ఐఏఎస్, ఐపీఎస్ ఆదర్శ వివాహం ఆడంబరాలకు దూరం, యువతకు స్ఫూర్తి

ఐఏఎస్, ఐపీఎస్ అధికారుల ఆదర్శ వివాహం ఇప్పుడు రాష్ట్రవ్యాప్తంగా చర్చనీయాంశంగా మారింది. ఎలాంటి ఆడంబరాలు, భారీ ఖర్చులు లేకుండా సాదాసీదాగా రిజిస్టర్ మ్యారేజ్ చేసుకున్న ఈ యువ అధికారుల జంట సమాజానికి మంచి సందేశం ఇచ్చింది. చౌటుప్పల్ సబ్‌ రిజిస్టర్ కార్యాలయంలో ఈ వివాహం చట్టబద్ధంగా నమోదు అయింది. సంప్రదాయ వేడుకలు, ఆడంబరాలకు దూరంగా, ఎంతో సాదాసీదాగా వివాహం చేసుకోవడం ద్వారా యువతకు ఆదర్శంగా నిలిచారు. వివాహ కార్యక్రమం సింపుల్‌గా జరిగినప్పటికీ, అందులోని విలువలు మాత్రం ఎంతో గొప్పవిగా కనిపించాయి. చౌటుప్పల్ మండలం లింగారెడ్డిగూడెంకి చెందిన లేడీ ఐపీఎస్ అధికారి శేషాద్రిని రెడ్డి ప్రస్తుతం కుత్బుల్లాపూర్ డీసీపీగా విధులు నిర్వహిస్తున్నారు. క్రమశిక్షణ, ప్రజాసేవలో తనదైన ముద్ర వేసుకున్న ఆమె ఈ వివాహంతో మరోసారి తన వ్యక్తిత్వాన్ని చాటుకున్నారు. ఇక కడప జిల్లాకు చెందిన యంగ్ ఐఏఎస్ అధికారి శ్రీకాంత్ రెడ్డి ప్రస్తుతం ఐఏఎస్ శిక్షణలో ఉన్నారు. ఈ వివాహానికి పలువురు ఉన్నతాధికారులు, సన్నిహితులు హాజరై నూతన వధూవరులను ఆశీర్వదించారు. ఆడంబరాలకంటే విలువలకు ప్రాధాన్యం ఇవ్వాలన్న సందేశంతో జరిగిన ఈ వివాహం యువతకు స్ఫూర్తిగా నిలుస్తోంది. సోషల్ మీడియాలోనూ ఈ ఆదర్శ వివాహానికి ప్రశంసలు వెల్లువెత్తుతున్నాయి.

మరిన్ని వీడియోల కోసం ఇక్కడ క్లిక్ చేయండి

Also Watch:

గాంధీ ఆసుపత్రిలో అరుదైన శస్త్రచికిత్స.. మహిళకు పునర్జన్మ

బాబోయ్‌ చిరుత.. పరుగులు తీస్తున్న రైతులు

‘ఆ అంకుల్స్ నాతో చండాలంగా ప్రవర్తించారు’ హీరోయిన్ ఎమోషనల్

‘పెళ్లికి ముందే అమ్మాయితో అసభ్యంగా దొరికాడు.. కోపంతో చితకొట్టిన క్రికెటర్’

రెడ్ కార్పరేట్ తో మాజీ మావోయిస్టు నేత కీ ఘన స్వాగతం.. పువ్వులు చల్లిన స్థానికులు