
కూటి కోసమే కోటి విద్యలు అంటారు..ఎన్ని చదువులు, ఎన్ని నైపుణ్యాలు.. అన్ని పొట్టకూటి కోసమే అన్నది మనుషులకు వర్తించే నానుడి. అయితే, పశు పక్షాదులు కూడా వాటి ఆహారం కోసం జీవనపోరాటం చేస్తూనే ఉంటాయి. ఇదంతా ప్రతి ప్రాణికి జరిగే నిత్య సంఘర్షణే. అయితే, పక్షులు తమ ఆహారం కోసం సాగించే వేటలో అప్పుడప్పుడు అవి కూడా సాహసాలు చేస్తుంటాయి. అందుకు ఈ వీడియో నిదర్శనంగా నిలుస్తోంది. అందులో సముద్రంలోంచి వేటాడి పట్టిన షార్క్ను ఓ ‘పక్షి’ కాళ్లతో పట్టుకుని మేఘాల్లోకి ఎగిరిపోయిన దృశ్యాలు అందరినీ ఆకర్షించాయి.
సౌత్ కరోలినాలోని మైట్లే బీచ్లో ఈ అరుదైన దృశ్యం కనిపించింది. సరదాగా బీచ్కు వచ్చిన సందర్శకులు, స్థానికులు అక్కడి దృశ్యాలను తమ సెల్ఫోన్లలో బంధించి సోషల్ మీడియాలో పోస్ట్ చేయటంతో ఇప్పుడు ఆ వీడియో వైరల్గా మారింది. అది చూసిన నెటిజన్లు కామెంట్లు, లైకుల వర్షం కురిపిస్తున్నారు.