అయోధ్య తీర్పు ఎఫెక్ట్: ఆ బ్యాంక్‌లో అకౌంట్ ఉంటే బోనస్..

ఉత్తర్​ప్రదేశ్​ అలహాబాద్​లో ‘రామ్​ నామ్ బ్యాంక్’ ఉంది. ఈ బ్యాంక్ రూటే సెపరేట్. ఎందుకంటే అక్కడ డిపాజిట్ చేసేది రామ నామం. ఈ బ్యాంక్‌లో అకౌంట్ తీసుకున్న వాళ్లు..బుక్‌లెట్స్‌లో రామనామం, రామకోటి రాసి బ్యాంక్‌లో డిపాజిట్ చేస్తారు. తాజాగా అయోధ్య రాముడిదే అంటూ సుప్రీం కోర్టు తీర్పు ఇచ్చిన నేపథ్యంలో సదరు బ్యాంకు తన ఖాతాదారులకు బోనస్ ప్రకటించింది.

ఇంతకీ బోనస్ ఏంటంటే:

నవంబర్ ​9-10 అర్ధరాత్రిలోపు కనీసం 1.25 లక్షల సార్లు రామనామాన్ని రాసి.. బ్యాంక్​లో డిపాజిట్​ చేసిన అకౌంట్ హోల్డర్స్‌కు ఓ  అవార్డ్ ఇవ్వనుంది ‘రామ్​ నామ్ బ్యాంక్’.  ఇప్పుడు ఒకసారి రామనామం రాస్తే..బ్యాంక్ ప్రకటించిన బోనస్ నేపథ్యంలో అది రెండుసార్లుగా పరిగణించబడుతుంది. వారు స్వదస్తూరితో రాసినా, కంప్యూటర్ లేదా మెబైల్ యాప్‌లో టైప్​ చేసిన కూడా అది కౌంట్ చేయబడుతోంది.  బ్యాంక్​ ఇచ్చే బుక్​లెట్​లోనే వీటిని ఫిల్ చేయాల్సి ఉంటుంది. ఇలా నిర్ణీత గడువులోపు ఎవరైతే టార్గెట్ కంప్లీట్ చేసి ఉంటారో వారికి..సర్టిఫికెట్  బహుకరించనుంది బ్యాంక్.

దీనిలో భాగంగా ఒక కోటి కంటే ఎక్కువసార్లు రామనామం ఎవరైతే రాసినట్టు తేలుతుందో వారికి అక్షవతి మార్గ్‌లోని సెక్టర్-1 లో ఉచిత వసతి కల్పించనున్నారు. ఇప్పటివరకు కోటి మార్కును.. 12 మంది దాటినట్టు బ్యాంకు నిర్వాహకులు గుర్తించారు. వీరందర్నీ  2020లో అలహాబాద్​ సంఘం ప్రాంతంలో జరిగే మెగామేళాలో సత్కరిస్తారు.