పెళ్లి చేసుకున్న రోబోలు .. గౌనులో వధువు.. సూట్లో వరుడు
రష్యా చరిత్రలో తొలిసారిగా రోబోటిక్ వివాహ వేడుక జరిగింది. హ్యూమనాయిడ్ రోబోలు రాబర్ట్, మటిల్డా సాంప్రదాయ పద్ధతిలో పెళ్లి చేసుకున్నాయి. ఇది సాంకేతికత భవిష్యత్తును ప్రదర్శించే ఒక వినూత్న కార్యక్రమంగా నిర్వాహకులు పేర్కొన్నారు. రోబోలు భావోద్వేగాలను వ్యక్తం చేయగలవా అనే ప్రశ్నలకు ఈ ప్రదర్శన సమాధానాలు అందిస్తుంది.
మానవ జీవితాలను టెక్నాలజీ రోజురోజుకూ కొత్త మార్పులతో నింపుతోంది. ఒకప్పుడు కేవలం ఊహల్లో మాత్రమే ఉన్న రోబోలు ఇప్పుడు మనతో కలిసి పని చేస్తున్నాయి. వంటగది నుంచి పరిశ్రమల వరకు, అంతరిక్షం నుంచి యుద్ధరంగం వరకు తమ సామర్థ్యాలను నిరూపించుకుంటున్నాయి. ఈ క్రమంలోనే, రష్యా చరిత్రలోనే తొలి రోబోటిక్ వివాహ వేడుక జరిగి ప్రపంచవ్యాప్తంగా ఆసక్తిని రేకెత్తించింది. మాస్కోలోని ప్రముఖ పుష్కిన్ లైబ్రరీలో జరిగిన ఈ అరుదైన వివాహంలో హ్యూమనాయిడ్ రోబోలు రాబర్ట్, మటిల్డా ప్రధాన ఆకర్షణగా నిలిచాయి. సూట్ ధరించిన రాబర్ట్, తెల్లని పెళ్లి గౌనులో మటిల్డా ఒక వధూవరుల జంటను తలపించాయి. అచ్చం మానవ వివాహంలానే అతిథులతో నిండిన హాల్ లోకి ప్రవేశించిన ఈ రోబో జంటకు చప్పట్లతో స్వాగతం పలికారు. ముందుగా ప్రోగ్రామ్ చేయబడిన వివాహ ప్రమాణాలను అవి ఒకరికొకరు చేసుకున్నాయి. అనంతరం, డాగ్మాటిక్ అనే రోబోటిక్ కుక్క వివాహ కంకణాలను వేదికపైకి తీసుకురాగా, రోబో జంట వాటిని ఒకరికొకరు తొడుక్కున్నారు. దీంతో హోస్ట్ వారిని అధికారికంగా రోబో భార్యాభర్తలుగా ప్రకటించారు. ఈ ప్రత్యేక వివాహ వేడుకకు మరో ప్రత్యేకత కూడా ఉంది. రష్యాలో ఏటా జులై 8న కుటుంబం, ప్రేమ, విశ్వసనీయతకు సంబంధించిన పండుగను జరుపుకుంటారు. అదే సందర్భాన్ని పురస్కరించుకుని, అత్యంత ప్రాచీన రష్యన్ సాంస్కృతిక సంప్రదాయాల నేపథ్యంలో ఈ రోబో వివాహాన్ని నిర్వహించారు. ఇది సంప్రదాయాలు, ఆధునిక కృత్రిమ మేధస్సు టెక్నాలజీ కలిసిన అరుదైన కార్యక్రమంగా నిలిచింది.
మరిన్ని వీడియోల కోసం :
ఇండస్ట్రీలో అక్కినేని హీరోల టైం మొదలైందా..?
విజయ్ ‘జన నాయగన్’ ఓపెనింగ్స్ పై ఆసక్తి