Horoscope Today: వీరు చేయని పొరపాటుకు నిందలు పడతారు.. అనవసర ఖర్చులు కూడా.. నేటి రాశిఫలాలు ఎలా ఉన్నాయంటే..

Horoscope Today (07-07-2022): శుభకార్యాలు జరపాలన్నా, మంచి పనులు మొదలు పెట్టాలన్నా, ఎక్కడికైనా వెళ్లాలన్నా చాలామంది మంచి ముహూర్తం కోసం వెతుకుతారు చాలామంది. అంతెందుకు రోజులో ఏ పని మొదలుపెట్టాలన్నా..

Horoscope Today: వీరు చేయని పొరపాటుకు నిందలు పడతారు.. అనవసర ఖర్చులు కూడా.. నేటి రాశిఫలాలు ఎలా ఉన్నాయంటే..
Horoscope Today
Basha Shek

|

Jul 07, 2022 | 6:42 AM

Horoscope Today (07-07-2022): శుభకార్యాలు జరపాలన్నా, మంచి పనులు మొదలు పెట్టాలన్నా, ఎక్కడికైనా వెళ్లాలన్నా చాలామంది మంచి ముహూర్తం కోసం వెతుకుతారు చాలామంది. అంతెందుకు రోజులో ఏ పని మొదలుపెట్టాలన్నా మంచి చెడుల గురించి ఆలోచిస్తారు. ఈరోజు తమకు ఎలా ఉంటుందోనని ఆరా తీస్తారు. వెంటనే తమ దినఫలాల( Daily Horoscope) వైపు చూస్తారు. అనుకూల సమయాలు మరీ చూసుకుని ఏ పనులు చేపడితే ఎలాంటి లాభాలు ఉంటాయి? రోజులో ఎలా ముందుకు సాగాలి అనే విషయాలపై దృష్టి సారిస్తుంటారు. మరి జులై 7 (గురువారం)న రాశి ఫలాలు ఎలా ఉన్నాయో తెలుసుకుందాం రండి.

మేషం

వీరికి శుభఘడియలు నడుస్తున్నాయి. మానసికంగా ఉల్లాసంగా ఉత్సాహంగా గడుపుతారు. చేపట్టిన పనులను సకాలంలో ప్రణాళికాబద్ధంగా పూర్తి చేస్తారు. మనసుకు ప్రశాంతత ఉంటుంది. పరమేశ్వరుడిని పూజిస్తే మంచిది.

వృషభం

శ్రమాధిక్యం తప్పదు. నూతన కార్యక్రమాలు, కీలక పనుల్లో కుటుంబ సభ్యుల సలహాలు, సూచనలు తీసుకోవడం ఉత్తమం. ఒక శుభవార్త మనసుకు ప్రశాంతత కలిగిస్తుంది. విరోధులకు దూరంగా ఉండాలి. ఇష్టదేవతా ధ్యానం సానుకూల ఫలితాలను అందిస్తుంది.

మిథునం

ఈరాశివారికి దైవబలం మెండుగా ఉంటుంది. ప్రారంభించిన పనులు సకాలంలో పూర్తవుతాయి. కుటుంబీకులు, బంధువులతో కలిసి విందులు, వినోద కార్యక్రమాల్లో పాల్గొంటారు. లక్ష్మీదేవిని దర్శించుకుంటే శుభం కలుగుతుంది.

కర్కాటకం

కీలక వ్యవహారంలో కుటుంబ సభ్యులు, సన్నిహితుల సాయం అందుతుంది. ధైర్యంతో తీసుకున్న నిర్ణయాలు మంచి ఫలితాలను ఇస్తాయి. శుభకార్యాల్లో పాల్గొంటారు. అవసరానికి డబ్బు చేతికి అందుతుంది. శివుడిని పూజిస్తే మేలు జరుగుతుంది.

సింహం

ఆయా రంగాల్లో ఆత్మవిశ్వాసంతో ముందుకు సాగుతారు. సానుకూల ఫలితాలు పొందుతారు. కీలక పనుల్లో ముందడుగు పడుతుంది. ఉన్నతాధికారులతో అప్రమత్తంగా, జాగ్రత్తగా వ్యవహరించాలి. ఒక్కోసారి చేయని పొరపాటుకు నింద పడాల్సి రావచ్చు. శివస్తోత్రం జపిస్తే బాగుంటుంది.

