భయపడిన యూట్యూబర్ మధుమిత.. ఫ్యామిలీతో పరార్‌!
తమిళ యూట్యూబర్ మధుమితపై బంగారం చోరీకి సంబంధించిన కేసులు నమోదైనట్లు కథనం పేర్కొంది. నాగర్‌కోవిల్‌లోని ఆమె ఇంట్లో రూ.కోటి విలువైన 118 సవర్ల బంగారం చోరీ కాగా, నలుగురు నిందితులను పోలీసులు అరెస్ట్ చేసి 98 సవర్లను స్వాధీనం చేసుకున్నట్లు సమాచారం. మరోవైపు 89 ఏళ్ల కాంట్రాక్టర్ చేసిన ఫిర్యాదుతో ఆమెపై మరో కేసు నమోదైంది. ప్రస్తుతం మధుమిత కుటుంబంతో కలిసి కనిపించకుండా పోవడంతో పోలీసులు ఆమె కోసం గాలిస్తున్నట్లు కథనం చెబుతోంది.
సోషల్ మీడియాలో విలాసవంతమైన జీవితాన్ని ప్రదర్శిస్తూ వార్తల్లో నిలిచిన ప్రముఖ తమిళ యూట్యూబర్ మధుమిత, ప్రస్తుతం పోలీసుల దర్యాప్తుకు భయపడి కుటుంబంతో సహా పరారవ్వడం కలకలం రేపుతోంది. కన్యాకుమారి జిల్లా నాగర్‌కోవిల్‌కు చెందిన మధుమిత, తన సోషల్ మీడియా ఖాతాల్లో కిలోల కొద్దీ బంగారం, నగదు కట్టలను చూపిస్తూ వీడియోలు చేసేది. ఆమె వీడియోలు చూసి ఆకర్షితులైన నలుగురు దొంగలు, ఇటీవల ఆమె ఇంట్లోకి చొరబడి సుమారు రూ. కోటి విలువైన 118 సవర్ల బంగారాన్ని దోచుకెళ్లారు. బాధితురాలి ఫిర్యాదుతో రంగంలోకి దిగిన పోలీసులు నలుగురు నిందితులను అరెస్ట్ చేసి, వారి నుంచి 98 సవర్ల బంగారాన్ని స్వాధీనం చేసుకున్నారు.ఈ చోరీ కేసు విచారణ శరవేగంగా సాగుతుండగానే కథలో ఊహించని మలుపు తిరిగింది. తిరునెల్వేలికి చెందిన 89 ఏళ్ల వృద్ధుడైన భవన నిర్మాణ కాంట్రాక్టర్ పేచ్చిముత్తు, మధుమితపై పోలీసులకు సంచలన ఫిర్యాదు చేశారు. 2022లో మధుమిత తనతో పరిచయం పెంచుకుని, ప్రయాణంలో తన మెడలోని 5 సవర్ల బంగారు గొలుసును లాక్కుందని, ఎదురు ప్రశ్నిస్తే తీవ్రంగా బెదిరించిందని ఆరోపించారు. వృద్ధుడి ఫిర్యాదుతో రాజాక్కమంగళం పోలీసులు మధుమితపై మరో ఎఫ్‌ఐఆర్ నమోదు చేశారు. ఒకవైపు చోరీ కేసు విచారణ, మరోవైపు తనపైనే నమోదైన బంగారం దోపిడీ కేసుతో తీవ్ర భయాందోళనకు గురైన మధుమిత.. తన భర్త వినోద్ కుమార్, కుమార్తెతో కలిసి ఇంటికి తాళం వేసి పరారైంది. కేసుల నుంచి తప్పించుకునేందుకే ఆమె అదృశ్యమైనట్లు అనుమానిస్తున్న పోలీసులు, ప్రస్తుతం ఆమె కోసం వెతికే పనిలో పడ్డారు.
మరిన్ని వీడియోల కోసం ఇక్కడ క్లిక్ చేయండి
Also Watch:
బాబోయ్‌.. వింతపాము…రెండు తలలు, నాలుగు కాళ్లతో
చీమల కోసం తవ్వితే.. పాము దొరికింది!నల్లమలలో బయటపడ్డ షాకింగ్ నిజం
ఆలయంలో అర్చకుల వింత జపం.. ఎందుకో మీరే చూడండి!