ఇడ్లీ తింటే .. జీఎస్టీతో పాటు ‘గ్యాస్ ఫీజు’ కట్టాల్సిందే..

హోటల్‌కు వెళ్తే మనం ఆర్డర్ చేసిన టిఫిన్‌కు బిల్లు కట్టడం మామూలే. కానీ, ఇకపై ఆ టిఫిన్ వండటానికి వాడిన గ్యాస్‌కు కూడా విడిగా బిల్లు కట్టాల్సి వస్తుందేమోనన్న అనుమానం కలుగుతోంది. చెన్నైలోని ఓ హోటల్ యాజమాన్యం వేసిన బిల్లు ఇప్పుడు నెట్టింట మంటలు పుట్టిస్తోంది. టిఫిన్ ధరతో పాటు ప్రత్యేకంగా ‘Gas Usage Fee’ వసూలు చేయడంతో కస్టమర్లు నోరెళ్లబెడుతున్నారు. చెన్నైలోని ఒక హోటల్‌కు వెళ్లిన కస్టమర్, టిఫిన్ తిన్న తర్వాత చేతికి వచ్చిన బిల్లు చూసి కంగుతిన్నాడు. అందులో ఇడ్లీ, వడ ధరల కింద అదనంగా ‘గ్యాస్ యూసేజ్ ఫీ’ అని జోడించి ఉంది. “మేము హోటల్‌కు వచ్చేదే వండిన ఆహారం తినడానికి.. మరి వంట చేయడానికి వాడిన గ్యాస్ ఖర్చును విడిగా వసూలు చేయడం ఏంటి?” అని సదరు కస్టమర్ సోషల్ మీడియా వేదికగా ప్రశ్నించాడు. ఆ బిల్లు ఫోటో కాస్తా ఇప్పుడు వైరల్‌గా మారి చర్చకు దారితీసింది. ఈ వింత బిల్లుపై నెటిజన్లు రకరకాలుగా స్పందిస్తున్నారు. “రేపు హోటల్ ఏసీ గాలికి, కూర్చున్న కుర్చీకి కూడా రెంట్ అడుగుతారేమో!” అని కొందరు వ్యంగ్యంగా కామెంట్ చేస్తున్నారు. ఆహార పదార్థాల ధరల్లోనే అన్ని రకాల ఖర్చులు కలిపి ఉండాలి. ఇలా విడిగా వసూలు చేయడం వినియోగదారుల హక్కులను కాలరాయడమే” అని వినియోగదారుల సంఘాలు మండిపడుతున్నాయి. సాధారణంగా గ్యాస్ ధరలు పెరిగినప్పుడు హోటల్ యజమానులు టిఫిన్ ధరలను స్వల్పంగా పెంచుతుంటారు. కానీ ఇలా ‘గ్యాస్ ఫీజు’ అంటూ విడిగా వసూలు చేయడం నిబంధనలకు విరుద్ధమని నిపుణులు చెబుతున్నారు. ఇలాంటి అడ్డగోలు వసూళ్లపై పౌర సరఫరాల శాఖ, వినియోగదారుల రక్షణ విభాగం తక్షణమే స్పందించి స్పష్టమైన మార్గదర్శకాలు విడుదల చేయాలని సామాన్యులు కోరుతున్నారు.

మరిన్ని వీడియోల కోసం ఇక్కడ క్లిక్ చేయండి

Also Watch:

అమ్మ దొంగ చేపా… ఎంత పనిచేశావే !

గ్రామస్తులపై తేనెటీగల దాడి..15 మంది..

గూగుల్ మ్యాప్స్‌లో ‘జెమిని’ మ్యాజిక్.. ఇకపై మ్యాప్స్‌తో మాట్లాడవచ్చు

దోశలు, ఆమ్లెట్లు అడగొద్దు.. క్యాంటీన్లలో ‘క్లోజ్డ్’బోర్డ్స్

ఇద్దరు పెళ్లి కొడుకుల ఎంట్రీతో.. పెళ్లిలో ఊహించని ట్విస్ట్..