Weekly Horoscope: ఆ రాశి వారికి ఆకస్మిక ధన లాభ యోగం.. 12 రాశుల వారికి వారఫలాలు ఎలా ఉన్నాయంటే..?
వార ఫలాలు (ఫిబ్రవరి 25 నుంచి మార్చి 2, 2024 వరకు): గ్రహ బలం బాగా అనుకూలంగా ఉన్నందువల్ల మేష రాశి వారికి ఈ వారం తప్పకుండా ఒకటి రెండు శుభ పరిణామాలు చోటు చేసుకుంటాయి. వృషభ రాశి వారికి దశమ స్థానంలో రవి, శనుల కలయిక కారణంగా అధికారులతో మాట పట్టింపులు వచ్చే అవకాశం ఉంది. మిథున రాశి వారికి ఈ వారం పట్టిందల్లా బంగారం అవుతుంది. మేష రాశి మొదలు మీన రాశి వరకు 12 రాశుల వారికి వారఫలాలు ఎలా ఉన్నాయో ఇప్పుడు చూద్దాం..
వార ఫలాలు (ఫిబ్రవరి 25 నుంచి మార్చి 2, 2024 వరకు): గ్రహ బలం బాగా అనుకూలంగా ఉన్నందువల్ల మేష రాశి వారికి ఈ వారం తప్పకుండా ఒకటి రెండు శుభ పరిణామాలు చోటు చేసుకుంటాయి. వృషభ రాశి వారికి దశమ స్థానంలో రవి, శనుల కలయిక కారణంగా అధికారులతో మాట పట్టింపులు వచ్చే అవకాశం ఉంది. మిథున రాశి వారికి ఈ వారం పట్టిందల్లా బంగారం అవుతుంది. మేష రాశి మొదలు మీన రాశి వరకు 12 రాశుల వారికి వారఫలాలు ఎలా ఉన్నాయో ఇప్పుడు చూద్దాం..
మేషం (అశ్విని, భరణి, కృత్తిక 1)
గ్రహ బలం బాగా అనుకూలంగా ఉన్నందువల్ల ఈ వారం తప్పకుండా ఒకటి రెండు శుభ పరిణామాలు చోటు చేసుకుంటాయి. ఉద్యోగులకు శుభవార్తలు అందుతాయి. వృత్తి, వ్యాపారాలు లాభాల పరంగా బలం పుంజుకుంటాయి. వ్యాపారాల్లో కొత్త ఒప్పందాలు కుదరడానికి అవకాశం ఉంది. కొద్దిగా శ్రమ, ఒత్తిడి ఆర్థిక వ్యవహారాలు అనుకూలంగా పూర్తవుతాయి. అనుకున్న పనులన్నిటినీ పూర్తి చేస్తారు. చిన్ననాటి మిత్రులతో బాగా ఎంజాయ్ చేస్తారు. దైవ కార్యాల్లో పాల్గొంటారు. ప్రయా ణాల్లో జాగ్రత్తలు పాటించాల్సి ఉంటుంది. ఆర్థిక పరిస్థితి నిలకడగా ఉంటుంది. ఖర్చులు తగ్గించు కోవడం, పొదుపు చర్యలు చేపట్టడం చాలా అవసరం. నిరుద్యోగుల ప్రయత్నాలు ఫలిస్తాయి. ప్రేమ వ్యవహారాల్లో సఖ్యత, సామరస్యాలు పెరుగుతాయి. భరణి నక్షత్రం వారికి అధికార యోగం ఉంది.