కన్య

వీరికి అదృష్టం వెన్నంటే ఉంటుంది. వృత్తి,ఉద్యోగ, వ్యాపార రంగాల్లో మంచి ఫలితాలు వస్తాయి. ఆర్ధికంగానూ సానుకూలిస్తుంది. నూతన వస్తువులను కొనుగోలు చేస్తారు. కొత్త పనులను ప్రారంభిస్తారు.విష్ణు అష్టోత్తర శతనామావళి పఠిస్తే మంచిది.

తుల

అనుకూల వాతావరణం ఉంటుంది. విందులు, వినోద కార్యక్రమాలు, శుభకార్యాల్లో పాల్గొంటారు. మనోధైర్యంతో ముందుకు వెళతారు. అనుకున్న పనులను ప్రణాళికాబద్ధంగా సకాలంలో పూర్తిచేస్తారు. వేంకటేశ్వరుడిని పూజిస్తే శుభం కలుగుతుంది.

వృశ్చికం

ఈరాశివారికి శుభఘడియలు నడుస్తున్నాయి. కొత్త పనులను ప్రారంభించడానికి ఇది సరైన సమయం. కుటుంబ వాతావరణం కూడా అనుకూలంగా ఉంటుంది. అనుకున్న పనులను సకాలంలో పూర్తవుతాయి. బంధు, మిత్రుల సహకారం ఉంటుంది. దైవారాధన మాత్రం మానవద్దు.

ధనస్సు

దైవబలం తోడుగా ఉంటుంది. ప్రారంభించిన పనుల్లో సంతృప్తికరమైన ఫలితాలు సాధిస్తారు. సమయానికి చేయూతనందించేవారు చాలామంది ఉంటారు. కీలక వ్యవహారాల్లో జాగ్రత్తగా వ్యవహరించాలి. అనవరసర ఖర్చులు ఇబ్బందిపెడతాయి. లింగాష్టకం జపిస్తే మంచిది.

మకరం

కుటుంబీకులు, సన్నిహితుల సహకారంతో సానుకూల ఫలితాలను పొందుతారు. సమయస్ఫూర్తితో సమస్యలను పరిష్కరించుకుంటారు. ఒక శుభవార్త కుటుంబంలో సంతోషం నింపుతుంది. ఇష్టదేవతలను ఆరాధిస్తే మరింత మంచిది.

కుంభం

చేపట్టిన రంగాల్లో సానుకూల ఫలితాలు సాధిస్తారు. ఒక వార్త ఇంట్లో ఆనందాన్ని నింపుతుంది. బంధు, మిత్రులతో కలిసి శుభకార్యాల్లో పాల్గొంటారు. అష్టమ చంద్రసంచారం అనుకూలంగా లేదు. ఆరోగ్యం విషయంలో అప్రమత్తంగా ఉండాలి.

మీనం

బంధు, మిత్రులను కలిసి సంతోషంగా గడుపుతారు. కీలక వ్యవహారాల్లో వారితో చర్చించి నిర్ణయాలు తీసుకుంటారు. సమయస్ఫూర్తితో వ్యవహరిస్తారు. కొన్ని చర్చలు లాభిస్తాయి. ప్రసన్నాంజనేయ స్తోత్రం పారాయణం చేయాలి.

Note: (రాశిఫలాలు అనేవి నమ్మకం మీద ఆధారపడి ఉంటాయి. దీనికి శాస్త్రీయ ఆధారాలు లేవు. మనుషుల ఆసక్తిని నమ్మకాన్ని దృష్టిలో ఉంచుకుని ఇక్కడ అందించబడింది.)

ఇవి కూడా చదవండి

మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..

లేటెస్ట్ న్యూస్ హైలెట్స్ చూడండి

Follow us on

Related Stories

Most Read Stories

Click on your DTH Provider to Add TV9 Telugu