Elephants at Tirupathi: తిరుపతి జిల్లాలో ఏనుగుల సంచారం.. భయంతో వణికిపోతున్న ప్రజలు

Elephants Wandering

తిరుపతి(Tirupathi) జిల్లాలో ఏనుగులు బీభత్సం సృష్టిస్తున్నాయి. ఫలితంగా ప్రజలు భయంతో హడలిపోతున్నారు. రేణిగుంట(Renigunta) మండలం నాయుడుపేట తిరుపతి జాతీయ రహదారికి కూతవేటు దూరంలో ఉన్న రామకృష్ణపురంలో అర్ధరాత్రి ఏనుగులు సంచరించాయి. జనావాసాల మధ్య తిరుగుతూ భయాందోళన కలిగించాయి. ఈ దృశ్యాలు సీసీ కెమెరాల్లో నిక్షిప్తమయ్యాయి. రామకృష్ణనగర్, వసుంధరనగర్, తూకీవాకం ప్రాంతాల్లో రాత్రి వేళల్లో ఏనుగులు(Elephants) సంచరించం కలకలం రేపుతోంది. ఏప్రిల్‌ 4న ఏనుగులు రామకృష్ణానగర్‌లో సంచరించాయి. ఓ వ్యక్తి ఇంటి బయట కుర్చీలో కూర్చొని ఉండగా ఆయన వెనక నుంచి ఏనుగులు వచ్చాయి. కుక్క అదే పనిగా అరుస్తుండటంతో వెనక్కి చూసిన ఆ వ్యక్తి ఏనుగులను చూసి భయంతో పరుగులు తీశాడు. ఈ ఘటన తరవాత అటవీ శాఖ అధికారులు, గాజులమండ్యం పోలీసులు రంగంలోకి దిగారు. రేణిగుంట సమీపంలో అటవీ ప్రాంతం ఉండటంతో ఏనుగులు గ్రామాల వైపు వస్తున్నాయని స్థానికులు చెబుతున్నారు. పొలాలవైపు వెళ్లాలంటేనే వారు భయపడిపోతున్నారు. అధికారులు స్పందించి తమ సమస్యలు పరిష్కరించాలని కోరుతున్నారు. ఏనుగులు తిరిగి తమ గ్రామాల్లో రాకుండా చర్యలు తీసుకోవాలని విజ్ఞప్తి చేస్తున్నారు.

Also Read

Team India: అవమానాలు ఎన్నొచ్చినా బ్యాట్‌తోనే చెక్.. టీమిండియా చరిత్రలో ఈయన రూటే సెపరేటు..

lady Finger Benefits: బెండకాయలు తింటే ఎన్ని లాభాలో తెలిస్తే అస్సలు వదలరు..

K.G.F: Chapter 2: కేజీఎఫ్ ఛాప్టర్ 2 నుంచి మరో పాట.. ఆకట్టుకుంటున్న ‘ఎదగరా’ సాంగ్