వృషభం (కృత్తిక 2,3,4, రోహిణి, మృగశిర 1,2)
దశమ స్థానంలో రవి, శనుల కలయిక కారణంగా అధికారులతో మాట పట్టింపులు వచ్చే అవకాశం ఉంది. కాస్తంత అప్రమత్తంగా ఉండడం మంచిది. ఉద్యోగ బాధ్యతలను సంతృప్తికరంగా నెర వేరుస్తారు. ఇంటా బయటా ఒత్తిడి ఉంటుంది. తండ్రితో విభేతాలు తలెత్తుతాయి. ముఖ్యమైన వ్యవహారాల్లో శ్రమ, తిప్పట తప్పకపోవచ్చు. అదనపు ఆదాయ ప్రయత్నాలు బాగా అనుకూలంగా ఉంటాయి. కొద్దిగా అనారోగ్య సమస్యలు ఇబ్బంది పెడతాయి. వృత్తి, వ్యాపారాల్లో బాధ్యతలు పెరు గుతాయి. తొందరపాటు నిర్ణయాలు తీసుకోకపోవడం మంచిది. నిరుద్యోగులకు శుభ వార్త అందే అవకాశం ఉంది. కొందరు మిత్రులకు ఆర్థికంగా సాయం చేయడం జరుగుతుంది. ప్రేమ వ్యవహారాల్లో కొత్త పుంతలు తొక్కుతారు. రోహిణి నక్షత్రం వారు అన్నిటా విజయాలు సాధిస్తారు.
మిథునం (మృగశిర 3,4, ఆర్ద్ర, పునర్వసు 1,2,3)
రాశ్యధిపతి బుధుడు భాగ్య స్థానంలో ఉండడంతో పాటు, గురు బలం కూడా బాగా అనుకూలంగా ఉంది. ఫలితంగా పట్టిందల్లా బంగారం అవుతుంది. ఏ ప్రయత్నం చేపట్టినా విజయవంతం అవుతుంది. ఎంత సానుకూల దృక్పథంతో వ్యవహరిస్తే అంత మంచిది. వారమతా ఇష్టమైన విధంగా గడిచిపోతుంది. ఇష్టమైన వ్యక్తుల్ని కలుసుకుంటారు. ఉద్యోగ వాతావరణం చాలావరకు సానుకూలంగా ఉంటుంది. లాభదాయక ప్రయాణాలకు అవకాశం ఉంది. వృత్తి, వ్యాపారాలు ఊపం దుకుంటాయి. ఉద్యోగుల మీద అదనపు బాధ్యతలు పడడం జరుగుతుంది. సంతానానికి సంబం ధించి విద్య, ఉద్యోగాలు సంతృప్తికరంగా సాగిపోతాయి. ఎవరితోనైనా ఆచితూచి వ్యవహరించడం మంచిది. ప్రేమ వ్యవహారాల్లో ముందడుగు వేస్తారు. ఆర్ద్రా నక్షత్రం వారికి అధికారయోగం పడుతుంది.
కర్కాటకం (పునర్వసు 4, పుష్యమి, ఆశ్లేష)
ఈ రాశివారికి పరమ శుభుడైన కుజుడు ఉచ్ఛ పట్టడం వల్ల వారమంతా రాజయోగంగా గడిచి పోతుంది. రాశ్యధిపతి చంద్రుడి స్థితి కూడా చాలావరకు అనుకూలంగా ఉంది. ఫలితంగా ఉద్యోగ జీవితం సాఫీగా, హ్యాపీగా సాగిపోతుంది. వృత్తి, వ్యాపారాల్లో ఆటంకాలు, అవరోధాలు తొలగి పోతాయి. ఉద్యోగ, పెళ్లి ప్రయత్నాలు ఊపందుకుంటాయి. నిరుద్యోగులకు దూర ప్రాంతంలో మంచి ఉద్యోగానికి ఆఫర్ వచ్చే అవకాశం ఉంది. బంధుమిత్రులు సహాయ సహకారాలు అందిస్తారు. ముఖ్యమైన వ్యవహారాల్లో ఎంతో ధైర్యంగా నిర్ణయాలు తీసుకుంటారు. వ్యక్తిగత సమస్యలు చాలా వరకు తగ్గిపోతాయి. పిల్లల నుంచి శుభవార్తలు అందుతాయి. ఆరోగ్యానికి ఇబ్బందేమీ ఉండదు. ప్రేమ బంధం మరింతగా పటిష్ఠం అవుతుంది. పుష్యమి నక్షత్రం వారు శుభవార్తలు వింటారు.
