సైంటిస్టుల అద్భుత సృష్టి.. చేయి లేకపోయినా బ్రెయిన్ సిగ్నల్స్‌తో పనిచేసే రోబోటిక్ హ్యాండ్!

సాధారణంగా కృత్రిమ అవయవాలు శరీరానికి అమర్చితేనే పనిచేస్తాయి. కానీ చైనా తయారు చేసిన బ్రెయిన్‌కో బయోనిక్ చేయి వినియోగదారుడి చేతికి లేకపోయినా సొంతంగా కదులుతుంది. కండరాలు, నాడుల నుంచి వచ్చే విద్యుత్ సంకేతాలను ఇది గుర్తిస్తుంది. ఆర్టిఫిషియల్ ఇంటెలిజెన్స్ (AI) సాయంతో ఆ సంకేతాలను రియల్ టైమ్‌లో వేగంగా విశ్లేషిస్తుంది.

ఆ తర్వాత వైర్‌లెస్ ద్వారా కదలికలకు సంబంధించిన కమాండ్స్ ఆ రోబోటిక్ చేతికి అందుతాయి. దీంతో అందులోని ఒక్కో వేలు అత్యంత కచ్చితత్వంతో కదులుతుంది. వాస్తవానికి ఈ బయోనిక్ చేతికి 21 డిగ్రీల స్వేచ్ఛ (degrees of freedom) ఉన్నట్టు బ్రెయిన్‌కో సంస్థ చెబుతోంది. అంతేకాకుండా అరచేతికి పూర్తి స్పర్శజ్ఞానం ఉండటం దీని మరో ప్రత్యేకత. దీనికి వాడిన సిలికాన్ కవచం అచ్చం నిజమైన మనిషి చర్మంలానే కనిపిస్తుంది. పైగా ఈ బయోనిక్ చేయి బరువు చాలా తక్కువగా ఉంటుంది. అంటే ఇది ఒక పెద్ద యాపిల్ పండు బరువుతో సమానం. చేతులు కోల్పోయిన దివ్యాంగులకు ఈ సరికొత్త బయోనిక్ చేయి నిజంగా ఒక వరం లాంటిది. వారు తమ రోజువారీ పనులను సులభంగా చేసుకునేందుకు ఈ సాంకేతికత ఎంతగానో ఉపయోగపడుతుంది. ఏ వస్తువునైనా సులువుగా పట్టుకోవడం, దానికి సంబంధించిన స్పర్శను గ్రహించడం దీని ద్వారా సాధ్యమవుతుంది.

ఇవి కూడా చదవండి

'నాకు తెలియదు' అని చెప్పడానికీ ధైర్యం కావాలి.. UPSC టాపర్ సక్సెస్

పచ్చి మిరపకాయలతో పచ్చడి ఒక్కసారి ఇలా చేస్తే.. కడుపునిండా తింటారు

పోలీస్ ఉద్యోగాలకు TSLPRB నుంచి మరో కొత్త నోటిఫికేషన్..

ఒకే ఏడాదిలో ఏకంగా 13 కేంద్ర ప్రభుత్వ ఉద్యోగాలు.. కడప కుర్రాడి కథ

ఒక చిన్న ఈఈజీ (EEG) హెడ్‌సెట్ ద్వారా మనిషి మెదడులోని సంకేతాలను ఈ పరికరం గ్రహిస్తుంది. నీళ్ల గ్లాసు పట్టుకోవాలన్నా, లేదా ఏదైనా వస్తువును తీయాలన్నా.. వినియోగదారుడి ఆలోచనను క్షణాల్లోనే కమాండ్స్‌గా మార్చి ఈ రోబోటిక్ చేయి పనిచేస్తుంది. బ్రెయిన్‌కో సంస్థ ఇప్పటికే దివ్యాంగుల కోసం బయోనిక్ చేతులను మార్కెట్లో విక్రయిస్తోంది. అయితే డబ్ల్యూఏఐసీ (WAIC)లో ప్రదర్శించిన ఈ సరికొత్త వైర్‌లెస్ డెమో మోడల్ ధరను కానీ, మార్కెట్‌లోకి ఎప్పుడు వస్తుందనే విషయాన్ని కానీ కంపెనీ ఇంకా ప్రకటించలేదు. ఈ బయోనిక్ చేయి వీడియోలు ప్రస్తుతం సోషల్ మీడియాలో విపరీతంగా వైరల్ అవుతున్నాయి.