AP News: ఓర్నీ.. చెంచా గాడిద పాల రేటెంతో తెలిస్తే మీ మతి పోద్ది
గంగిగోవు గరిటెడైనను చాలు.. కడివెడైనా నేమి కరము పాలు అనే వేమన శతకంలోని పద్యం తెగ పాపులర్. ఆ వేమన కవి పద్యం రాసినప్పుడు పరిస్థితులు అలా ఉన్నాయేమో కానీ.. అదే వేమనను ఇప్పుడు పద్యం రాయమంటే మాత్రం.. గరిటెడైనను చాలు కరము పాలు.. కడివెడైనా నేమి గోవుపాలు అని రాస్తారేమో.. అవును.. చెంచాడు గాడిద పాలు రేటెంతో తెలిస్తే నోరెళ్లబెడతారు.
గ్రామాల్లో వీధుల వెంట తిరుగుతూ గాడిద పాలు అమ్మడం కొత్త సీనేం కాదు. కానీ ఎంతకు అమ్ముతున్నారు అనేది ఇప్పుడు పాయింట్. పిల్లలకు మూడు పూటలకు మూడొందల చొప్పున తొమ్మిది వందలట.. పెద్దోల్లకైతే ఇంకొన్ని ఎక్కువ ఇస్తారు. మూడు పూటలకు 500 లెక్కన పదిహేను వందలట. అలాగనీ పూటకో గ్లాసు పాలు ఏం ఇవ్వరు. పిల్లలకు ఉగ్గుపాలు పట్టినట్లు.. ఓ చెంచా పాలు ఇస్తారు అంతే. ద్వారకాతిరుమలలో గాడిద పాలు ఈ లెక్కన అమ్ముతున్నారు. ఈ పాలు.. ఆయాసం, ఉబ్బసం, జలుబు, దగ్గుకు మంచి మందని ప్రచారం ఉంది. అందుకే అంత రేటు అనమాట.
వామ్మో.. ఎంత మంచిదైనా..ఎన్ని రోగాలకు నయం చేసినా.. చెంచా పాలు మూడొందలు అంటే? మతి పోతుంది కదూ. అయితే ఆ పాలలో ఏవో మెడిసిన్ కలుపుతారట.. అందుకే అంత రేటు అని చెబుతుంది ఆ గాడిద పాలు అమ్మే మహిళ. పనిపాట లేనోళ్లను.. ఏం పనికి వస్తావ్‌రా.. కనీసం పోయి గాడుదులు కాసుకో అని పెద్దోళ్లు తిట్టేవాళ్లు.. చెప్తే వినకుండా ఊరిమీదపడి తిరిగేవాళ్లను.. ఏం తిరుగుడురా గాడిది తిరిగినట్టు.. అడ్డగాడది.. నిలువు గాడిదీ.. అని తిట్టేవాళ్లు.. కానీ గాడిద పాలకున్న డిమాండ్ చూస్తుంటే.. తమను అడ్డం బెట్టుకుని తిడుతుంటే గాడిదలు కూడా ఫీలయ్యే చాన్స్ ఉంది కదా…!
వీడియో దిగువన చూడండి…