సింహం (మఖ, పుబ్బ, ఉత్తర 1)
భాగ్య స్థానంలో గురువు, సప్తమ స్థానంలో బుధాదిత్య యోగం వల్ల ఆర్థిక పరిస్థితి గణనీయంగా మెరుగుపడుతుంది. అనేక విధాలుగా డబ్బు కలిసి వస్తుంది. ఆకస్మిక ధనలాభానికి కూడా అవ కాశం ఉంది. రాదనుకుని వదిలేసుకున్న డబ్బు చేతికి అందుతుంది. కొన్ని ముఖ్యమైన వ్యవహా రాల్లో కుటుంబ సభ్యుల సలహాలు, సూచనలు బాగా కలిసి వస్తాయి. వృత్తి, ఉద్యోగాల్లో ఆశించిన ప్రోత్సాహకాలు లభిస్తాయి. కొత్త ఉద్యోగ ప్రయత్నాలు సఫలం అవుతాయి. గృహ, వాహనాల కొనుగోలు మీద దృష్టి పెడతారు. ఆరోగ్యంలో మెరుగుదల కనిపిస్తుంది. ఇతరులకు మీరిచ్చే సల హాలు, సూచనలు బాగా ఉపయోగపడతాయి. ఉన్నత స్థాయి వ్యక్తులతో పరిచయాలు పెరుగు తాయి. ప్రేమ వ్యవహారాల్లో దూసుకుపోతారు. పుబ్బా నక్షత్రం వారికి అధికార యోగం ఉంది.
కన్య (ఉత్తర 2,3,4, హస్త, చిత్త 1,2)
రాశ్యధిపతి బుధుడు ఆరవ స్థానంలో సంచరిస్తున్న కారణంగా వృత్తి, ఉద్యోగాల్లో ఉన్నవారికి పని ఒత్తిడి బాగా పెరుగుతుంది. ఉద్యోగంలో తొందరపాటు నిర్ణయాలు తీసుకోవద్దు. వ్యాపారాలు లాభ దాయకంగా సాగిపోతాయి. ముఖ్యమైన పనులు, వ్యవహారాలు సానుకూలంగా పూర్తవుతాయి. ఆర్థిక సమస్యలు బాగా తగ్గుముఖం పడతాయి. ఒకటి రెండు వ్యక్తిగత సమస్యల నుంచి బయట పడతారు. అనేక మార్గాలలో ఆదాయం పెరుగుతుంది. ఇతరులకు సహాయం చేయగల స్థితికి చేరుకుంటారు. ఆధ్యాత్మిక చింతన పెరుగుతుంది. ఇష్టమైన ఆలయాలను సందర్శిస్తారు. ఆవేశ కావేషాలకు ఇది సమయం కాదు. కుటుంబ సభ్యుల నుంచి సహాయ సహకారాలు లభి స్తాయి. ప్రేమ వ్యవహారాలు రొటీనుగా సాగిపోతాయి. ఉత్తరా నక్షత్రం వారికి అనుకూలతలు పెరుగుతాయి.
తుల (చిత్త 3,4,స్వాతి, విశాఖ 1,2,3)
శుభ గ్రహాలైన గురు, శుక్ర, బుధుల బలం బాగా అనుకూలంగా ఉన్నందువల్ల వారమంతా ఆశా జనకంగా, లాభదాయకంగా గడిచిపోతుంది. వృత్తి, ఉద్యోగాల్లో కూడా ప్రాధాన్యం బాగా పెరుగు తుంది. అధికారులకు బాగా దగ్గరవుతారు. వృత్తి జీవితం బాగా బిజీ అయిపోతుంది. బాధ్యతలను, లక్ష్యాలను సకాలంలో పూర్తి చేయడం జరుగుతుంది. వ్యాపారాల్లో లాభాలకు లోటుండదు. ఆశించిన స్థాయిలో ఆదాయం పెరుగుతుంది కానీ, వృథా ఖర్చులు అదుపు తప్పుతాయి. స్నేహితుల వల్ల ఇబ్బందుల్లో పడే అవకాశం ఉంది. కుటుంబ జీవితం ప్రశాంతంగా సాగిపోతుంది. పిల్లలు బాగా వృద్ధిలోకి వస్తారు. పెళ్లి, ఉద్యోగ ప్రయత్నాలకు సానుకూల స్పందన లభిస్తుంది. ప్రేమ వ్యవహారాలు హ్యాపీగా సాగిపోతాయి. స్వాతి నక్షత్రం వారికి ఆకస్మిక ధన లాభం ఉంటుంది.
