Viral Video: బాస్‌ అంటే మీలా ఉండాలి.. యజమాని మానవత్వానికి నిలువెత్తు నిదర్శనం

బంధాలు, అనుబంధాలు బలహీనపడుతున్న నేటి రోజుల్లో మానవీయ విలువలు ఇంకా బతికే ఉన్నాయని నిరూపించే ఓ అరుదైన ఘటన ముంబైలో వెలుగుచూసింది. ప్రముఖ హృద్రోగ నిపుణులు డాక్టర్ ప్రశాంత్ మిశ్రా సోషల్ మీడియా వేదికగా పంచుకున్న ఈ సంఘటన నెటిజన్ల మనసులను ఎంతగానో ఆకట్టుకుంటోంది. ప్రశాంత్ మిశ్రా వద్దకు వృత్తిరీత్యా డ్రైవర్‌గా పనిచేసే ఓ వ్యక్తి గుండె బైపాస్ శస్త్రచికిత్స కోసం వచ్చాడు. ప్రైవేట్ ఆస్పత్రిలో ఖర్చు ఎక్కువ అవుతుందని, అంత ఖర్చు అతను భరించలేడని గ్రహించిన మిశ్రా..ప్రభుత్వ వైద్యశాలకు వెళ్లాలని సలహా ఇచ్చారు. అయితే, ఆ మరునాడు రోగి కుమారుడు ఫోన్ చేసి, ప్రైవేట్ ఆసుపత్రిలోనే శస్త్రచికిత్స చేయించనున్నట్లు తెలిపాడు. అంతేకాదు, ఫోన్‌ చేసి చెప్పిన కాసేపటికే ఆసుపత్రి ఖాతాలో ఏకంగా రూ.4.25 లక్షలు జమ అయ్యాయి. ఆ రోగి పనిచేస్తున్న యజమాని ఆ మొత్తాన్ని నేరుగా ఆన్‌లైన్ ద్వారా బదిలీ చేసినట్లు తేలింది. ఆ మొత్తాన్ని రోగి యజమాని నేరుగా ఆన్‌లైన్ ద్వారా బదిలీ చేసినట్లు తెలిసింది. అనంతరం శస్త్రచికిత్స విజయవంతంగా పూర్తయింది. కృతజ్ఞతలు చెప్పేందుకు డాక్టర్ యజమానికి ఫోన్ చేసాడు. ఈ క్రమంలో ఆయన చెప్పిన మాటలు అందరినీ కదిలించాయి. “అతను నా డ్రైవర్ మాత్రమే కాదు… 15 ఏళ్లుగా నాతో కలిసి పనిచేస్తున్న నా సహోద్యోగి. మా వృత్తులు వేర్వేరైనా, మేమిద్దరం ఒకే బృందంలో భాగస్వాములం అని యజమాని చెప్పారు. ఈ మాటలు డాక్టర్‌ను ఎంతగానో ప్రభావితం చేశాయి. హోదాను బట్టి కాకుండా మనుషులకు ఇచ్చే విలువ, గౌరవమే ముఖ్యమని చాటిచెప్పిన ఆ యజమాని ఉదారతపై సోషల్ మీడియాలో నెటిజన్లు ప్రశంసలు కురిపిస్తున్నారు.

మరిన్ని వీడియోల కోసం ఇక్కడ క్లిక్ చేయండి

Also Watch:

Chennai Love Story: హిట్టా..? ఫట్టా..? కిరణ్‌ అబ్బవరం ఖాతాలో హిట్‌ పడిందా?