యాక్స్తో వస్తుంది.
ధర
టాటా ఆల్ట్రోజ్ రూ.6.89 లక్షల ప్రారంభ ధర నుండి 11.49 లక్షల వరకు అందుబాటులో ఉంటుంది ఎంట్రీ లెవల్లో కొంతమంది పోటీదారుల కంటే తక్కువగా ఉండగా టాప్ ఎండ్లో ఇతరుల కంటే కొంచెం ఎక్కువగా ఉంది. అలాగే హ్యుందాయ్ ఐ 20 ధర రూ.7.51 లక్షల నుంచి రూ.11.25 లక్షల మధ్య ఉంటుంది. కొంచెం ఎక్కువ సీలింగ్ ధర ఉన్నప్పటికీ ఆల్టోజ్ పవర్ ట్రెయిన్లలో మరిన్ని వైవిధ్యాలతో పాటు 360 డిగ్రీ కెమెరా, డిజిటల్ ఇన్స్ట్రుమెంట్ క్లస్టర్ వంటి కొన్ని ప్రత్యేక లక్షణాలను అందిస్తుంది.
మరిన్ని బిజినెస్ వార్తల కోసం ఇక్కడ క్లిక్ చేయండి