వృశ్చికం (విశాఖ 4, అనూరాధ, జ్యేష్ఠ)
రాశ్యధిపతి కుజుడు ఉచ్ఛ స్థితిలో ఉండడం వల్ల, చతుర్థంలో బుధాదిత్య యోగం ఏర్పడడం వల్ల వారమంతా అనుకూలంగా గడిచిపోతుంది. ముఖ్యమైన పనులు, వ్యవహారాలను ఒంటి చేత్తో పూర్తి చేస్తారు. ఆదాయ మార్గాలు విస్తరిస్తాయి. కొద్ది ప్రయత్నంతో అనుకున్న పనుల్ని అనుకు న్నట్టు పూర్తి చేస్తారు. రాజకీయంగా పలుకుబడి కలిగిన వ్యక్తులతో పరిచయాలు పెరుగుతాయి. మిత్రుల సహాయంతో వ్యక్తిగత సమస్య ఒకటి పరిష్కారం అవుతుంది. ఆదాయం పరిస్థితి గణనీ యంగా మెరుగుపడుతుంది. మొండి బాకీలు కొద్ది ప్రయత్నంతో వసూలు అవుతాయి. సేవా కార్యక్రమాల ద్వారా మంచి గుర్తింపె తెచ్చుకుంటారు. ఇంటా బయటా మీ మాటకు బాగా విలువ పెరుగుతుంది. ప్రేమ వ్యవహారాలు సాఫీగా సాగిపోతాయి. అనూరాధ వారు శుభవార్తలు వింటారు.
ధనుస్సు (మూల, పూర్వాషాఢ, ఉత్తరాషాఢ 1)
రాశ్యధిపతి గురువుతో సహా శుభ గ్రహాల బలం అనుకూలంగా ఉండడంతో పాటు ధన స్థానంలో కుజుడు ఉచ్ఛపట్టడం వల్ల అనేక మార్గాల్లో ఆదాయం పెరుగుతుంది. మాటకు చేతకు విలువ ఏర్పడుతుంది. కుటుంబ వాతావరణం ఆనందోత్సాహాలతో నిండిపోతుంది. ఆర్థికంగా చాలావరకు అనుకూల వాతావరణం ఉంటుంది. ఉద్యోగులు సహోద్యోగుల సహాయంతో బాధ్యతలను పూర్తి చేస్తారు. వృత్తి, వ్యాపారాలు ఊపందుకుంటాయి. ముఖ్యమైన పనులు, వ్యవహారాలు విజయ వంతంగా పూర్తవుతాయి. స్థిరాస్తి వివాదాలు సానుకూలంగా పరిష్కారమవుతాయి. ఇతరులకు వీలైనంతగా సహాయం చేయడం జరుగుతుంది. ఆరోగ్యం అనుకూలంగా ఉంటుంది. ప్రేమ వ్యవహా రాలు ఉత్సాహంగా సాగిపోతాయి. పూర్వాషాఢ వారికి ప్రముఖులతో పరిచయాలు ఏర్పడతాయి.
