Breaking News
  • ఎన్‌ఆర్సీ బీజేపీ కార్యాలయంలో తయారుచేసే చట్టం కాదు. ఇప్పటికిప్పుడు కేవలం సీఏఏ గురించే ఆలోచిస్తున్నాం. ఎన్‌ఆర్సీపై ఇప్పుడు ఎలాంటి చర్చ జరపడం లేదు-మురళీధర్‌రావు. అసోంలో ఎన్‌ఆర్సీ విధానాన్ని సుప్రీంకోర్టు పర్యవేక్షిస్తోంది. అసోంలో అమలవుతున్న ఎన్‌ఆర్సీ విధానాలే.. దేశం మొత్తం మీద ఉంటుందని భావించలేం-మురళీధర్‌రావు. అసోంతో ఇతర రాష్ట్రాల పరిస్థితులను పోల్చలేం. -బీజేపీ జాతీయ ప్రధాన కార్యదర్శి మురళీధర్‌రావు.
  • చిత్తూరు: సోమల అటవీప్రాంతంలో ప్రేమజంట ఆత్మహత్య. చెట్టుకు ఉరేసుకుని ఆత్మహత్య చేసుకున్న హేమలత, ముని. పది రోజుల నుంచి కనిపించకుండా పోయిన హేమలత, ముని. ఇంటర్‌ చదువుతున్న హేమలత, ఆటో నడుపుతున్న ముని.
  • తూ.గో: రంపచోడవరం మండలం చిలకమామిడిలో గిరిజనుల ఆందోళన. సోమిరెడ్డి అనే వ్యక్తి మృతదేహంలో ఐటీడీఏ ఎదుట ఆందోళన. రంపచోడవరం ఏరియా ఆస్పత్రికి సూరింటెండెంట్‌పై.. చర్యలు తీసుకోవాలని పీవోని కలిసిన సోమిరెడ్డి బంధువులు, గ్రామస్తులు. సరైన వైద్యం అందుబాటులోలేక ప్రాణాలు పోతున్నాయంటున్న గ్రామస్తులు.
  • మావోయిస్టు పార్టీల నేతలు అక్రమ వసూళ్లకు పాల్పడుతున్నారు మావోయిస్టుల నేతల అక్రమ వసూళ్లకు ప్రజలు సహకరించొద్దు మావోయిస్టు నేతలకు అక్రమంగా డబ్బులు వసూలు చేసే.. సర్వేష్‌, పెద్దిరెడ్డిని పోలీస్‌ ఇన్‌ఫార్మర్లుగా చిత్రీకరించారు మావోయిస్టు ఉత్తరాలు అందిన వెంటనే పోలీసులకు సమాచారమివ్వాలి -భద్రాద్రి కొత్తగూడెం ఎస్పీ సునీల్‌దత్‌
  • తిరుమలలో భక్తుల రద్దీ సాధారణం. శ్రీవారి ఉచిత దర్శనానికి 8 గంటల సమయం. ఈ రోజు శ్రీవారిని దర్శించుకున్న 35,223 మంది భక్తులు. ఈ రోజు శ్రీవారి హుండీ ఆదాయం రూ.4.02 కోట్లు.
  • సూర్యాపేట: హుజూర్‌నగర్‌లో చిన్నారి శ్రావ్య అదృశ్యం. 26 రోజుల నుంచి కనిపించకుండా పోయిన శ్రావ్య. పీఎస్‌లో ఫిర్యాదు చేసిన శ్రావ్య తండ్రి సాంబశివరావు.

