అమెరికాలో సడెన్ గా కుంగిన భూమి.. గుంతలో పడ్డ కార్లు

అమెరికాలోని ఒమాహా సిటీలో ట్రాఫిక్ సిగ్నల్ వద్ద రోడ్డు ఉన్నట్టుండి కుంగి భారీ గుంత ఏర్పడింది. ఆ సమయంలో రెడ్ సిగ్నల్ పడడంతో అక్కడ ఆగిన రెండు కార్లు గుంతలో పడిపోయాయి. అయితే అందులోని ప్రయాణికులకు పెద్దగా గాయాలు కాలేదు. ఈ ఘటన మొత్తం అక్కడున్న సీసీటీవీ కెమెరాలలో రికార్డైంది. ప్రస్తుతం ఈ వీడియో సోషల్ మీడియాలో వైరల్ గా మారింది. ఒమాహా సిటీలోని 67వ జంక్షన్ వద్ద ట్రాఫిక్ సిగ్నల్ పడటంతో వాహనాలు ఆగుతున్న సమయంలో ఒక్కసారిగా రోడ్డు కుంగిపోయి భారీ గుంత ఏర్పడింది. ఊహించని ఈ షాకింగ్ ఘటనలో ఒక ఎస్‌యూవీ, మరో పికప్ ట్రక్‌ గుంతలో పడిపోయాయి. అత్యవసర సేవా సిబ్బంది అక్కడికి చేరుకునేలోపే, ఆ రెండు వాహనాల్లోని డ్రైవర్లను తోటి వాహనదారులు కాపాడారు. దీంతో పెను ప్రమాదం తప్పింది. భూగర్భంలో నీటి పైపులైన్ లీక్ కావడం వల్ల లోపల మట్టి కోతకు గురై, పైన ఉన్న రోడ్డుకు పట్టు కోల్పోవడమే ఈ సింక్ హోల్ ఏర్పడటానికి కారణమని సిటీ ఇంజనీర్ ఆస్టిన్ రోజర్ తెలిపారు. గుంత మరింత విస్తరించే అవకాశం ఉన్నందున ఆ ప్రాంతానికి ఎవరూ రావద్దని పోలీసులు హెచ్చరించారు. మెట్రోపాలిటన్ యుటిలిటీస్ డిస్ట్రిక్ట్ సిబ్బంది ఘటనా స్థలంలో మరమ్మతులు చేపట్టారు.

మరిన్ని వీడియోల కోసం ఇక్కడ క్లిక్ చేయండి

Also Watch:

Pomegranate: ఈ ఆరోగ్య సమస్యలు ఉన్నవారు దానిమ్మ తింటే.. అంతే సంగతులు

నెల రోజులు షుగర్‌ మానేస్తే ఏం జరుగుతుందో తెలుసా

ఇవి పిచ్చి ఆకులు కాదండి బాబు.. విషయం తెలిస్తే షాకవుతారు!