మకరం (ఉత్తరాషాఢ 2,3,4, శ్రవణం, ధనిష్ఠ 1,2)
శుభ గ్రహాలన్నీ బాగా అనుకూలంగా ఉన్నందువల్ల ఏలిన్నాటి శని ప్రభావం కూడా బాగా తగ్గి ఉంటుంది. వారమంతా ఆశించిన విధంగా సాగిపోతుంది. ముఖ్యంగా ఆర్థిక పరిస్థితి ఆశాజనకంగా ఉంటుంది. కుటుంబంలో సుఖ సంతోషాలు వెల్లి విరుస్తాయి. ఉద్యోగంలో మీ సలహాలకు, సూచనలకు ప్రాధాన్యం పెరుగుతుంది. సానుకూల మార్పులు కూడా చోటు చేసుకుంటాయి. వృత్తి, వ్యాపారాలు లాభాలపరంగా పురోగతి సాధిస్తాయి. ముఖ్యమైన వ్యవహారాలన్నీ విజయవంతంగా పూర్తవుతాయి. ఉద్యోగ ప్రయత్నాలకు సంబంధించి ఒక శుభవార్త వినే అవకాశం ఉంది. ఆకస్మిక ధన లాభ సూచనలున్నాయి. ఏ ప్రయత్నం తలపెట్టినా తప్పకుండా సఫలం అవుతుంది. ప్రేమ వ్యవహారాల్లో సాన్నిహిత్యం, సఖ్యత పెరుగుతాయి. ఉత్తరాషాఢ వారికి బాగా కలిసివస్తుంది.
కుంభం (ధనిష్ఠ 3,4, శతభిషం, పూర్వాభాద్ర 1,2,3)
ఈ రాశిలో ఏర్పడిన బుధాదిత్య యోగం కారణంగా కొన్ని కీలక సమస్యలు పరిష్కారం అవుతాయి. కొన్ని అడ్డంకులు, ఆటంకాలు తొలగిపోతాయి. ఒకటి రెండు శుభవార్తలు వింటారు. శుభ కార్యాలు తలపెడతారు. స్థిరాస్తి వివాదం ఒకటి సానుకూలంగా పరిష్కారం అవుతుంది. వృత్తి, వ్యాపారాలు నిలకడగా సాగిపోతాయి. ఉద్యోగుల ప్రతిభా పాటవాలకు గుర్తింపు లభిస్తుంది. వస్తు వాహనాల కొనుగోలు మీద దృష్టి పెడతారు. ముఖ్యమైన వ్యవహారాలను వ్యయ ప్రయాసల కోర్చి పూర్తి చేస్తారు. కుటుంబానికి సంబంధించిన పనుల మీదా, సొంత పనుల మీదా శ్రద్ధ పెట్టడం చాలా మంచిది. పెళ్లి, ఉద్యోగ ప్రయత్నాలు చాలావరకు విజయవంతం అవుతాయి. ప్రేమ వ్యవహా రాలు సంతృప్తికరంగా సాగిపోతాయి. శతభిషం నక్షత్రం వారు ఒకటి రెండు శుభవార్తలు వింటారు.
మీనం (పూర్వాభాద్ర 4, ఉత్తరాభాద్ర, రేవతి)
లాభ స్థానంలో కుజ, శుక్రులు, ధన స్థానంలో రాశ్యధిపతి గురువు ఉన్న కారణంగా వారమంతా చాలావరకు సాఫీగా, హ్యాపీగా గడిచిపోతుంది. ఆకస్మిక ధన లాభానికి, ఊహించని పురోగతికి అవకాశం ఉంది. అనుకున్న పనులు, వ్యవహారాలు సంతృప్తికరంగా పూర్తవు తాయి. ఆదాయం పెరుగుతుంది. అనవసర ఖర్చుల నుంచి బయటపడతారు. వ్యాపారులు తమకు అందివచ్చిన అవకాశాలను సద్వినియోగం చేసుకుంటారు. ఉద్యోగంలో అధికారుల నుంచి ఊహించని ప్రతిఫలం లభిస్తుంది. ఒకటి రెండు ముఖ్యమైన వ్యక్తిగత సమస్యలకు పరి ష్కారం లభిస్తుంది. పరిచ యస్థులలో పెళ్లి సంబంధం కుదిరే అవకాశం ఉంది. కుటుంబ జీవితం ప్రశాంతంగా సాగిపోతుంది. ప్రేమవ్యవహారాలుసానుకూలంగా ఉంటాయి. ఉత్తరాభాద్ర వారు అందలాలు ఎక్కుతారు.
మరిన్ని జ్యోతిష్య కథనాలు చదవండి..