అందులో వల్గారిటీ ఏం లేదు: విమర్శకులకు పూజా సమాధానం

స్టైలిష్ స్టార్ అల్లు అర్జున్ నటించిన తాజా చిత్రం అల వైకుంఠపురములో. జనవరి 12న ప్రేక్షకుల ముందుకు వచ్చిన ఈ చిత్రం మంచి టాక్‌ను తెచ్చుకోవడంతో పాటు కలెక్షన్లలోనూ రాణిస్తోంది. అయితే ఇందులో పూజా హెగ్డేకు సంబంధించిన ఓ సీన్‌పై విమర్శలు వచ్చాయి. గత సినిమాల్లో హీరోయిన్లను పెద్ద ఇబ్బందిగా ఎప్పుడూ చూపించని త్రివిక్రమ్.. ఈ సారి పూజా హెగ్డేను వల్గారిటీ కోసం వాడుకున్నారని కామెంట్లు వచ్చాయి. ఆమె తొడలపై ఫోకస్ పెట్టడంతో పాటు సామజవరగమన పాటలోనూ త్రివిక్రమ్ కొంచెం ఇబ్బందిగా చూపించారంటూ విమర్శకులు తమ అభిప్రాయాన్ని వ్యక్తపరిచారు. ఈ క్రమంలో వీటిపై పూజా స్పందించింది.

ఎన్నో సినిమాల్లో అమ్మాయిలను ఇబ్బందిగానే చూపిస్తారు. షార్ట్ కాకుండా లంగా ఓణి వేసుకున్నా, నడుం చూస్తారు. కానీ అల వైకుంఠపురములో అలా చూపించలేదు. ఇక పాటలోనూ తాను ఎంత అందంగా నడుస్తాను అన్న దానిపై లిరిక్స్ రాశారు కానీ.. నా కాళ్ల గురించి కాదు అంటూ చెప్పుకొచ్చింది. కాగా అల వైకుంఠపురములోతో ఈ ఏడాది మొదటి హిట్‌ను తన ఖాతాలో వేసుకుంది పూజా హెగ్డే.