కల్యాణదుర్గంలో అగ్ని ప్రమాదం టెన్షన్ రేపింది. ఓ వ్యక్తి అగ్గిపుల్ల రాజేసి.. బీడీ ముట్టించుకుని.. కింద పడేయడంతో ఈ ఘోరం జరిగింది.
అతడు విసిరేసిన అగ్గిపుల్ల రోడ్డుపై పడిన పెట్రోలుకు అంటుకుని.. సెకన్ల వ్యవధిలో భగ్గున మంటలు వ్యాపించాయి. ఈ మంటలకు రోడ్డు పక్కనున్న ద్విచక్ర వాహనాలకు విస్తరించడంతో.. అవి కొంతమేర కాలిపోయాయి. పక్కనే పెట్రోల్ బంక్ ఉండటంతో.. అందరూ ఆందోళనకు గురయ్యారు. స్థానికులంతా కలిసి నీళ్లు పోసి.. ఆ మంటలను అదుపులోకి తెచ్చారు. పెను ప్రమాదం, ప్రాణాపాయం తప్పడంతో అందరూ ఊపిరి పీల్చుకున్నారు. విషయం తెలిసిన వెంటనే.. పోలీసులు స్పాట్‌కు వచ్చి వివరాలు సేకరించారు.
మరిన్ని ఆంధ్రప్రదేశ్ వార్తల కోసం ఇక్కడ క్లిక్ చేయండి..