శుభలేఖ రాసుకున్నా యదలో ఎపుడో..! వంగవీటి రాధా – పుష్పవల్లి పెళ్లి ముహూర్తం ఖరారు.. శుభలేఖ చూశారా..?
వంగవీటి రంగా తనయుడు వంగవీటి రాధాకృష్ణ వివాహ ముహూర్తం ఖరారయ్యింది. ఈనెల అంటే అక్టోబర్ 22వ తేదీ ఆదివారం రాత్రి 7.59 నిమిషాలకు శ్రవణా నక్షత్రయుక్త వృషభ లగ్నం నందు నవ వధువరులు రాధ, పుష్పవల్లిలు ఒక్కటైయ్యేందుకు ఇరుపక్షాల పెద్దలు శుభ ముహూర్తాన్ని ఖరారు చేశారు.
ఏలూరు, అక్టోబర్ 07: వంగవీటి రంగా తనయుడు వంగవీటి రాధాకృష్ణ వివాహ ముహూర్తం ఖరారయ్యింది. ఈనెల అంటే అక్టోబర్ 22వ తేదీ ఆదివారం రాత్రి 7.59 నిమిషాలకు శ్రవణా నక్షత్రయుక్త వృషభ లగ్నం నందు నవ వధువరులు రాధ, పుష్పవల్లిలు ఒక్కటైయ్యేందుకు ఇరుపక్షాల పెద్దలు శుభ ముహూర్తాన్ని ఖరారు చేశారు. వీరి వివాహము విజయవాడ – నిడమానూరు పోరంకి రోడ్డు లోని మురళి రిసార్ట్స్‌లో జరుగనుంది. ఈ మేరకు ఆహుతులకు శుభలేఖలు సిద్ధమయ్యాయి. ఇప్పటికే ఇరువైపులా బంధువులకు శుభపత్రికలు అందించారు. పెళ్ళికి వచ్చే రంగా, రాధా అభిమానులకు బంధువులకు ఎటువంటి అసౌకర్యం కలగకుండా భారీ ఏర్పాట్లు చేస్తున్నారు. ఈ వివాహానికి ప్రధాన రాజకీయ పార్టీలలోని ప్రముఖులు హాజరవుతారని వధువు వరుల బంధువులు చెబుతున్నారు.
వధువు ఎవరంటే..
నరసాపురం పట్టణానికి చెందిన జక్కం బాబ్జి అమ్మాని దంపతులకు ఇద్దరు కుమార్తెలు. జక్కం అమ్మాని 1987-92 వరకు టీడీపీ నుంచి నరసాపురం మున్సిపాలిటీ చైర్ పర్సన్‌గా బాధ్యతలు నిర్వహించారు. అమ్మాని బాబ్జి దంపతుల ద్వితీయ కుమార్తె పుష్పవల్లి. స్కూల్, కాలేజ్ విద్యాభ్యాసం అంతా నరసపురంలోనే జరిగింది. అనంతరం హైదరాబాద్‌లో ఉన్నత విద్యను అభ్యసించారు. కొంతకాలం హైదరాబాద్‌లో యోగా టీచర్‌గా పనిచేసిన పుష్పవల్లి ఒక ప్రైవేట్ విద్యా సంస్థలో కీలక బాధ్యతలను చేపట్టారు.
ఆమె తండ్రి టిడిపి ఆవిర్భావం నుంచి నరసాపురం రాజకీయాలలో కీలక పాత్ర పోషించేవారు. అయితే కొన్ని కారణాలవల్ల కొంతకాలం హైదరాబాదులో నివాసం ఉన్నారు. ఇటీవల మళ్ళీ నరసాపురంలో నూతన గృహ నిర్మాణం పూర్తిచేసుకుని ఇక్కడే నివాసముంటున్నారు. ఇటీవల ఈయన జనసేన పార్టీలో జాయిన్ అయి క్రియాశీలక పాత్ర పోషిస్తున్నారు. ఇటీవల పవన్ కల్యాణ్ వారాహి యాత్రలో భాగంగా నరసాపురం విచ్చేసినప్పుడు వీరి ఇంట్లోనే బస చేశారు. ఇటీవల వంగవీటి రంగ జయంతి సందర్భంగా.. వంగవీటి రాధా వీరి నివాసానికి విచ్చేసి రంగా జయంతి వేడుకలు నిర్వహించారు. ఈ సందర్భంగానే రాధా మిత్రులు వివాహ సంబంధం గురించి ఇరువర్గల వారు మాట్లాడుకున్నారు.
శుభలేఖ వీడియో చూడండి..
వంగవీటి రాధాకృష్ణ..
వంగవీటి రాధాకృష్ణ పరిచయం అవసరం లేని పేరు ఎందుకంటే ఎమ్మెల్యేగా ఒక్కసారి మాత్రమే గెలిచినా.. రంగా కుమారుడిగా ఆయనకు ప్రత్యేకమైన గుర్తింపు ఉంది. ప్రస్తుతం టీడీపీ నేతగా ఉన్న ఆయన రాజకీయాల్లో యాక్టివ్‌గా ఉన్నారు. రాధా – రంగా మిత్ర మండలి, రంగా అభిమాన సంఘాలు నిర్వహించే కార్యక్రమాల్లోనూ చురుకుగా పాల్గొంటున్నారు. చాలా కాలంగా రాధాకృష్ణ వివాహం కోసం ఆయన అభిమానులు ఎదురుచూస్తున్న తరుణంలో ఆయన వివాహ ముహూర్తం ఖరారు అయింది.
మరిన్ని ఆంధ్రప్రదేశ్ వార్తల కోసం ఇక్కడ క్లిక్ చేయండి..
