
స్టైలిష్ స్టార్ అల్లు అర్జున్ హీరోగా, మాటల మాంత్రికుడు దర్మకత్వంలో వచ్చిన సినిమా ‘అల వైకుంఠపురములో’. సంక్రాంతి కానుకగా రిలీజ్ అయిన సినిమా బాక్సాఫీస్ వద్ద సెన్సేషన్ క్రియేట్ చేసిన విషయం తెలిసిందే. అల్లు అర్జున్ కెరీర్లోనే మంచి కలెక్షన్లను రాబట్టింది ఈ సినిమానే. ఇక ఈ సినిమాకి సంబంధించిన పాటలు అయితే మరో సెన్సేషన్ క్రియేట్ చేశాయనే చెప్పాలి. ఈ చిత్రంలో పూజా హెగ్డే హీరోయిన్గా నటించింది. తాజాగా ఈ సినిమాను చూసిన ఓ బాలీవుడ్ డైరెక్టర్ ప్రశంసల వర్షం కురిపించాడు. అంతేకాదు ఆయనకో ఛాన్స్ ఇవ్వమంటూ అడిగారు కూడా. ఇంతకీ ఆ డైరెక్టర్ ఎవరు అనుకుంటున్నారా?
బాలీవుడ్ ఫేమస్ డైరెక్టర్ సంజయ్ గుప్తా. ఆయన గురించి అందరికీ తెలుసు. ‘కాబిల్, షూటౌట్ ఎట్ లోఖండ్ వాలా, జబ్బా’ వంటి సినిమాలతో అక్కడ డైరెక్టర్గా మంచి గుర్తింపు తెచ్చుకున్నారు. నెట్ఫ్లిక్స్లో ‘అల వైకుంఠపురములో’ చూసిన ఆయన.. బన్నీ గురించి, ఆ సినిమా గురించి ఆసక్తికరమైన కామెంట్స్ చేస్తూ ట్వీట్ చేశారు.
‘లేటెస్ట్గా మీ సినిమాను నెట్ ఫ్లిక్స్లో చూశాను. ఈ మూవీ బిగ్ స్క్రీన్పై చూడకపోతే.. ఆ లోటు ఎప్పటికీ ఉండిపోతుంది. ప్రస్తుతమున్న పరిస్థితులన్నీ కుదుటపడ్డాక, వీలైనంత త్వరగా ఈ సినిమాను బిగ్ స్క్రీన్పై చూడాలి’.. అంటూ సంజయ్ ట్వీట్ చేశారు. దీనికి స్పందించిన బన్నీ.. ‘ఈ సినిమా మీరు చూడటం చాలా ఆనందంగా ఉంది. సినిమాను చూసిన మీకు థాంక్స్’ అంటూ రిప్లై ఇచ్చాడు. దీనికి మళ్లీ డైరెక్టర్ సంజయ్.. ‘బ్రదర్.. మీ యాక్టింగ్కి నేను ఎలా కనెక్ట్ అయ్యానో వర్ణించలేను. మీరు నన్ను నవ్వించారు.. ఏడిపించారు. మీకు నేను ఫ్యాన్గా మారిపోతున్నాను. మీతో వర్క్ చేయడానికి ఒక్క అవకాశం కోసం వెయిట్ చేస్తున్నా’ అని పేర్కొన్నారు. దీనికి బన్నీ ఎలాంటి ఆన్సర్ ఇస్తాడో చూడాలి.
Read More: బ్రేకింగ్: ఏపీ డిప్యూటీ సీఎం అంజాద్ బాషాకు కరోనా..