సింహాల గుంపులోకి ఏనుగు ఎంట్రీ.. చివరిలో సూపర్ ట్విస్ట్
సింహం గర్జించిందంటే కలుగులో ఉన్న ఎలుక కూడా గడగడా వణకాల్సిందే. అడవికి రాజైన సింహం అంటే ఎంతటి భారీ జంతువుకైనా భయమే. అలాంటిది ఒకటి కాదు రెండు కాదు ఓ సింహాల గుంపునే పరుగులు పెట్టించింది ఓ ఏనుగు. దీనికి సంబంధించిన వీడియో సోషల్ మీడియాలో వైరల్ అవుతోంది. దీనిపై నెటిజన్లు రకరకాలుగా కామెంట్లు చేశారు.
నాన్నా.. పందులే గుంపులుగా వస్తాయ్… సింహం.. సింగిల్గా వస్తుంది అనేది ఓ సినిమాలో డైలాగ్. నిజంగానే సింహం అంత పవర్ఫుల్. కానీ ఇక్కడ మాత్రం సీన్ రివర్స్ అయిపోయింది. వైరల్ అవుతున్న ఈ వీడియోలో కొన్ని సింహాలు ఓ చోట గుంపుగా చేరి సేదతీరుతుంటాయి. అదే సమయంలో ఓ పెద్ద ఏనుగు ఘీంకరిస్తూ అక్కడికి వచ్చింది. ఏనుగు ఘీంకారానికి దెబ్బకు భయపడిన సింహాలు ఒక్కసారిగా ఉలిక్కిపడి లేచాయి. ఓర్నాయనో.. ఇక్కడే ఉన్నామంటే ఈ ఏనుగు తొక్కి పడేసేలా ఉంది… అనుకొని అక్కడినుంచి సింహాలన్నీ తలోదిక్కూ పరుగు తీశాయి. అలా పారిపోతున్న సింహాలను చూసిన ఏనుగు వాటిని మరింత భయపెడుతూ వాటి వెంటపడటంతో బ్రతుకు జీవుడా అంటూ సింహాలు పారిపోయాయి. ఈ ఘటనను సఫారీకి వెళ్లిన కొందరు పర్యాటకులు తమ కెమెరాల్లో బంధించారు. ఈ వీడియో పాతదే అయినా మరోసారి సోషల్ మీడియాలో పోస్ట్ చేయడంతో తెగ వైరల్ అవుతోంది. దీనిపై నెటిజన్లు తమదైన శైలిలో స్పందించారు. ఈ ఏనుగు పవర్ మామూలుగా లేదుగా అని కొందరు.. అడవిని గడగడలాడించే సింహాలకే చుక్కలు చూపించిందిగా అంటూ కామెంట్లు చేస్తున్నారు. ఈ వీడియోను ఇప్పటికే 26 లక్షల మందికి పైగా వీక్షించారు. 20 వేలమందికి పైగా లైక్ చేశారు.
మరిన్ని వీడియోల కోసం ఇక్కడ క్లిక్ చేయండి
Also Watch:
ఈ డైట్ ఫాలో అయితే.. మీ కిడ్నీలకు ఢోకా ఉండదు