పాక్ ను ఓడించిన భారత్‌పై ప్రతీకారం తీర్చుకుంటా: ఇంగ్లండ్ బాక్సర్

World Cup 2019, పాక్ ను ఓడించిన భారత్‌పై ప్రతీకారం తీర్చుకుంటా: ఇంగ్లండ్ బాక్సర్

ప్రపంచకప్‌లో భారత్ తో పాకిస్థాన్‌ ఓటమికి తాను ప్రతీకారం తీర్చుకుంటానని ప్రముఖ బ్రిటిష్‌ బాక్సర్ అమిర్‌ ఖాన్ తెలిపాడు. జులై 12న సౌదీ అరేబియాలో జరగబోయే బాక్సింగ్‌ మ్యాచ్‌లో భారత బాక్సర్‌ నీరజ్‌ గోయత్‌ను ఓడిస్తానని చెప్పాడు. మాంచెస్టర్ వేదికగా జరిగిన ప్రపంచ కప్ టోర్నీలో పాక్ పై భారత్ ఘన విజయాన్ని అందుకున్న విషయం తెలిసిందే. ఈ సందర్భంగా పాకిస్థాన్‌ సంతతికి చెందిన బ్రిటిష్‌ బాక్సర్‌ అమిర్‌ఖాన్‌ ట్విటర్‌లో పైవిధంగా స్పందించాడు. దీనికి నీరజ్‌ గోయత్‌ తనదైన శైలిలో ధీటుగా బదులిచ్చాడు. ‘అలాగే కలలోనే ఉండు అమిర్‌.. నువ్వు నా విజయాన్ని, భారత గెలుపుని వీక్షిస్తావు’ అంటూ నవ్వుతున్న ఎమోజీలు పెట్టాడు.

అయితే పాక్ సాధించలేనిది తాను సాధించి చూపుతానంటూ పాక్ సంతతికి చెందిన బ్రిటిష్ బాక్సర్ అమిర్ ఖాన్ శపథం చేస్తున్నాడు. జూలై 12వ తేదీన సౌదీ అరేబియాలో జరగనున్న బాక్సింగ్ పోటీలో తాను భారత బాక్సర్ నీరజ్ గోయత్ తో పోటీ పడనున్నట్లు అమీర్ తెలిపాడు. ఇందులో భారత బాక్సర్ ను ఓడించడం ద్వారా ఐసిసి వన్డే ప్రపంచ కప్ లో పాక్ కు ఎదురయిన పరాభవానికి ప్రతీకారం తీర్చుకుంటానంటూ ఓ ట్వీట్ చేశాడు.

ఇదిలా ఉండగా పాకిస్థాన్‌ ఆటగాళ్లను ఉద్దేశించి ఆమిర్‌ మరో ట్వీట్‌ చేశాడు. ’ఫిట్‌నెస్‌ ఎలా మెరుగుపరుచుకోవాలో పాక్‌ క్రికెట్‌ జట్టుకు నేను సూచనలు చేస్తా. ఆహారం, డైట్‌ విషయంలో ఎలాంటి నియమాలు పాటించాలో వివరిస్తా. పాక్‌ జట్టులో నైపుణ్యం కలిగిన ఆటగాళ్లు ఉన్నారు. కానీ వారు బలంగా మారి పరిస్థితులకు తగ్గట్టు ఆడాలి’ అని సూచించాడు. ఆమిర్‌ పుట్టి పెరిగింది మాంచెస్టర్‌లోనే అయినా అతడి మూలాలు పాకిస్థాన్‌లో ఉన్నాయి. దీంతో అతడు పాక్‌ జట్టుకు మద్దతుగా నిలిచాడని తెలుస్తోంది.

మరోవైపు పాకిస్థాన్‌ ప్రపంచకప్‌లో ఇప్పటివరకు ఆడిన ఐదు మ్యాచ్‌ల్లో ఒకటి మాత్రమే గెలిచి పాయింట్ల పట్టికలో వెనుకంజలో ఉంది. ఇకపై ఆడే అన్ని మ్యాచ్‌లు గెలిస్తే తప్ప ఆ జట్టుకు సెమీస్‌కి చేరే అవకాశం లేదు. ఈ నేపథ్యంలో సర్ఫరాజ్‌ కెప్టెన్సీ, ఆటగాళ్ల ప్రదర్శనపై సోషల్‌మీడియాలో విమర్శలు వెల్లువెత్తుతున్నాయి.

 

Related Tags